Helicopter Emergency Landing : हेलिकॉप्टरचे चक्क रस्त्यावर आपत्कालीन लँडिंग; मागचा भाग कारवर आदळला अन् पंखे थेट दुकानात घुसले
हेलिकॉप्टरने बदासू हेलिपॅडवरून केदारनाथसाठी उड्डाण केले, ज्यामध्ये पायलटसह 6 प्रवासी होते. अपघातात पायलटला किरकोळ दुखापत झाली आहे. याशिवाय इतर प्रवासी सुरक्षित असल्याचे सांगण्यात आले आहे.
Helicopter makes emergency landing on road : तांत्रिक बिघाडामुळे उत्तराखंडमधील रुद्रप्रयाग येथे रस्त्यावर हेलिकॉप्टरचे आपत्कालीन लँडिंग करण्यात आले. यादरम्यान, हेलिकॉप्टरचा मागील भाग कारवर पडला आणि तुटून बाजूला पडला. यामध्ये कारचेही पूर्णपणे नुकसान झाले. तर हेलिकॉप्टरच्या पंख्यामुळे महामार्गावर बांधलेल्या दुकानाचे शेडचे नुकसान झाले. यादरम्यान, दुकानात बसलेल्या लोकांनी पळून जाऊन आपले प्राण वाचवले. हेलिकॉप्टरने बदासू हेलिपॅडवरून केदारनाथसाठी उड्डाण केले, ज्यामध्ये पायलटसह 6 प्रवासी होते. अपघातात पायलटला किरकोळ दुखापत झाली आहे. याशिवाय इतर प्रवासी सुरक्षित असल्याचे सांगण्यात आले आहे. यानंतर, पायलटला उपचारासाठी जवळच्या रुग्णालयात दाखल करण्यात आले आहे.
#WATCH | Uttarakhand | A private helicopter en route to Kedarnath Dham made an emergency landing in Guptkashi of Rudraprayag district due to a technical fault. All the people on board the helicopter are safe: Uttarakhand ADG Law and Order Dr V Murugeshan
— ANI (@ANI) June 7, 2025
CEO of UCADA has… pic.twitter.com/Zj1SLluZ7N
जीवितहानी झाल्याचे वृत्त नाही
सीईओ उकाडा सोनिका म्हणाल्या की, सिरसीहून उड्डाण करताना क्रिस्टल एव्हिएशन प्रायव्हेट लिमिटेडच्या हेलिकॉप्टरने हेलिपॅडशिवाय रस्त्यावर सावधगिरीने लँडिंग केले. कोणत्याही जीवितहानी झाल्याचे वृत्त नाही. डीजीसीएला कळवण्यात आले आहे. उर्वरित शटल ऑपरेशन्स नियोजित कार्यक्रमानुसार सामान्यपणे सुरू आहेत.
तांत्रिक बिघाडामुळे महामार्गावर लँडिंग करावे लागले
जिल्हा पर्यटन विकास अधिकारी आणि हेली सर्व्हिस नोडल अधिकारी राहुल चौबे म्हणाले की, क्रिस्टल एव्हिएशन प्रायव्हेट लिमिटेडचे हेलिकॉप्टर दुपारी 1 वाजता बारासू येथील तळावरून 5 प्रवाशांसह केदारनाथ धामसाठी उड्डाण करत होते. यादरम्यान, हेलिकॉप्टरमध्ये काही तांत्रिक बिघाड झाला. पायलटला वेळीच बिघाड जाणवला. त्यानंतर, पायलटने राष्ट्रीय महामार्गावर आपत्कालीन लँडिंग केले. हेलिकॉप्टरमधील पाचही प्रवासी सुरक्षित आहेत, तर पायलटला किरकोळ दुखापत झाली आहे. आपत्कालीन लँडिंग दरम्यान रस्त्यावर उभ्या असलेल्या कारचे नुकसान झाले. याचा हेली शटल सेवेवर परिणाम झालेला नाही.
हेलिकॉप्टर अपघाताची ही एका महिन्यात तिसरी घटना
8 मे: उत्तरकाशीमध्ये हेलिकॉप्टर कोसळले, 6 जणांचा मृत्यू
उत्तरकाशीतील गंगणी येथे भागीरथी नदीजवळ हेलिकॉप्टर कोसळले. अपघातात पायलटसह ६ जणांचा मृत्यू झाला. मृतांमध्ये बरेली येथील आई-मुलीचाही समावेश आहे. हेलिकॉप्टर गंगोत्री धामला जात होते. प्रशासनाच्या म्हणण्यानुसार, 7 आसनी हेलिकॉप्टरमध्ये पायलट रॉबिनसह 5 महिला आणि 2 पुरुष होते. हे हेलिकॉप्टर अहमदाबाद येथील एअरोट्रान्स सर्व्हिस प्रायव्हेट लिमिटेड कंपनीचे होते. हे हेलिकॉप्टर गुजरातच्या अहमदाबाद येथील एअरोट्रान्स सर्व्हिस प्रायव्हेट लिमिटेड कंपनीचे होते. ते बेल (बेल-व्हीटी-क्यूएक्सएफ) हेलिकॉप्टर होते.
17 मे: केदारनाथमध्ये एअर अॅम्ब्युलन्स अपघात
17 मे रोजी उत्तराखंडमधील केदारनाथमध्ये एअर अॅम्ब्युलन्स हेलिकॉप्टर कोसळला. हेलिकॉप्टरमध्ये पायलट, डॉक्टर आणि नर्स असे तीन जण होते. तिघेही सुरक्षित आहेत. हेलिकॉप्टर ऋषिकेश एम्समधून एका रुग्णाला घेण्यासाठी केदारनाथला येत होते. लँडिंग करताना अचानक हेलिकॉप्टर नियंत्रणाबाहेर गेले आणि जमिनीवर कोसळले. हेलिकॉप्टरच्या टेल बूम तुटल्यामुळे हा अपघात झाला.
इतर महत्वाच्या बातम्या
महत्त्वाच्या बातम्या
