![ABP Premium](https://cdn.abplive.com/imagebank/Premium-ad-Icon.png)
Nisha Dahiya : आपल्या मृत्यूच्या बातम्या या अफवा; आपण सुरक्षित असल्याचं पैलवान निशा दहियाचं स्पष्टीकरण
Nisha Dahiya : निशा दहियाने तिच्या इन्स्टाग्रामवरुन एक व्हिडीओ शेअर केला आहे. आपल्या मृत्यूच्या बातम्या या अफवा असून आपण एकदम सुरक्षित असल्याचं तिने स्पष्ट केलं आहे.
![Nisha Dahiya : आपल्या मृत्यूच्या बातम्या या अफवा; आपण सुरक्षित असल्याचं पैलवान निशा दहियाचं स्पष्टीकरण Haryana Wrestler Nisha Dahiya issues video after death news says she is fine Nisha Dahiya : आपल्या मृत्यूच्या बातम्या या अफवा; आपण सुरक्षित असल्याचं पैलवान निशा दहियाचं स्पष्टीकरण](https://feeds.abplive.com/onecms/images/uploaded-images/2021/11/10/3e56ee8b86a7311e47191e4cdb91ff56_original.jpeg?impolicy=abp_cdn&imwidth=1200&height=675)
चंदीगड : भारताची उदयोन्मुख पैलवान निशा दहिया आणि तिच्या भावाची अज्ञात इसमांनी सोनिपतमध्ये गोळ्या झाडून हत्या केल्याची अफवा पसरली होती. आता त्यावर स्वत: निशा दहियाने खुलासा केला असून आपण सुरक्षित आहोत, आपल्याला काहीही झालं नसल्याचं सांगितलं आहे. तिने इन्स्टाग्रामवरुन ही माहिती दिली आहे.
निशा दहिया आणि तिच्या भावाची अज्ञात इसमांनी सोनिपतमध्ये गोळ्या झाडून हत्या केल्याची माहिती गेल्या काही वेळेपूर्वी आली होती. हरियाणामधल्या सोनिपत येथील सुशीलकुमार रेसलिंग अॅकॅडमी परिसरात ही घटना घडल्याचं सांगण्यात आलं होतं. या गोळाबारात निशाची आई धनपती याही गंभीररित्या जखमी झाल्या असून, त्यांना रोहतकमधल्या रुग्णालयात दाखल करण्यात आल्याचं सांगण्यात आलं होतं. आता या सर्व बातम्या अफवा असल्याचं निशा दहियाने स्पष्ट केलं आहे.
निशा दहिया हिने एक व्हिडीओ शेअर करत आपल्याला काहीही झालं नसून आपण एकदम सुरक्षित असल्याचं सांगितलं आहे. या व्हिडीओमध्ये तिच्या बाजूला साक्षी मलिकही दिसत आहे.
निशा दहिया ही भारताची उदयोन्मुख पैलवान असून 23 वर्षांखालील वयोगटाच्या जागतिक कुस्ती स्पर्धेत तिने 65 किलो वजनी गटात कांस्यपदकाची कमाई केली होती. या कामगिरीसाठी पंतप्रधान नरेंद्र मोदी यांनीही निशाचं कौतुक केलं होतं.
View this post on Instagram
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)