Crime News: पहाटे नवरा साखरझोपेत असताना बायकोने अंगावर उकळतं तेल ओतलं, जखमांवर मसाला फासला, म्हणाली, 'जर ओरडलास तर...'
Crime News: पत्नीने रात्री झोपलेल्या पतीवर उकळते तेल ओतले आणि नंतर त्याच्या जखमांवर तिखट टाकले.
Crime News: दक्षिण दिल्लीतील मदनगीर परिसरात धक्कादायक (Delhi Crime News) घटना घडली आहे. 28 वर्षीय दिनेश यांच्यावर त्यांच्या पत्नीने झोपेत असताना उकळते तेल आणि मिरची पूड टाकली. या हल्ल्यात (Delhi Crime News) दिनेश गंभीररीत्या भाजला असून सध्या ते सफदरजंग रुग्णालयाच्या अतिदक्षता विभागात (ICU) उपचार घेत आहेत. शेजाऱ्यांच्या मदतीने त्यांना रुग्णालयात दाखल करण्यात आले. या प्रकरणी पोलिसांनी पत्नीविरोधात भारतीय दंड विधानातील कलम 118, 124 आणि 326 अंतर्गत गुन्हा दाखल केला आहे. मात्र, अद्याप आरोपी पत्नीला अटक झालेली नाही. (Delhi Crime News)
Delhi Crime News: नेमकं काय घडलं?
पत्नीने रात्री झोपलेल्या पतीवर उकळते तेल ओतले आणि नंतर त्याच्या जखमांवर तिखट टाकले. औषध कंपनीतील कर्मचारी दिनेश (२८) याला २ ऑक्टोबरच्या रात्री गंभीर भाजलेल्या अवस्थेत सफदरजंग रुग्णालयात नेण्यात आले. त्याला अतिदक्षता विभागात (आयसीयू) दाखल करण्यात आले आहे. त्याच्या शरीराचा २० टक्के भाग भाजला आहे. त्याच दिवशी पोलिस ठाण्यात दाखल केलेल्या एफआयआरनुसार, पहाटे तीनच्या सुमारास दिनेश झोपलेला असताना, त्याची पत्नी साधनाने त्याच्यावर गरम तेल ओतले. यावेळी जोडप्याची आठ वर्षाची मुलगीही घरी होती.
दिनेशने पोलिसांना सांगितले की, तो २ ऑक्टोबर रोजी कामावरून घरी आला, जेवण केलं आणि झोपायला गेला. पत्नी आणि मुलगी जवळच झोपल्या होत्या. पहाटे ३:१५ च्या सुमारास, अचानक माझ्या संपूर्ण शरीरात तीव्र जळजळ जाणवू लागली. डोळे उघडून पाहिले, तर पत्नी तिथे होती. ती माझ्या अंगावर आणि चेहऱ्यावर उकळते तेल ओतत होती. मी उठण्यापूर्वी किंवा ओरडण्यापूर्वी तिने माझ्या भाजलेल्या जागेवर तिखट टाकले. त्याने विरोध केला, तेव्हा त्याची पत्नी म्हणाली, तू आवाज केलास तर मी आणखी गरम तेल ओतेन. जळजळ आणि वेदनेने तो ओरडू लागला. त्याच्या ओरडण्याने शेजारी आणि तळमजल्यावर राहणारे घरमालक धावले.
Delhi Crime News: “आवाज केला तर अजून तेल ओतेन”
दिनेश यांनी पोलिसांना दिलेल्या तक्रारीत सांगितले की, त्यांनी विरोध करण्याचा प्रयत्न केला असता पत्नीने धमकी दिली, “जर आवाज केला तर अजून तेल ओतेन.” प्रचंड वेदनेमुळे ते ओरडू लागले. त्यांचे आवाज ऐकून खाली राहणारे घरमालक आणि शेजारीवर आले.
Delhi Crime News: दरवाजा आतून बंद
शेजाऱ्यांनी सांगितले की, त्या महिलेने दरवाजा आतून बंद केला होता आणि बऱ्याच वेळपर्यंत उघडण्यास नकार दिला. अखेर दरवाजा उघडल्यावर दिनेश गंभीररीत्या भाजलेले दिसले, तर पत्नी घरात लपली होती. ती म्हणाली की तीच पतीला रुग्णालयात नेईल, मात्र शेजाऱ्यांना संशय आल्याने घरमालकाने स्वतः ऑटो बोलावून दिनेशला रुग्णालयात पोहोचवले.
Delhi Crime News: दिनेशची प्रकृती चिंताजनक
प्रथम त्यांना जवळच्या रुग्णालयात नेण्यात आले, मात्र प्रकृती गंभीर असल्याने डॉक्टरांनी त्यांना सफदरजंग रुग्णालयात हलवले. वैद्यकीय अहवालानुसार त्यांच्या भाजण्याच्या जखमा खोलवर झाल्या आहेत.
Delhi Crime News: आधीपासून वैवाहिक वाद
दिनेश आणि त्यांची पत्नी यांचा विवाह आठ वर्षांपूर्वी झाला होता. दोघांमध्ये अनेक दिवसांपासून वाद सुरू होते. दोन वर्षांपूर्वी पत्नीने क्राइम अगेंस्ट वुमन सेल मध्येही तक्रार दिली होती, मात्र नंतर समुपदेशनानंतर वाद काही काळ मिटला होता. या थरारक घटनेच्या दिवशीही या जोडप्यामध्ये भांडण झाले होते.
Delhi Crime News: पोलिस तपास सुरू
पोलिसांनी प्रकरणी कलम 118 (जाणीवपूर्वक दुखापत), 124 (धमकी) आणि 326 (गंभीर दुखापत) अंतर्गत गुन्हा दाखल केला आहे. सध्या आरोपी पत्नी फरार असून पोलिस तिचा शोध घेत आहेत. ह्या संपूर्ण घटनेने मदनगीर परिसरात तसेच दक्षिण दिल्लीमध्ये एकच खळबळ उडाली आहे.
महत्त्वाच्या बातम्या
