दिल्लीच्या हृदयात नरेंद्र मोदी! अखेर केंद्रीय गृहमंत्री अमित शाहंची 'ती' भविष्यवाणी ठरली खरी
देशाची राजधानी दिल्लीच्या विधानसभा निवडणुकीत भाजपनं मोठं यश मिळवलं आहे. या निवडणुकीत आम आदमी पार्टीचा मोठा पराभव झाला आहे.
Delhi Assembly Election Results 2025 : देशाची राजधानी दिल्लीच्या विधानसभा निवडणुकीत भाजपनं मोठं यश मिळवलं आहे. या निवडणुकीत आम आदमी पार्टीचा मोठा पराभव झाला आहे. दिल्लीमधील विधानसभेच्या 70 जागांसाठी 5 फेब्रुवारी रोजी मतदान झाले होते. आज या निवडणुकीचा निकाला लागला. यामध्ये 48 हून अधिक जागांवर भाजपचे उमेदवार आघाडीवर आहेत. जवळपास या उमेदवारांचा विजय निश्चित मानला जात आहे. दरम्यान, काही दिवसापूर्वी दिल्लीच्या विधानसभा निवडणुकीबाबत केंद्रीय गृहमंत्री अमित शाह यांनी केलेली भविष्यवाणी खरी ठरली आहे. ते नेमकं काय म्हणाले होते? याबाबतची माहिती पाहुयात.
नेमकं काय म्हणाले होते अमित शाह?
दिल्लीत काही दिवसांपूर्वी अमित शाह यांनी अरविंद केजरीवाल नवी दिल्ली मतदारसंघात पराभूत होतील अशी भविष्यवाणी केली होती. अखेरी ती भविष्यवाणी आज खरी ठरली आहे. अरविंद केजरीवाल हे नवी दिल्ली मतदारसंघातून कधी आघाडीवर कधी पिछाडीवर होते. मात्र, अकेर ते 1200 मतांनी पराभूत झाले आहे. अरविंद केजरीवाल यांचा परवेश शर्मा यांनी पराभव केला आहे.
दिल्ली विधानसभेच्या निकालानंतर काय म्हणाले अमित शाह?
दिल्ली विधानसभा निवडणूक निकालावर भाष्य करताना अमित शाह म्हणाले की, दिल्लीच्या हृदयात नरेंद्र मोदी आहेत. दिल्लीच्या जनतेनं खोटारडेपणा, धोकेबाजी आणि भ्रष्टाचाराचा 'शीशमहल' उद्ध्वस्त करत दिल्लीला संकटमुक्त केलं आहे. जे लोक दिलेली आश्वासने पाळत नाहीत, अशा लोकांना दिल्लीच्या जनतेनं धडा शिकवला असल्याचे अमित शाह म्हणाले
केजरीवालांसह मनिष सिसोदियांचाही पराभव
दिल्ली विधानसभा निवडणुकीत आम आदमी पक्षाला धक्क्यावर धक्के बसत आहेत. आम आदमी पक्षाचे मुख्य नेते आणि माजी मुख्यमंत्री अरविंद केजरीवाल यांचा पराभव झाला आहे. भाजपचे परवेश प्रवेश वर्मा (Parvesh Varma) यांनी अरविंद केजरीवाल (Arvind Kejriwal) यांच्यावर मात केली. अरविंद केजरीवाल यांचा जवळपास 1200 मतांनी पराभव झाला. याआधीच आम आदमी पक्षाचे नेते आणि माजी उपमुख्यमंत्री मनीष सिसोदिया यांचाही पराभव झाला. याशिवाय दिल्लीच्या विद्यमान मुख्यमंत्री आतिशी या सुद्धा पराभवाच्या छायेत आहेत.
दिल्लीत भाजपला विजय मिळाल्यानंतर मुख्यमंत्रीपदी कोण विराजमान होणार? अशी चर्चा सुरु झाली आहे. अशातच मुख्यमंत्रीपदासाठी एक नाव आघाडीवर आहे. अरविंद केजरीवालांचा ( Arvind Kejriwal) पराभव करणारे भाजप नेते परवेश वर्मा (Parvesh Verma) हे मुख्यमंत्री होण्याची शक्यता वर्तवली जातेय.
भाजपचा मुख्यमंत्रीपदाचा चेहरा कोण असणार?
दिल्ली विधानसभा निवडणुकीत आपचे राष्ट्रीय संयोजक अरविंद केजरीवाल आणि त्यांचे निकटवर्तीय मनीष सिसोदिया यांना पराभवाला सामोरे जावे लागले आहे. परवेश वर्मा यांनी केजरीवालांचा मोठा पराभव केला आहे. हा आम आदमी पार्टीसाठी मोठा धक्का मानला जात आहे. दरम्यान, दिल्लीत भाजप सरकार स्थापन करणार आहे. मात्र, भाजपचा मुख्यमंत्रीपदाचा चेहरा कोण असणार? हा प्रश्न उपस्थित केला जात आहे. परवेश वर्मा हे दिल्लीचे मुख्यमंत्री होऊ शकतात अशी चर्चा सुरु आहे. नवी दिल्लीतून अरविंद केजरीवाल यांचा पराभव केल्यानंतर प्रवेश वर्मा यांनी ट्वीटरवर जय श्री राम असं लिहिलं आहे.
महत्त्वाच्या बातम्या
