Coronavirus | देशातील कोरोनाग्रस्तांचा आकडा 4200 पार; आतापर्यंत 111 लोकांचा मृत्यू

भारतातील कोरोनाग्रस्तांच्या संख्येत दिवसेंदिवस वाढ होत असून सध्या देशातील कोरोना बाधितांचा आकडा 4200 पार पोहोचला आहे.

नवी दिल्ली : भारतामध्ये कोरोना व्हायरस दिवसेंदिवस फोफावत चालला आहे. आरोग्य मंत्रालयाने दिलेल्या माहितीनुसार, भारतात कोरोनाग्रस्तांचा आकडा 4281 वर जाऊन पोहोचला आहे. त्यातील 3851 सक्रिय रूग्ण असून त्यापैकी 1445 रूग्ण हे तब्लिगींच्या धार्मिक कार्यक्रमातील असून काही त्यांच्या संपर्कात आलेले आहेत. आतापर्यंत कोरोना व्हायरसच्या रूग्णांपैकी 76 टक्के पुरूष आणि 24 टक्के महिला आहेत.

देशात COVID-19 मुळे आतापर्यंत 109 लोकांचा मृत्यू झाला आहे. आरोग्य मंत्रालयाने कोरोना व्हायरसच्या रूग्णांचे आकडे सर्वांसमोर जाहीर केले आहेत. त्यांनी दिलेल्या माहितीनुसार, 63 टक्के मृत्यू 60 वर्षांपेक्षा जास्त वय असणाऱ्या व्यक्तींचे झाले आहेत. तर 30 टक्के मृत्यू हे 40 ते 60 दरम्यान वय असणाऱ्या लोकांचे झाले आहेत. तर 7 टक्के कोरोनाग्रस्त हे 40 पेक्षा कमी वयाचे आहेत.

आयसीएमआर ने दिलेल्या माहितीनुसार, कोरोना व्हायरससाठी 5 लाख टेस्टिंग किटची ऑर्डर देण्यात आली आहे. 8-9 एप्रिलला 2.5 लाख किट डिलिव्हर होणार आहेत.

पाहा राज्यानुसार कोरोना बाधितांचा आकडा

तब्लिगींच्या संपर्कातील 25 हजार लोक क्वॉरंटाईन

गृह मंत्रालयाने तब्लिगी जमातीच्या लोकांबाबत एक महत्त्वाची माहिती दिली आहे. मंत्रालयातील संयुक्त सचिव श्रीवास्तव यांनी सांगितले की, 'आम्ही 25000 पेक्षा जास्त तब्लिगी जमातीच्या लोकांना तसेच त्यांच्या संपर्कात आलेल्यांना क्वॉरंटाईन केलं आहे. हरियाणाच्या ज्या 5 गावांमध्ये ते गेले होते. ते सील करण्यात आलं आहे.

पाहा व्हिडीओ : मातोश्रीजवळील चहावाल्याला कोरोनाची लागण, मुख्यमंत्र्यांच्या निवासस्थानाचे 170 सुरक्षारक्षक बदलणार

राज्यांना आर्थिक मदत आणि अन्नधान्यांचा पुरवठा

आरोग्य मंत्रालयाने सांगितलं की, राज्यांसाठी नॅशनल हेल्थ मिशन फंड्समधून 1100 कोटी रूपये जारी करण्यात आले आहेत. तसेच 3000 कोटी रूपयांचा अॅडिशनल फंडही जारी करण्यात आला आहे. अग्रवाल यांनी सांगितले की, कोरोना व्हायरसच्या लढाईमध्ये भारतीय रेल्वे ने दिलेल्या योगदानाबाबत खरचं कौतुक आहे. त्यांनी सांगितलं की, 13 दिवसांमध्ये रेल्वेने 1340 कोचमधून वस्तूंचा पुरवठा केला आहे. रेल्वेमार्फत संपूर्ण देशामध्ये 16.94 मॅट्रिक टन अन्नधान्य ट्रान्सपोर्ट करण्यात आलं आहे. 13 राज्यांना 1.3 लाख मेट्रिक टन गहू आणि 8 राज्यांना 1.32 लाख मेट्रिक टन तांदूळ देण्यात आला आहे.

राजधानी दिल्लीमध्ये कोरोनाचे नवे रूग्ण

दिल्लीमध्ये कोरोना व्हायरसचे 523 रूग्ण आहेत. आतापर्यंत 523 रूग्णांपैकी 330 रूग्ण मरकजचे आहेत. दिल्लीमध्ये आतापर्यंत कोरोनामुळे 7 लोकांचा मृत्यू झाला आहे. दिल्ली सरकारने 1 लाख टेस्टिंग किट्स ऑर्डर केले आहेत. हे किट्स शुक्रवारी मिळणार आहेत. केंद्र सरकारद्वारे दिल्लीला 27000 व्यक्तिगत सुरक्षा किट्स (PPE) मागवले आहेत.

महाराष्ट्रातही कोरोनाचं सावट

राज्यात सोमवारी कोरोनाच्या 120 नवीन रुग्णांची नोंद झाली. त्यामुळे राज्यातील कोरोनाबाधितांची संख्या 868 वर पोहोचली आहे. तर दिलासादायक बाब म्हणजे 70 कोरोनाबाधित रुग्ण बरे झाले असून त्यांना घरी सोडण्यात आलं आहे, अशी माहिती आरोग्यमंत्री राजेश टोपे यांनी दिली. दरम्यान, आज राज्यात 7 करोनाबाधित रुग्णांचा मृत्यू झाला आहे. आज झालेल्या मृत्यूपैकी 4 जण मुंबईतील, प्रत्येकी 1 जण नवी मुंबई, ठाणे, वसई विरार येथील आहेत. राज्यात आतापर्यंत 52 जणांचा मृत्यू झाला आहे.

संबंधित बातम्या :