एक्स्प्लोर
Coronavirus | कोरोना व्हायरसमुळे देशात चौथा बळी, पंजाबमधील 70 वर्षीय व्यक्तीचा मृत्यू
आतापर्यंत देशात चार लोकांचा मृत्यू झाला आहे. कर्नाटक, पंजाब, महाराष्ट्र आणि दिल्लीत प्रत्येकी एकाचा मृत्यू झाला आहे. विशेष म्हणजे हे सर्व मृतक 65 वर्षाच्या वरील वयाचे होते. आतापर्यंत 20 लोकांना उपचार करुन घरी सोडण्यात आलं आहे. आता एकूण 149 रुग्णांवर देशभारात उपचार सुरु आहे.
चंदीगढ : कोरोना व्हायरसमुळे देशात चौथा बळी गेला आहे. पंजाबच्या नवांशहरमध्ये जर्मनी आणि इटलीवरुन आलेल्या एका व्यक्तीचा मृत्यू झाला आहे. पोलिस प्रशासनाने सदर व्यक्ती 70 वर्षीय असल्याची माहिती दिली आहे. देशात आतापर्यंत 173 लोकांना COVID 19 ची बाधा झाली आहे. यात 25 विदेशी नागरिक आहेत. आतापर्यंत देशात चार लोकांचा मृत्यू झाला आहे. कर्नाटक, पंजाब, महाराष्ट्र आणि दिल्लीत प्रत्येकी एकाचा मृत्यू झाला आहे. विशेष म्हणजे हे सर्व मृतक 65 वर्षाच्या वरील वयाचे होते. आतापर्यंत 20 लोकांना उपचार करुन घरी सोडण्यात आलं आहे. आता एकूण 149 रुग्णांवर देशभारात उपचार सुरु आहे.
CORONA । लोकांनी नाही ऐकलं तर कुठल्याही क्षणी लॉकडाऊन : आरोग्यमंत्री राजेश टोपे
आज मृत्यू झालेली पंजाबमधील 70 वर्षीय व्यक्ती इटलीमार्गे जर्मनीहून भारतात आली होती. छातीत दुखत असल्यामुळे या व्यक्तीला रुग्णालयात दाखल करण्यात आले होते. तिथे त्यांचा मृत्यू झाला. या रुग्णाचा कोरोना व्हायरसच्या चाचणीचा अहवाल पॉझिटिव्ह आल्याचे अधिकाऱ्यांनी सांगितले. पंजाबच्या होशियारपूरमधील बांगा येथील रुग्णालयात या व्यक्तीचे निधन झाले. दरम्यान, या व्यक्तीच्या गावापासूनचा तीन किमीपर्यंतचा परिसर बंद करण्यात आला आहे. या रुग्णावर उपचार करणाऱ्या डॉक्टरांना क्वारंटाईन करण्यात आले आहे. Coronavirus | कोरोनाचा प्रसार रोखण्यासाठी केंद्र सरकारचे मोठे निर्णय, आंतरराष्ट्रीय फ्लाईट्स 22 मार्चपासून बंद केंद्र सरकारचे काही महत्त्वाचे निर्णय कोरोनाचा प्रसार रोखण्यासाठी केंद्र सरकारने काही महत्त्वाचे निर्णय घेतले आहेत. यामध्ये वृद्ध नागरिकांचा प्रवास कमी करण्यासाठी आणि भारतीय रेल्वेने ज्येष्ठ नागरिकांना त्यांच्या प्रवासासाठी सध्या अस्तित्त्वात असलेल्या विशेष सवलती काढून घेतल्या आहेत. अनावश्यक प्रवास करण्यापासून परावृत्त करण्याचे पाऊल सरकारने उचलले आहे. येत्या 20 मार्चपासून ही सवलत रद्द करण्यात आली होती. याशिवाय 22 मार्चपासून आंतरराष्ट्रीय फ्लाईट्सही बंद करण्यात येणार आहेत. पुढील एका आठवड्यासाठी आंतरराष्ट्रीय फ्लाईट्स रद्द करण्याचा निर्णय सरकारने घेतला आहे. Corona Effect | सीईटीच्या परीक्षा पुढे ढकलणार, उच्च व तंत्र शिक्षणमंत्री उदय सामंत यांची माहिती
महत्त्वाच्या बातम्या
भारत
राहुल गांधींचा फोन टॅप हा आरोप नाही, वस्तुस्थिती; हर्षवर्धन सपकाळांची टीका, संजय राऊतांचाही मोदी-शाहांवर हल्लाबोल
भारत
'मी नजरकैदेत आहे', सोनम वांगचुक यांचा मोठा दावा, सरकारवरही घणाघात; आता अभिजीत दीपकेंनीही सुनावलं, म्हणाले, 2029 पूर्वी हे सरकार...
भारत
ABP माझा टॉप 10 हेडलाईन्स | 12 नोव्हेंबर 2026 | गुरुवार
भारत
RBI चा नवीन नियम माहित आहे का? आता बँक खाते नसतानाही तुम्ही पैसे मिळवू शकता, जाणून घ्या सविस्तर माहिती
