Corona in India : देशात पुन्हा एकदा कोरोनाचा चढता आलेख; गेल्या 10 दिवसांत मोठी वाढ, पाहा सविस्तर

Coronavirus in India : देशात शेवटच्या दिवशी कोरोनाचे 3962 नवीन रुग्ण आढळले आहेत. यापूर्वी शुक्रवारी 4 हजार 41 गुन्हे दाखल झाले होते. मोठी गोष्ट म्हणजे, यातील निम्म्याहून अधिक रुग्ण केरळमधील आहेत.

Written By : एबीपी माझा वेब टीम | Edited By: श्रद्धा भालेराव | Updated at : 05 Jun 2022 09:26 AM (IST)

Coronavirus in India

Coronavirus in India : देशात जीवघेण्या कोरोना व्हायरसनं (Coronavirus) पुन्हा डोकं वर काढण्यास सुरुवात केली आहे. एक दिवसअगोदर देशात कोरोनाच्या 3962 नव्या रुग्णांची नोंद करण्यात आली होती. तर यापूर्वी शुक्रवारी 4 हजार 41 रुग्णांची नोंद करण्यात आली होती. महत्त्वाची बाब म्हणजे, देशातील दैनंदिन कोरोनाबाधितांपैकी अर्ध्याहून अधिक रुग्ण केरळातील आहेत. केरळ व्यतिरिक्त महाराष्ट्र (Maharashtra), तामिळनाडू (Tamilnadu), तेलंगाना (Telangana) आणि कर्नाटक (Karnataka) मध्येही दैनंदिन कोरोनाबाधितांमध्ये मोठी वाढ पाहायला मिळाली. या पार्श्वभूमीवर सतर्क होत केंद्र सरकारनं राज्यांना योग्य त्या उपाययोजना करण्यासाठी एक पत्रही लिहिलं होतं. जाणून घ्या गेल्या 10 दिवसांतील कोरोना प्रादुर्भावाबाबत...

देशातील कोरोनाची सध्याची आकडेवारी :

एकूण मृत्यू : 5 लाख 24 हजार 677
सक्रिय रुग्ण : 22 हजार 416
कोरोनामुक्त रुग्णांची संख्या : 4 कोटी 26 लाख 25 हजार 454
रिकवरी रेट: 98.73 टक्के
दैनंदिन पॉझिटिव्हिटी रेट : 0.89 टक्के
साप्ताहिक पॉझिटिव्हिटी रेट : 0.77 टक्के
कोरोना लसीकरणाची आकडेवारी : 193.96 कोटींहून अधिक

गेल्या 10 दिवसांतील कोरोनाची दैनंदिन आकडेवारी

तारीख	दैनंदिन रुग्णसंख्या
04 जून	3962
03 जून	4041
01 जून	2745
31 मे	2338
30 मे	2706
29 मे	2685
28 मे	2628
27 मे	1675
26 मे	2022
25 मे	2226

गेल्या आठवड्यात कोरोना रुग्णांमध्ये वाढ

गेल्या 3 महिन्यांत, भारतात कोरोना रुग्णांच्या संख्येत सातत्यानं आणि लक्षणीय घट होत असली तरी गेल्या एका आठवड्यापासून प्रकरणांमध्ये वाढ झाल्याचं पाहायला मिळत आहे. 3 जून 2022 रोजी संपलेल्या आठवड्यात 21 हजार 55 प्रकरणं वाढून 27 मे अखेर 15708 रुग्णांची नोंद करण्यात आली आहे. याव्यतिरिक्त, 27 मे 2022 रोजी संपलेल्या आठवड्यात साप्ताहिक सकारात्मकता दर 0.52 टक्क्यांवरून 3 जून 2022 रोजी संपलेल्या आठवड्यात 0.73 टक्क्यांपर्यंत वाढला. अशी काही राज्य आहेत जी भारतातील प्रकरणांमध्ये मोठ्या प्रमाणात योगदान देत आहेत, जे संसर्गाचा स्थानिक प्रसार होण्याची शक्यता दर्शवितात.

महाराष्ट्रात कोरोनाचा प्रादुर्भाव

महाराष्ट्रात काल कोरोनाचे 1357 नवे रुग्ण आढळून आले आहेत. मोठी बाब म्हणजे, राज्यात सलग तिसऱ्या दिवशी एक हजारांहून अधिक रुग्ण आढळले आहेत. 1357 प्रकरणांपैकी 889 रुग्ण एकट्या मुंबईत नोंदवली गेली आहेत. 4 फेब्रुवारी रोजी शहरात 846 गुन्हे दाखल झाले होते, त्यानंतर या रुग्णांमध्ये घट झाली आहे. सध्या राज्यात कोविड-19 चे 5888 रुग्ण उपचार घेत आहेत. आरोग्य विभागानं सांगितलं की, आतापर्यंत 78 लाख 91 हजार 703 संसर्गाची प्रकरणं नोंदवली गेली असून 1 लाख 47 हजार 865 रुग्णांचा या साथीमुळे मृत्यू झाला आहे. आतापर्यंत 77 लाख 37 हजार 950 लोक कोविडची लागण झाल्यानंतर बरे झाले आहेत.

बंदिस्त आणि सार्वजनिक ठिकाणीही Mask वापरण्याचं आवाहन

राज्यात पुन्हा कोरोनानं (Covid-19) डोकं वर काढलं आहे. याच पार्श्वभूमीवर प्रशासन सतर्क झालं असून वेगवेगळ्या उपाययोजना सुरु केल्या आहेत. अशातच आता राज्यात पुन्हा एकदा मास्क वापरण्याचं आवाहन प्रशासनाकडून करण्यात आलं आहे. राज्यात बंदिस्त ठिकाणी मास्कसक्ती करण्यात आली असून सार्वजनिक ठिकाणीही मास्क वापरण्याचं आवाहन प्रशासनाकडून करण्यात आलं आहे. वाढत्या कोरोना प्रादुर्भावामुळे राज्य सरकारनं निर्णय घेतला आहे.

बंदिस्त ठिकाणी पुन्हा मास्क वापरण्याचं आवाहन करण्यात आलं असून कोरोनाच्या वाढत्या प्रादुर्भावामुळे राज्य सरकारनं हा निर्णय घेतला आहे. आरोग्य सचिव प्रदीप व्यास यांनी यासंदर्भात पत्रातून जिल्हाधिकाऱ्यांना सूचना दिल्या आहेत. बस, ट्रेन, ऑडिटोरियम, शाळा, ऑफिस, सिनेमा हॉल्स, कॉलेज, हॉस्पिटलमध्ये मास्क सक्ती करण्यात आली आहे. तसेच, आरोग्य सचिव व्यास यांनी सर्व जिल्हाधिकारी, आयुक्तांना पत्र लिहून कोरोना प्रतिबंधात्मक नियमावली लागू करण्याबाबत निर्देश दिले आहेत. यासंदर्भात लिहिलेल्या पत्रात बंदीस्त जागेत जिथं मोठ्या संख्येनं लोक एकत्र येतात, तिथं मास्क घालणं गरजेचं असल्याचं नमूद करण्यात आलं आहे. दरम्यान, दोन दिवसांपूर्वी झालेल्या टास्क फोर्सच्या बैठकीत मात्र मास्क सक्ती लागू केलेली नाही, असं सांगण्यात आलं होतं. नागरिकांना मास्क वापरण्याचं आवाहन करण्यात आलं होतं.

महत्त्वाच्या इतर बातम्या :