Coronavirus Cases Today : देशात गेल्या 24 तासांत कोरोनाच्या 12 हजार 729 रुग्णांची नोंद; 221 मृत्यू
Coronavirus Cases Today : देशात गेल्या 24 तासांत 12 हजार 165 रुग्ण कोरोनामुक्त झाले आहेत. तर एक लाख 48 हजार 922 सक्रिय रुग्ण आहेत.
Coronavirus Cases Today : देशात जीवघेण्या कोरोना व्हायरसचा प्रादुर्भाव घटताना दिसत आहे. पण अद्याप धोका टळलेला नाही. देशात अद्यापही दैनंदिन मृतांचा आकडा जास्त आहे. गेल्या 24 तासांत कोरोनाच्या 12 हजार 729 नव्या रुग्णांची नोंद करण्यात आली आहे. तर 221 रुग्णांनी जीव गमावला आहे. अशातच कोरोना प्रादुर्भावापासून आतापर्यंत देशात एकूण 4 लाख 59 हजार 873 रुग्णांचा मृत्यू झाला आहे.
केंद्रीय आरोग्य आणि कुटुंब कल्याण मंत्रालयानं जारी केलेल्या आकडेवारीनुसार, देशात गेल्या 24 तासांत 12 हजार 165 रुग्ण कोरोनामुक्त झाले आहेत. तर एक लाख 48 हजार 922 सक्रिय रुग्ण आहेत. देशात आतापर्यंत 3 कोटी 37 लाख 24 हजार 959 रुग्ण कोरोनामुक्त झाले आहेत.
लसीकरणाचा आकडा 107 कोटींच्या पार
केंद्रीय आरोग्य मंत्रालयाच्या वतीनं जारी करण्यात आलेल्या आकडेवारीनुसार, देशात काल कोरोनाच्या 5 लाख 65 हजार 276 लसीचे डोस देण्यात आले आहेत. ज्यानंतर देशात आतापर्यंत 107 कोटी 70 लाख 46 हजार 116 जणांना लस देण्यात आली आहे.
राज्यातील 1141 तर मुंबईत 330 नव्या रुग्णांची नोंद
गेल्या काही दिवसांपासून राज्यातील कोरोना रुग्णसंख्येची आकडेवारी हजाराच्या जवळपास स्थिर आहे. राज्याच्या आरोग्य मंत्रालयांना जारी केलेल्या ताज्या आकडेवारीनुसार, एकूण 1,141 रुग्णांची भर पडली आहे तर एकूण 32 लोकांना आपला जीव गमवावा लागला आहे. गेल्या 24 तासामध्ये राज्यात एकूण 1,163 रुग्ण कोरोनामुक्त झाले आहेत. राज्यात आजपर्यंत एकूण 64,56,263 करोनाबाधित रुग्ण बरे होऊन घरी परतले आहेत. यामुळे राज्यातील रुग्ण बरे होण्याचे प्रमाण (Recovery Rate) 97.6 टक्के एवढे झाले आहे.
राज्यातील मृत्यूदर हा 2.12 टक्क्यांवर पोहोचला आहे. राज्यात सध्या 15 हजार 062 रुग्णांवर उपचार सुरु आहेत. सध्या राज्यात 1,86,432 व्यक्ती होम क्वॉरंटाईनमध्ये आहेत तर 878 व्यक्ती संस्थात्मक क्वारंटाईनमध्ये आहेत. आजपर्यंत तपासण्यात आलेल्या 6,30,47,584 प्रयोगशाळा तपासण्या करण्यात आल्या आहे.
राज्यात मुंबईत सर्वात जास्त म्हणजे 4160 सक्रिय रुग्णसंख्या असून त्यानंतर पुण्याचा क्रमांक लागतोय. पुणे जिल्ह्यात 3190 सक्रिय रुग्णसंख्या आहे. जळगाव (8), नंदूरबार (1), धुळे (1), जालना (28), बीड (59), लातूर (35), परभणी (39), हिंगोली (20), नांदेड (22), अकोला (20), अमरावती (17), वाशिम (02), अकोला (20), बुलढाणा (08), नागपूर (36), यवतमाळ (05), वर्धा (7), भंडारा (2), गोंदिया (2), चंद्रपूर (18) गडचिरोली (3) या जिल्ह्यात अॅक्टिव्ह रुग्णसंख्या 100 च्या खाली आहे.
मुंबईत 330 रुग्ण तर पाच जणांचा मृत्यू
मुंबईतील कोरोनाची रुग्णसंख्याही सध्या स्थिरावली असल्याचं चित्र आहे. गेल्या 24 तासात शहरात 330 रुग्णांची नोंद झाली तर पाच जणांचा मृत्यू झाला आहे. तसेच 378 रुग्ण कोरोनामुक्त झाले आहेत. मुंबईतील रुग्ण दुप्पटीचा कालावधी आता 1642 दिवस इतका झाला आहे.
महत्त्वाच्या इतर बातम्या :
महत्त्वाच्या बातम्या
