Corona India Update | देशभरात कोरोनाबाधितांचा आकडा 2.46 लाखांवर, 24 तासात 9971 जणांना कोरोना

कोरोना व्हायरसच्या संकटापुढे संपूर्ण जग हतबल झालं आहे. भारतात देखील याचा प्रादुर्भाव वाढतोय. भारतात कोरोनाबाधितांचा आकडा 2 लाख 46 हजार वर गेला आहे. दिलासादायक बाब म्हणजे भारतात 1 लाख 19 हजारांहून अधिक रुग्ण बरे झाले आहेत.देशातील कुठल्या राज्यात कोरोनाची काय स्थिती आहे? जाणून घ्या...

नवी दिल्ली: देशभारत जीवघेण्या कोरोना व्हायरसचं संकट दिवसेंदिवस गडद होत चाललं आहे. मागील 24 तासात देशभरात सर्वाधिक 9971 नवीन कोरोनाबधितांची नोंद झाली आहे. तर 24 तासात 287 लोकांचा कोरोनामुळे मृत्यू झाला आहे. आरोग्य मंत्रालयाच्या आकडेवारीनुसार देशात आतापर्यंत 2 लाख 46 हजार 628 लोकांना कोरोनाची लागण झाली आहे. तर आतापर्यंत कोरोनामुळे 6929 लोकांचा मृत्यू झाला आहे. दिलासादायक बाब म्हणजे एक लाख 19 हजार 293 लोक बरी होऊन घरी देखील गेली आहेत. महाराष्ट्रात काल 1475 कोरोनाबाधित रुग्णांना यशस्वी उपचारांनंतर घरी सोडण्यात आलंय. दिलासादायक बाब म्हणजे आतापर्यंत राज्यभरात 37390 रुग्णांना डिस्चार्ज देण्यात आला आहे. रुग्ण बरे होण्याचा वेग राज्यात वाढताना दिसत आहे. राज्यातील कोरोना संक्रमितांचा आकडा 82968 इतका झाला आहे. तर आतापर्यंत राज्यात 2969 जणांचा मृत्यू झाला आहे. भारतात रिकव्हरी रेट 48.20 टक्के देशात कोरोना रुग्णांची संख्या वाढत असली तरी कोरोना रुग्ण बरे होण्याचे प्रमाण 48.20 टक्के आहे. आयसीएमआरने कोरोना टेस्टिंगची क्षमता वाढवली आहे. यासाठी 520 सरकारी प्रयोगशाळा तर 222 खाजगी अशा742 प्रयोगशाळा सुरू आहेत. आतापर्यंत देशात 45 लाख 24 हजार 317 इतक्या टेस्ट झाल्या आहेत. मागील आठ दिवसात देशात रोज 8 हजारांहून अधिक रुग्ण - 31 मे- 8380, - 1 जून - 8392, - 2 जून - 8171, - 3 जून - 8909, - 4 जून - 9304, - 5 जून - 9851, - 6 जून - 9887, - 7 जून - 9971 मागील आठ दिवसात देशात 1958 रुग्णांचा मृत्यू - 31 मे- 193 - 1 जून - 230 - 2 जून - 204 - 3 जून - 217 - 4 जून - 260 - 5 जून - 273 - 6 जून - 294 - 7 जून - 287 महाराष्ट्राखालोखाल महत्वाची टॉप सात राज्य 

तामिळनाडू 30152 रुग्ण, 16395 बरे झाले, मृतांचा आकडा 251

दिल्ली  27654 रुग्ण, 10664 बरे झाले, मृतांचा आकडा 761

गुजरात  19592 रुग्ण, 13316 बरे झाले,  मृतांचा आकडा 1219

राजस्थान  10331 रुग्ण, 7501 बरे झाले, मृतांचा आकडा 231 मध्यप्रदेश 9228 रुग्ण, 6108 बरे झाले, मृतांचा आकडा 309

उत्तरप्रदेश 9733 रुग्ण, 5648 बरे झाले, मृतांचा आकडा 11

पश्चिम बंगाल 7738 रुग्ण, 3119 बरे झाले , मृतांचा आकडा 383