Corona Update : देशात 24 तासांत 41 हजारांहून अधिक नव्या कोरोनाबाधितांची नोंद; तर 581 रुग्णांचा मृत्यू

Corona Update : देशात गेल्या 24 तासांत 41 हजारांहून अधिक नव्या कोरोनाबाधित रुग्णांची नोंद करण्यात आली असून देशात 581 रुग्णांचा मृत्यू झाला आहे.

देशात कोरोनाची दुसरी लाट (File Photo)

Corona Update : भारतात कोरोनाच्या प्रादुर्भावात काही प्रमाणात घट झाल्याचं पाहायला मिळत आहे. पण, कोरोनाचं संकट अद्याप टळलेलं नाही. दरदिवशी 40 हजार नव्या कोरोनाबाधितांची नोंद केली जात आहे. गुरुवारी आरोग्य मंत्रालयानं जारी केलेल्या आकडेवारीनुसार, गेल्या 24 तासांत 41,806 नव्या कोरोनाबाधितांनी नोंद करण्यात आली आहे. अशातच, गेल्या 24 तासांत 39,130 रुग्ण कोरोनामुक्त झाले आहेत. 

कोरोनाबाधितांची एकूण आकडेवारी 

सध्या देशातील सक्रिय कोरोना रुग्णसंख्या चार लाखांहून अधिक आहे. देशात 4 लाख 32 हजार रुग्णांवर उपचार सुरु असून त्यांच्यावर उपचार सुर आहेत. कोरोनामुळे आतापर्यंत एकूण 4 लाख 11 हजार 989 लोकांचा मृत्यू झाला आहे. महत्त्वाची गोष्ट म्हणजे, आतापर्यंत एकूण 3 कोटी 1 लाख 44 हजार रुग्ण कोरोनामुक्त झाले आहेत. महामारीच्या सुरुवातीपासून आतापर्यंत तीन कोटी 9 लाख 87 हजार लोकांना कोरोनाचा संसर्ग झाला आहे. 

39 कोटींहून अधिक लसीचे डोस देण्यात आले

आरोग्य मंत्रालयानं जारी केलेल्या आकडेवारीनुसार, 14 जुलैपर्यंत देशभरात 39 कोटी 13 लाख कोरोना लसींचे डोस देण्यात आले आहेत. काल दिवसभरात 34 लाख 97 हजार लसींचे डोसे देण्यात आले आहेत. अशातच, आयसीएमआरनं आतापर्यंत 43 कोटी 80 लाख कोरोना चाचण्या करण्यात आल्या आहेत. काल दिवसभरात 19.43 लाख कोरोना सॅम्पल तपासण्यात आले आहेत. ज्याचा पॉझिटिव्हिटी रेट 3 टक्क्यांहून कमी आहे. 

राज्यात बुधवारी 8602 कोरोनाबाधित रुग्णांची नोंद

राज्यात काल (बुधवारी) 8 हजार 602 नवीन कोरोना बाधित रुग्णांची नोंद झाली आहे. तर 6 हजार 067 रुग्ण कोरोनामुक्त झाले आहे. राज्यात आतापर्यंत 59 लाख 44 हजार 801 कोरोना बाधित रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 96.17 टक्के झाले आहे. 

राज्यात काल (बुधवारी) 170 रुग्णांच्या मृत्यूची नोंद झाली आहे. त्यामुळे राज्याचा मृत्यूदर 2.04 टक्के झाला आहे. तब्बल 36 महापालिका क्षेत्र आणि जिल्ह्यांमध्ये आज एकही मृत्यूची नोंद झालेली नाही. राज्यात सध्या 1 लाख 06 हजार 764 रुग्णांवर उपचार सुरु आहेत. सध्या राज्यात 5 लाख 80 हजार 771 व्यक्ती होमक्वारांटाईनमध्ये आहेत. तर 4 हजार 309 व्यक्ती संस्थात्मक क्वारांटाईनमध्ये आहेत. 

चार जिल्ह्यात एकाही रुग्णाची नोंद नाही

नंदूरबार (68), हिंगोली (72), यवतमाळ (21), गोंदिया (64), चंद्रपूर (90)  या चार जिल्ह्यात अॅक्टिव्ह रुग्णसंख्या 100 च्या खाली आहे. पुणे जिल्ह्यात सध्या सर्वात जास्त 17, 389 अॅक्टिव्ह रुग्ण आहेत. तर नंदूरबार, भंडारा, गोंदिया या तीन जिल्ह्यात आज एकही कोरोनाबाधित रुग्णाची नोंद झाली नाही. 

मुंबईत गेल्या 24 तासात 635 कोरोनाबाधित रुग्णांची नोंद

मुंबईत कालच्या तुलनेत आज रुग्णसंख्या वाढली आहे. काल मुंबईत 441 कोरोना बाधित रुग्णांची नोंद झाली होती. आज मुंबईत 625 कोरोनाबाधित रुग्णांची नोंद झाली आहे. तर 582 रुग्णांनी कोरोनावर मात केली आहे. मुंबईत आतापर्यंत 7,04,259 रुग्ण कोरोनामुक्त झाले आहेत. मुंबईचा रिकव्हरी रेट 96 टक्के झाला आहे. तर मुंबईत गेल्या 24 तासात 10 रुग्णांचा मृत्यू झाला आहे. सध्या मुंबईत 6,989 सक्रिय रुग्ण आहेत. तर रुग्ण दुपटीचा दर 928 दिवसांवर गेला आहे. 

महत्त्वाच्या इतर बातम्या :