हवा आणि प्राण्यामधून कोरोनाचा फैलाव होतो का? केंद्र सरकारने उत्तर दिलं...

कोरोना व्हायरसचा संसर्ग प्राण्यामधून होत नाही. माणसांमधून माणसांना असा कोरोना प्रसार होतो, असं निती आयोगाचे सदस्य डॉ. व्ही के पॉल यांनी सांगितलं.

coronavirus2

नवी दिल्ली : कोरोना व्हायरसच्या संसर्गाबाबत अनेक अंदाज वर्तवले जातात. तसेच कोरोनाचा हवेतून आणि प्राण्यांमधून फैलावर होत असल्याचं बोललं जात होतं. मात्र कोरोनाचा फैलाव हवेतून होत नसल्याची माहिती केंद्र सरकारने दिली आहे. निती आयोगाचे सदस्य डॉ. व्ही के पॉल यांनी म्हटलं की, कोरोना व्हायरसचा संसर्ग प्राण्यामधून होत नाही. माणसांमधून माणसांना असा कोरोना प्रसार होतो. 

कोरोनाची तिसरी लाट येणार 

केंद्र सरकारचे प्रधान वैज्ञानिक सल्लागार विजय राघवन यांनी तिसर्‍या लाटेचा इशारा दिला आहे. तसेच तिसरी लाट नक्की येणार असा दावाही त्यांनी केला आहे. विजय राघवन यांनी म्हटलं की, कोरोना व्हायरसच्या संसर्गाच्या बऱ्यास केसेस समोर येत आहेत. दुसऱ्या लाटेत संसर्ग मोठ्या प्रमाणात वाढत आहे. कोरोनाची तिसरी लाट कधी येईल हे सांगता येणार नाही. पण ती नक्की येणार हे नक्की आहे. त्यामुळे आपल्याला तिसऱ्या लाटेच्या परिस्थितीचा सामना करण्यासाठी तयार राहिलं पाहिजे. आरोग्य मंत्रालयाच्या पत्रकार परिषदेत त्यांनी म्हटलं की कोरोनाची तिसरी लाट टाळता येणार नाही.

आरोग्य मंत्रालयानं जारी केलेल्या आकडेवारीनुसार, गेल्या 24 तासांत 382,315 नवीन कोरोनाबाधित रुग्णांची नोंद करण्यात आली आहे. तर 3780 कोरोना रुग्णांनी जीव गमावला आहे. दरम्यान, 3,38,439 रुग्ण कोरोनामुक्त होऊन घरी परतले आहेत. देशात यापूर्वी एक मे रोजी 3689 सर्वाधिक रुग्णांचा मृत्यू झाला होता. 

देशातील आजची कोरोना स्थिती : 

एकूण कोरोनाबाधित रुग्ण : दोन कोटी 6 लाख 65 हजार 148
एकूण कोरोनामुक्त रुग्ण : एक कोटी 69 लाख 51 हजार 731
एकूण अॅक्टिव्ह रुग्ण : 34 लाख 87 हजार 229
कोरोनामुळे आतापर्यंत झालेले एकूण मृत्यू : 2 लाख 26 हजार 188
देशात आतापर्यंत लसीकरणाची आकडेवारी : 15 कोटी 49 लाख 89 हजार 635 डोस

इतर बातम्या