Tejashwi Yadav : बिहारमध्ये तेजस्वी यादवांचा काँग्रेसला ठेंगा? RJD जास्तीत जास्त जागा लढवणार, काँग्रेसला उपमुख्यमंत्री पदही न मिळण्याची शक्यता
Bihar Assembly Elections 2025 : बिहारमध्ये जर महागठबंधनचे सरकार आलेच तर VIP पक्षाला उपमुख्यमंत्रिपद मिळणार असल्याचा दावा मुकेश सहानी यांनी केला आहे.
Bihar Election 2025 : बिहार विधानसभा निवडणुकीसाठी महागठबंधनमध्ये (Mahagathbandhan) जागा वाटपावरुन तणाव वाढल्याचं चित्र आहे. राष्ट्रीय जनता दलचे नेते तेजस्वी यादव (Tejashwi Yadav) यांनी जास्तीत जास्त जागा लढवण्याची तयारी सुरू केली असून त्यामुळे काँग्रेसला अपेक्षित जागा मिळण्याची शक्यता कमी असल्याचं बोललं जातंय. तसेच महागठबंधन जर सत्तेत आले तरीही काँग्रेसला उपमुख्यमंत्रीपद मिळण्याची शक्यताही नसल्याची चर्चा सुरू आहे.
गेल्या विधानसभा निवडणुकीत, 2020 मध्ये काँग्रेसने 70 जागांवर उमेदवार उभे केले होते. पण यावेळी केवळ 50 ते 55 जागा (seats) मिळण्याची शक्यता आहे. तर आरजेडी (RJD) 125 ते 130 जागांवर निवडणूक लढवण्याची तयारी करत असल्याची माहिती आहे.
Vikassheel Insaan Party Bihar : व्हीआयपी पक्षाला मिळणार जास्त जागा
दुसरीकडे महागठबंधनमधील घटक पक्ष असलेल्या विकसनशील इंसान पक्षाला (Vikassheel Insaan Party) जास्त जागा मिळण्याची शक्यता आहे. सूत्रांच्या माहितीनुसार, डाव्या पक्षांना (Left Parties) 30 ते 35 जागा, व्हीआयपीला (VIP) 18 ते 20 जागा, आरएलजेपी (RLJP) ला 3 ते 4 आणि जेएमएम (JMM) ला 2 ते 3 जागा मिळण्याची शक्यता आहे. जर व्हीआयपीला 20 जागा मिळाल्या, तर ते या समीकरणात मोठे लाभार्थी ठरतील.
Bihar Congress Seat Sharing Formula : काँग्रेसचा नवा फॉर्म्युला
काँग्रेसने जागा मागण्यासाठी एक नवा सीट फॉर्म्युला (seat formula) तयार केला आहे:
A कॅटेगरी – ज्या जागांवर काँग्रेस मागील निवडणुकीत 5 ते 10 हजार मतांनी पराभूत झाली.
B कॅटेगरी – 10 ते 15 हजार मतांच्या फरकाने हरलेल्या जागा.
C कॅटेगरी – 15 ते 20 हजार मतांनी हरलेल्या जागा.
या आधारावर काँग्रेस 70 ते 75 जागांवर (seats claim) दावा करत आहे. पण सूत्रांच्या माहितीनुसार, आरजेडी काँग्रेसला 48 पेक्षा जास्त जागा देण्याच्या मूडमध्ये नाही. तरीही काँग्रेसला आशा आहे की त्यांना किमान 55 जागा मिळतील.
RJD Bihar Politics : आरजेडीमध्येही वाढती नाराजी
आरजेडीमध्येही काही जागांबाबत चर्चा सुरू आहे. सूत्रांचे म्हणणे आहे की, या वेळी 2 ते 3 विद्यमान आमदारांचे (MLAs) तिकीट कापले जाऊ शकते. दुसरीकडे, व्हीआयपीचे प्रमुख मुकेश सहानी (Mukesh Sahani) यांनी दावा केला आहे की, महागठबंधनातील जागा वाटपाचे सूत्र ठरले आहे आणि सरकार आल्यास ते उपमुख्यमंत्री (Deputy CM) होतील.
काँग्रेससाठी हा आणखी एक धक्का मानला जातोय. मात्र, दोन उपमुख्यमंत्रीपदाचा फॉर्म्युला ठरला तर त्याचा फायदा काँग्रेसलाही (Congress Deputy CM post) होऊ शकतो. पुढील एक-दोन दिवसांत जागा वाटपावर अंतिम निर्णय घेऊन घोषणा होण्याची शक्यता आहे.
Bihar Vidhansabha Seats Detail : बिहारचे पक्षीय बलाबल
एकूण सदस्यसंख्या (Total Seats) – 243
राष्ट्रीय जनता दल (RJD) – 79
भारतीय जनता पक्ष (BJP) – 78
जनता दल (युनायटेड) – JD(U) – 45
काँग्रेस (Congress) – 19
CPI (Marxist–Leninist) Liberation – 12
हिंदुस्तानी अवाम मोर्चा (HAM-Secular) – 4
CPI – 2
CPI (M) – 2
AIMIM – 1
स्वतंत्र आमदार (Independent MLA) – 1
एकूण NDA गट (NDA Alliance Total) – सुमारे 123 ते 127
महागठबंधन (Mahagathbandhan) एकूण – सुमारे 110 ते 115
ही बातमी वाचा:
महत्त्वाच्या बातम्या
