Covishield : कोविशिल्डच्या बूस्टर डोसला मंजुरी द्या; सीरम इन्स्टिट्यूटची DCGIकडे मागणी 

Covishield : कोविशिल्डच्या लसीचा वापर बूस्टर डोस म्हणून करण्यात यावा अशी मागणी सीरम इंस्टिट्यूट ऑफ इंडिया ने ड्रग्स कंट्रोलर जनरल ऑफ इंडिया (DCGI) कडे केली आहे.

Covishield

नवी दिल्ली : देशभरात कोविड लसीकरणासाठी विशेष मोहिम राबवली जातेय. यातच बूस्टर डोसबाबतही अनेक चर्चा रंगल्या आहेत. त्यातच कोरोनाची लस निर्मिती करणाऱ्या सीरम इन्स्टिट्यूट ऑफ इंडियाने कोविशिल्डला बूस्टर डोसच्या रुपात मंजुरी द्यावी अशी मागणी ड्रग्स कंट्रोलर जनरल ऑफ इंडिया (DCGI) कडे केली आहे. पीटीआयने दिलेल्या माहितीनुसार, कोविशिल्डला तिसऱ्या डोसच्या रुपात वापर करण्यासाठी ही मंजुरी मागण्यात आली आहे. 

देशात सध्या कोविशिल्डच्या डोसची उपलब्धता मुबलक प्रमाणात असून कोरोनाच्या नव्या व्हेरियंटचा सामना करण्यासाठी याच्या बूस्टर डोसला मंजुरी मिळावी अशी मागणी सीरमने केली आहे. कोरोनाचा सामना करणाऱ्या अनेक देशांनी बूस्टर डोसला मंजुरी दिली आहे. भविष्यात कोरोना व्हायरसचे अनेक म्युटेशन समोर येतील, अशा परिस्थितीत भारतीयांना कोरोना लसीच्या दुसऱ्या डोससोबतच बूस्टर डोसचीही गरज आहे असं मत अनेक तज्ज्ञांनी या आधीच व्यक्त केलं आहे.

मुंबई महापालिकेची बूस्टर डोसची तयारी
मुंबईत लसीकरणाच्या कार्यक्रमाची गती आणखी वाढवण्यात येत असून दोन्ही डोस झालेल्यांना बूस्टर डोस देण्याचेही नियोजन सुरु झालं आहे. त्यामुळे कोविड टास्क फोर्स आणि राज्य शासनाने बूस्टर डोससाठी केंद्राकडे शिफारस करावी अशी मागणी मुंबई महापालिकेने केली आहे. फ्रंट लाईन वर्कर्सना बूस्टर डोस देण्याची गरज असल्याचं पालिकेचं म्हणणं आहे. मुंबईतील लसीकरण मोहिमेला सुरुवात होऊन 10 महिने उलटले आहेत. त्यामुळे फ्रंट लाईन वर्कर्सच्या शरीरातील एंटीबॉडीचा प्रभाव कमी होण्याची शक्यता आहे.

देशभरात कोविड लसीकरणासाठी विशेष मोहिम राबवली जातेय. यातच बूस्टर डोसबाबतही अनेक चर्चा रंगल्या आहेत. मुंबई महानगरपिलकेनं फ्रंट लाईन वर्कर्सना बूस्टर डोस देण्याचा प्रस्ताव महाराष्ट्र टास्क फोर्सकडे पाठवलं आहे.

दरम्यान, अमेरिकेने 20 सप्टेंबरपासून त्या देशातील सर्व नागरिकांना कोरोनाचा बूस्टर डोस देण्याची घोषणा केली आहे. अमेरिकन सरकारनं डेल्टा व्हेरियंटच्या वाढत्या रुग्णसंख्येमुळं हा निर्णय घेतला आहे. 

संबंधित बातम्या :