Cotton Price : कापसाच्या दरात घसरण होण्याचं कारण काय? वाचा सविस्तर
Cotton Price : कापूस उत्पादक शेतकरी (Cotton Farmers) अडचणीत सापडला आहे. कारण कापसाच्या दरात (Cotton Price) मोठी घसरण झाली आहे.
Cotton Price : सध्या देशात कापूस उत्पादक शेतकरी (Cotton Farmers) अडचणीत सापडला आहे. कारण कापसाच्या दरात (Cotton Price) मोठी घसरण झाली आहे. कापसाच्या भावात प्रतिक्विंटल दोन ते अडीच हजार रुपयांची घट झाली आहे. त्यामुळं शेतकऱ्यांचे लाखो रुपयांचं नुकसान होत आहे. भारतातून (india) चीनमध्ये (china) होणारी कापसाची निर्यात (cotton Export) थांबल्यानं दरात घसरण होत आहे. आधीच खरीप हंगामात अतिवृष्टीमुळं शेतकऱ्यांच्या पिकांचं मोठं नुकसान झालं आहे. त्यात उरल्या सुरल्या पिकांना बाजारपेठेत दर नसल्यानं शेतकरी चिंतेत आहेत.
देशातील शेतकऱ्यांसाठी खरीप हंगाम चांगला गेला नाही. अतिवृष्टी, परतीचा पाऊस, खराब हवामान यामुळं शेतकऱ्यांची लाखो रुपयांची पिके उद्ध्वस्त झाली आहेत. या फटक्यातूनही काही शेतकऱ्यांची पीके वाचली आहे. मात्र, अशा पिकांवर महाराष्ट्रात रोगांचा प्रादुर्भाव झाला आहे. देशातील कापूस उत्पादनाची स्थितीही तशीच आहे. यापूर्वी खराब हवामानामुळं कापूस पिकाचे मोठे नुकसान झाले होते. आता भाव घसरल्याने शेतकरी चिंतेत आहे. शेतकऱ्यांचे लाखो रुपयांचे नुकसान झाले आहे.
चीनला निर्यात न झाल्याने कापसाचे भाव घसरले
कोरोनामुळं भारताने चीनमध्ये होणाऱ्या कापूस निर्यातीवर बंदी घातली आहे. चीनमध्ये मोठ्या प्रमाणात कापूस पाठवला जातो. उत्पादित कापूस चीनला पाठवता येत नसल्याचे आता शेतकऱ्यांसमोरचे संकट उभं राहिलं आहे. एवढ्या कापसाचा उपभोगही देशात होत नाही. अशा स्थितीत उरलेला कापूस स्वस्त दरात विकावा लागत आहे. गेल्या 15 दिवसांत कापसाच्या दरात दोन हजार रुपयांची घसरण झाली आहे.
औरंगाबादमध्ये कापसाला 7 हजार 500 रुपयांचा दर
महाराष्ट्रातील औरंगाबाद बाजार समितीत शेतकऱ्यांना कापसाला चांगला भाव मिळत होता. याठिकाणी शेतकऱ्यांचा कापूस 9 हजार 500 ते 10 हजार रुपये प्रतिक्विंटल दराने विकला जात होता. आता कापसाचा भाव दर 7 हजार 500 रुपये प्रति क्विंटलपर्यंत खाली आला आहे. भावात दोन ते अडीच हजार रुपयांची घसरण झाली आहे. अशीच स्थिती राहिल्यास येत्या काही दिवसांत कापसाच्या दरात आणखी घसरण होण्याची शक्यता तज्ज्ञांनी व्यक्त केली आहे.
शेतकऱ्यांचा खर्चही निघणं अवघड
सन 2022-23 साठी कापसाचा एमएसपी शासन स्तरावरून 6 हजार 380 रुपये निश्चित करण्यात आला आहे. सरकारच्या पातळीवरून एमएसपी निश्चित करण्यात आल्याचे शेतकऱ्यांचे म्हणणे आहे. त्यात कापसाचा खर्चही नीट वसूल होत नाही. केंद्र सरकारने कापसाच्या एमएसपीमध्ये वाढ करावी अशी मागणी शेतकऱ्यांनी केली आहे. कापूस बाजारात आणण्यासाठी शेतकरी मोठा खर्च करतो. त्याचबरोबर शेतकरी स्वतःही रात्रंदिवस मेहनत करतो. त्यामध्ये कीटकनाशके, खतांसाठी मोठा खर्च होतो. मात्र, सध्या मिळालेल्या दरातून खर्चही निघत नसल्याची खंत शेतकऱ्यांनी व्यक्त केली.
महत्त्वाच्या बातम्या:
Cotton Production : 15 हजार रुपयांनी विक्री होणारा कापूस पाच हजारांवर, 'या' राज्यातील शेतकरी आक्रमक, चक्का जाम आंदोलनाचा इशारा
Before You Go
Special Report Gandhi Topi : उर्दू शाळेची शान, गांधी टोपीला मान, गणवेशात गांधी टोपी
महत्त्वाच्या बातम्या
