Matric Student Shot Dead : इकडं जालन्यात दहावीचा मराठी पेपर फुटला अन् तिकडं काॅपी दाखवली नाही म्हणून एका विद्यार्थ्याने दोन विद्यार्थ्यांना रस्त्यावर गोळ्या घातल्या, एकाचा मृत्यू
Matric Student Shot Dead : अमित आणि संजीत दोघेही परीक्षा देऊन ऑटोने घरी परतत होते. दरम्यान, सायंकाळी उशिरा काही हल्लेखोरांनी एनएच-19 वर ऑटो थांबवून त्यांना घेरले आणि दोघांवर गोळ्या झाडल्या.
Matric Student Shot Dead : महाराष्ट्रात दहावी परीक्षेच्या पहिल्याच दिवशी काॅपीमुक्त परीक्षेचा पुरता फज्जा उडाला असून जालना जिल्ह्यात मराठीचा पेपर फुटून थेट झेराॅक्स सेंटरवर पोहोचला. जालन्यातील बदनापूर येथील या घटनेनं शिक्षण वर्तुळात खळबळ उडाली असतानाच आणखी एक धक्कादायक प्रकार घडला आहे. दुसरीकडे, दहावी परीक्षा सुरु असतानाच एकमेकांची थेट उत्तर पत्रिका दाखवून काॅपीचा प्रकार सुरु होता. एका विद्यार्थ्याने उत्तरपत्रिका न दाखवल्याने बिहारमधील सासाराममध्ये गोळ्या झाडून हत्या करण्यात आली. आणखी एका विद्यार्थ्याला गोळी लागली असून, त्याचीही प्रकृती चिंताजनक आहे.
20 फेब्रुवारीला मातृभाषेचा (हिंदी, उर्दू) पेपर होता. अमित कुमार आणि संजीत कुमार हे बुधन मोड येथील संत अण्णा शाळेत परीक्षा देत होते. दरम्यान, हॉलमध्ये बसलेल्या एका विद्यार्थ्याने दोघा विद्यार्थ्यांना उत्तर पत्रिका देण्यास सांगितले. दोघांनीही नकार दिला. यानंतर विद्यार्थ्याने बाहेर येऊन आपल्या मित्रांना बोलावले. अमित आणि संजीत दोघेही परीक्षा देऊन ऑटोने घरी परतत होते. दरम्यान, सायंकाळी उशिरा काही हल्लेखोरांनी एनएच-19 वर ऑटो थांबवून त्यांना घेरले आणि दोघांवर गोळ्या झाडल्या.
ऑटोवर बॉम्ब टाकू, अशी धमकी दिली
अमित आणि संजीतसोबत परीक्षा देणाऱ्या विद्यार्थ्याने सांगितले की, जर तुम्ही कॉपी देण्यास नकार दिला तर तुमच्या ऑटोवर बॉम्ब टाकू, अशी धमकी दिली. परीक्षा संपवून आम्ही घरी परतत होतो. तो त्याच्या मित्रांसह आला होता. आम्ही भैय्या-भैय्या म्हणत होतो. ऑटोच्या थोडं पुढे पोहोचताच त्यांनी वेगाने गोळीबार सुरू केला. ऑटोचालकाला जीवे मारण्याची धमकीही देत होते.
दुसऱ्या विद्यार्थ्याची प्रकृती चिंताजनक
गोळी लागल्यानंतर दोघांनाही उपचारासाठी सासाराम ट्रॉमा सेंटरमध्ये दाखल करण्यात आले. यानंतर त्यांना खासगी रुग्णालयात पाठवण्यात आले. उपचारादरम्यान अमितकुमारचा मृत्यू झाला. संजीत कुमार (16) यांच्यावर उपचार सुरू आहेत. त्याची प्रकृती चिंताजनक आहे.
लोकांनी महामार्ग अडवला
या घटनेनंतर मुफसिल पोलीस ठाण्याच्या सुवारामध्ये ग्रामस्थांनी रास्ता रोको केला. पोलिसांनी एका आरोपीला अटक केली आहे. दोन्ही विद्यार्थी देहरी मुफसिल पोलीस ठाण्याच्या हद्दीतील शंभू बिघा गावातील रहिवासी आहेत. ट्रॉमा सेंटरमध्ये तैनात डॉक्टर राजेश कुमार यांनी सांगितले की, एका विद्यार्थ्याच्या पाठीत गोळी लागली आहे. त्याची प्रकृती गंभीर असल्याने त्याला उच्च केंद्रात पाठवण्यात आले आहे. या प्रकरणाचा तपास धाडदंड पोलीस करत आहेत. सहायक पोलीस ठाण्याचे प्रमुख सुनील कुमार म्हणाले की, घटनास्थळाची पाहणी करण्यात आली आहे. एका गुन्हेगाराला अटक करण्यात आली आहे. उर्वरितांच्या अटकेसाठी छापे टाकण्यात येत आहेत.
इतर महत्वाच्या बातम्या
महत्त्वाच्या बातम्या
