Jammu Bus Accident : जम्मूमध्ये भीषण अपघात, बस 150 फूट खोल दरीत पडली, 15 जणांचा दुर्दैवी अंत
Jammu Bus Accident : बस सुमारे 150 फूट खोल दरीत कोसळली. ही बस हरियाणातील कुरुक्षेत्र भागातून शिव खोरी भागात यात्रेकरूंना घेऊन जात होती.
Jammu Bus Accident : जम्मू जिल्ह्यात यात्रेकरूंनी भरलेली बस दीडशे फूट खोल दरीत कोसळून 15 जणांचा मृत्यू झाला. जम्मू-काश्मीरचे वाहतूक आयुक्त राजिंदर सिंग तारा यांनी दिलेल्या माहितीनुसार या अपघातात 15 जण जखमी झाले आहेत. चोकी चोरा येथील टांगली वळणावर हा अपघात झाल्याचे अधिकाऱ्यांनी सांगितले. अधिकाऱ्याने सांगितले की, बस सुमारे 150 फूट खोल दरीत कोसळली. ही बस हरियाणातील कुरुक्षेत्र भागातून शिव खोरी भागात यात्रेकरूंना घेऊन जात होती.
लेफ्टनंट गव्हर्नर मनोज सिन्हा यांनी या अपघातावर शोक व्यक्त केला आहे. लेफ्टनंट गव्हर्नर कार्यालयाने सांगितले की, अखनूर, जम्मू येथे झालेला बस अपघात हृदयद्रावक आहे. या दुर्घटनेतील मृत्यूबद्दल मी शोक व्यक्त करतो आणि शोकाकुल कुटुंबांना हे अपूरणीय नुकसान सहन करण्याची शक्ती देवो अशी मी प्रार्थना करतो. पोलिस आणि स्थानिक लोकांचा मदतीने बचाव कार्य सुरू करण्यात आले असून जखमींना अखनूर हॉस्पिटल आणि सरकारी वैद्यकीय महाविद्यालयात (जीएमसी) हलवण्यात आले आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
