Tiger Shroff: 'हत्या नाही, पण त्याला घाबरवायचं होतं'; टायगर श्रॉफ हल्ला प्रकरणात 2 आरोपींनी पोलिसांसमोर तोंड उघडलं, काय काय सांगितलं?

Tiger Shroff Attack Shooters: टायगर श्रॉफची हत्या करायची नव्हती, केवळ घाबरवायचे होते, शूटर फूल सिंह आणि रेहान यांचा चौकशीदरम्यान मोठा दावा

Tiger Shroff Attack Case Shooters

Source : canva

Tiger Shroff Attack Case: 18 ऑक्टोबर रोजी झालेल्या बॉलिवूड अभिनेता टायगर श्रॉफ (Tiger Shroff) हल्ला प्रकरणात पोलिसांना अनेक धागेदोरे सापडत आहेत. या प्रकरणी आतापर्यंत पोलिसांनी 11 आरोपींच्या (Tiger Shroff Attack) मुसक्या आवळ्या आहेत. सुरुवातीला 3 आरोपींना कोटा पोलिसांनी ताब्यात घेतलं.  यानंतर पोलिसांना या प्रकरणाच्या मुळाशी जाण्यात यश आलं. दरम्यान,  या प्रकरणी आता दोन आरोपींची कथित (Shooters) कबुली समोर आली आहे. अभिनेत्याला केवळ घाबरवायचे होते, अशी माहिती आरोपींच्या चौकशीतून समोर आली आहे.  आरोपी नेमकं काय काय  म्हणाले, पाहूयात.

दोन आरोपींच्या चौकशीतून टायगर श्रॉफ प्रकरणात कोणती माहिती उघड? (Tiger Shroff Attack Case Two Shooters Claims Investigation)

मिळालेल्या माहितीनुसार, टायगर श्रॉफ प्रकरणात दोन आरोपींनी चौकशीदरम्यान, मोठा दावा केला आहे.  शूटर (Tiger Shroff Shooters) फूल सिंह आणि रेहान यांची पोलिसांनी कसून चौकशी केली. यावेळी  दोघांनीही अभिनेता टायगर श्रॉफची हत्या करायची नव्हती, तर त्याला केवळ घाबरवायचे होते, असा मोठा दावा आरोपींनी चौकशीदरम्यान केला आहे.  बॉलिवूडमध्ये दहशत निर्माण करण्यासाठी, हा गोळीबाराचा प्रकार  घडवून आणला असल्याची कबुली  आरोपींनी दिली. 

आरोपींनी चौकशीदरम्यान, पोलिसांना सांगितले की, टायगर श्रॉफ फुटबॉल सामना खेळत असताना तो शूटरच्या अगदी जवळ उभा होता.  त्यावेळी आरोपींना टायगर श्रॉफ अगदी स्पष्टपणे दिसत होता.  त्याच्या आसपास सुरक्षा रक्षही नव्हते, अशी माहिती आरोपींकडून प्राप्त झाली आहे.   दरम्यान, हत्या करण्याचा हेतू असता, तर फुटबॉल सामना सुरू असतानाच हल्ला केला असता, असं आरोपींनी चौकशीदरम्यान म्हटलं आहे, अशी माहिती समोर आली आहे.

टायगर श्रॉफला केवळ घाबरवण्याच्या उद्देशाने गोळीबार करण्यास सांगितले असल्याचं शूटरचे म्हणणे आहे.  फूल सिंह आणि रेहान यांनी केलेल्या दाव्यांची क्राइम ब्रँचकडून पडताळणी सुरू आहे. दरम्यान, टायगर श्रॉफवर हल्ला घडवून आणण्यामागचा हेतू काय होता? हा कट रचण्यामागे नेमका कुणाचा हात होता? याचाही तपास पोलिसांकडून सुरू आहे. दरम्यान, या प्रकरणात आरोपींकडून कोण कोणती आणखी माहिती मिळतेय? हे पाहणं महत्त्वाचं ठरणार आहे.

महत्त्वाच्या इतर बातम्या: