Bhool Bhulaiyaa 2 : 'भूल भुलैया 2'ची उत्तुंग भरारी; दुसऱ्या विकेंडलाही कमवला कोट्यवधींचा गल्ला

Bhool Bhulaiyaa 2 : कार्तिक आर्यनचा 'भूल भुलैया 2' हा सिनेमा बॉक्स ऑफिसवर चांगलीच कमाई करत आहे.

Bhool Bhulaiyaa 2

Bhool Bhulaiyaa 2 Box Office Collection : बॉलिवूड अभिनेता कार्तिक आर्यनचा (Kartik Aaryan) 'भूल भुलैया 2' (Bhool Bhulaiyaa 2) हा सिनेमा प्रदर्शित होऊन दोन आठवडे झाले असून हा सिनेमा बॉक्स ऑफिसवर चांगलीच कमाई करत आहे. या सिनेमाने 100 कोटींचा टप्पा पार केला आहे. तर रिलीजच्या दुसऱ्या विकेंडला या सिनेमाने 30 कोटींपेक्षा अधिक कमाई केली आहे.

विकेंडला केली 30 कोटींची कमाई 

'भूल भुलैया 2' या सिनेमाने दुसऱ्या विकेंडला चांगलीच कमाई केली आहे. आयपीएलचा अंतिम सामना असतानादेखील शनिवार आणि रविवारी या सिनेमाने चांगलाच गल्ला जमवला आहे. हा सिनेमा लवकरच 150 कोटींचा टप्पा पार करेल असा अंदाज वर्तवला जात आहे. तर 175 कोटींच्या आसपास जाईल, असे म्हटले जात आहे. शुक्रवारी या सिनेमाने 6.52 कोटींची कमाई केली आहे. शनिवारी 11.35 कोटी तर रविवारी या सिनेमाने 12.77 कोटींची कमाई केली आहे. त्यामुळे आतापर्यंत या सिनेमाने 122.69 कोटींची कमाई केली आहे. 

#BhoolBhulaiyaa2 EXCELS in Weekend 2... SOLID GAINS on [second] Sat and Sun [despite #IPLFinals] indicates it should cross ₹ 150 cr, with an outside chance of touching ₹ 175 cr... [Week 2] Fri 6.52 cr, Sat 11.35 cr, Sun 12.77 cr. Total: ₹ 122.69 cr. #India biz. SUPER-HIT. pic.twitter.com/psDysuA3TN

— taran adarsh (@taran_adarsh) May 30, 2022

लवकरच पार करणार 150 कोटींचा टप्पा

'भूल भुलैया 2' हा सिनेमा लवकरच 150 कोटींचा टप्पा पार करणार आहे. ‘भूल भुलैया 2’ पहिल्या दिवसापासून रेकॉर्डब्रेक कमाई करत आहे. ‘भूल भुलैया 2’ने पहिल्या दिवशी 14.11 कोटी कमाई करत बॉक्स ऑफिसवर कल्ला केला होता. पहिल्या दिवसापासून आतापर्यंत हा चित्रपट बॉक्स ऑफिसवर धमाकेदार कमाई करत असून, तुफान वेगाने पुढे जात आहे. 'भूल भुलैया 2'च्या क्रेझसमोर कंगना रनौतचा ‘धाकड’ मात्र फिका पडला आहे. कंगनाचा बहुप्रतीक्षित ‘धाकड’ हा चित्रपट बॉक्स ऑफिसवर सपाटून आपटला आहे. 

कार्तिक आणि कियारा यांचा हॉरर कॉमेडी चित्रपट ‘भूल भुलैया 2’ बॉक्स ऑफिसवर अपेक्षेपेक्षा दुप्पट कामगिरी करत आहे. या चित्रपटाला प्रेक्षकांचा उदंड प्रतिसाद मिळत आहे. चित्रपटाचे बहुतांश शो हाऊसफुल्ल जात आहेत. कार्तिक आणि कियारा देखील त्यांच्या चित्रपटाच्या यशामुळे खूप खुश आहेत. 'भूल भुलैया 2' मुळे कंगनाचा 'धाकड' मात्र बॉक्स ऑफिसवर जोरदार आपटला आहे. 

संबंधित बातम्या