Anek Box Office Collection : 'भूल भुलैय्या-2' समोर टिकू शकला नाही आयुष्मानचा 'अनेक'; दुसऱ्या दिवशी केली एवढी कमाई

आयुष्मान खुरानाचा (Ayushmann Khurrana) अनेक हा चित्रपट काही दिवसांपूर्वी रिलीज झाला.

Anek

Anek Box Office Collection : हिंदी चित्रपटसृष्टीमधील प्रसिद्ध चित्रपट निर्माता अनुभव सिन्हा आणि अभिनेता आयुष्मान खुराना (Ayushmann Khurrana) यांचा अनेक (Anek) हा चित्रपट काही दिवसांपूर्वी प्रदर्शित झाला. रिलीज होण्यापूर्वी हा चित्रपट चर्चेत होता. या चित्रपटाच्या ट्रेलरला प्रेक्षकांची पसंती मिळाली. पण आता रिलीज झाल्यानंतर या चित्रपटाला प्रेक्षकांची फारशी पसंती मिळालेली नाही. 

अनेक चित्रपट रिलीज होण्याआधी भूल भुलैय्या-2 हा चित्रपट रिलीज झाला आहे. या चित्रपटानं बॉक्स ऑफिसवर धुमाकूळ घातला असून चित्रपटातील कलाकारांच्या अभिनयाला प्रेक्षकांची पसंती मिळत आहेत. हा चित्रपट रिलीज होऊन दहा दिवस झाले तरी देखील हा चित्रपट बॉक्स ऑफिसवर चांगली कमाई करत आहे. पण 'अनेक' हा चित्रपट मात्र भूल भुलैय्या-2 च्या समोर टिकू शकणार नाही. 
 
अनेक चित्रपटाची दुसऱ्या दिवसाची कमाई 
अनेक चित्रपटानं शनिवारी 2-3 कोटींची कमाई केली. शुक्रवारी रिलीज झालेल्या या चित्रपटानं आत्तापार्यंत चार कोटींची कमाई केली आहे. चित्रपटाचे बजेट 40 कोटी होते. रिलीज झाल्यानंतर पहिल्या दिवशी या चित्रपटानं 1.75  कोटींची कमाई केली. अनेक हा चित्रपट  हा सिनेमा आधी 13 मे 2022 रोजी रिलीज होणार होता. पण नंतर या चित्रपटाची रिलीज डेट चेंज करण्यात आली. अनेक या चित्रपटात आयुष्मान खुरानानं जोशुआची भूमिका साकारली आहे. 'अनेक' चित्रपटानंतर आयुष्मान, अभिनेत्री रकुल प्रीत सिंहच्या 'डॉक्टर जी' सिनेमात झळकणार आहे. हा चित्रपट 17 जून 2022 रोजी रिलीज होणार आहे.

भूल भुलैय्या-2 ला प्रेक्षकांची पसंती 

भूल भुलैय्या-2 हा चित्रपट रिलीज झाल्यानंतर 9व्या दिवशी हा चित्रपट 100 कोटींच्या क्लबमध्ये सामील झाला आहे. या चित्रपटाने शनिवारी 11.35 कोटी रुपयांचे कलेक्शन केले आहे. यासह चित्रपटाने रिलीजच्या अवघ्या 9 दिवसांत 100 कोटींचा टप्पा पार केला आहे. ‘भूल भुलैया 2’ने आतापर्यंत एकूण 109.92 कोटींची कमाई केली आहे. हा चित्रपट कार्तिक आर्यनच्या हिट चित्रपटांपैकी एक ठरला आहे.

हेही वाचा :