Beed : बीडकरांची दिवाळी नवीन घरकुलात! ऊसतोड कामगारांना 50 हजार घरे मिळणार, विक्रमी वेळेत काम पूर्ण
Beed News : स्थलांतरित होत असलेल्या कुटुंबांना ऊसतोडीपूर्वी घर मिळावं, या दृष्टिकोनातून कामांना विशेष गती देण्यात आली आणि आता त्यांच्या हक्काचं घर मिळणार आहे.
Beed Housing Scheme : बीड (Beed) जिल्ह्याने 'दिवाळी नवीन घरकुलात' (Diwali in New Homes) या उपक्रमाअंतर्गत ग्रामीण गृहनिर्माण क्षेत्रात राज्यात विक्रमी यश मिळवलं आहे. प्रधानमंत्री आवास योजना (PMAY) आणि राज्य पुरस्कृत घरकुल योजनेअंतर्गत (State-sponsored Housing Scheme) अवघ्या काही महिन्यांत 50 हजारांहून अधिक घरकुलांची पूर्ती करून बीड जिल्ह्याने महाराष्ट्रात (Maharashtra) पहिला क्रमांक मिळवला आहे. यासाठी शासनाने 990 कोटी रुपयांचा निधी वितरित केला आहे. या ऐतिहासिक कामगिरीबद्दल उपमुख्यमंत्री तथा बीडचे पालकमंत्री अजित पवार (Ajit Pawar) यांनी लाभार्थी आणि प्रशासनातील सर्व घटकांचे अभिनंदन केले.
Beed Housing News : हक्काचं घर, स्वप्न साकार
उपमुख्यमंत्री अजित पवार यांनी सांगितलं की, ग्रामीण भागातील प्रत्येक कुटुंबाला हक्काचं घर मिळावं, हीच या उपक्रमामागची प्रेरणा आहे. यंदा बीड जिल्ह्यातील हजारो कुटुंबांनी आपली दिवाळी नव्या घरात साजरी केली. प्रशासनाच्या कार्यक्षम नियोजनामुळे आणि टीमवर्कमुळे हे शक्य झालं. ‘पीएमएवाय सॉफ्ट’ (PMAY Soft App) या जिल्हा प्रशासनाने विकसित केलेल्या ॲपचा उपयोग करून कामाच्या प्रत्येक टप्प्याचं नियमित निरीक्षण करण्यात आलं.
PMAY News : काटेकोर नियोजन, जलद अंमलबजावणी
चार महिन्यांच्या कालावधीतच तब्बल 40 हजार घरकुले पूर्ण करण्यात आली. यामागे काटेकोर नियोजन, निधीचे वेळेवर वितरण, आंतरविभागीय समन्वय, आणि बांधकाम साहित्याची सहज उपलब्धता यांसारख्या बाबींचा मोठा वाटा होता. स्थलांतरित होत असलेल्या कुटुंबांना ऊसतोडीपूर्वी घर मिळावं, या दृष्टिकोनातून कामांना विशेष गती देण्यात आली.
Narendra Modi : पंतप्रधान नरेंद्र मोदी यांचे उपमुख्यमंत्र्यांकडून आभार
महाराष्ट्राला प्रधानमंत्री आवास योजना अंतर्गत अधिक उद्दिष्ट मंजूर केल्याबद्दल उपमुख्यमंत्री अजित पवार यांनी पंतप्रधान नरेंद्र मोदी (PM Narendra Modi) यांचे आभार मानले. त्यांनी स्पष्ट केलं की, राज्यातील एकही पात्र कुटुंब हक्काच्या घराशिवाय राहणार नाही, यासाठी शासन कटिबद्ध आहे. बीड जिल्ह्याच्या यशस्वी मॉडेलवर आधारित ही योजना आणखी प्रभावीपणे राबवली जाईल.
बीडच्या विकासासाठी कटिबद्धता
या यशामागे प्रशासनातील अधिकारी, कर्मचारी, लोकप्रतिनिधी आणि सर्वसामान्य नागरिकांचे योगदान असून, त्यांचे उपमुख्यमंत्र्यांनी मनापासून कौतुक केले. यापुढेही बीडच्या सर्वांगीण विकासासाठी शासन कटिबद्ध राहील, अशी ग्वाही त्यांनी दिली.
Beed Housing Scheme : ठळक वैशिष्ट्ये :
बीड जिल्ह्यात “दिवाळी नवीन घरकुलात” उपक्रमांतर्गत 50,000+ घरकुलांची पूर्ती
सरकारकडून 990 कोटींचा निधी वितरित
बीड जिल्हा महाराष्ट्रात प्रथम क्रमांकावर
केवळ चार महिन्यांत 40,000 घरकुले पूर्ण
PMAY सॉफ्ट ॲप, नियमित निरीक्षण, आणि दैनंदिन पाठपुराव्यामुळे यश
पंतप्रधान नरेंद्र मोदी यांचे राज्य सरकारकडून आभार
प्रत्येक पात्र कुटुंबासाठी हक्काचे घर हे शासनाचे पुढील उद्दिष्ट
महत्त्वाच्या बातम्या
