Upcoming Triumph Bike: ट्रायम्फ स्ट्रीट ट्रिपल 765 रेंज बाईक पुढील महिन्यात होणार लॉन्च, जाणून घ्या काय असेल खास
Triumph Street Triple 765 Range: दुचाकी उत्पादक ट्रायम्फ मोटरसायकल्स पुढील महिन्यात देशात आपली स्ट्रीट ट्रिपल 765 रेंज लॉन्च करणार आहे.
Triumph Street Triple 765 Range: दुचाकी उत्पादक ट्रायम्फ मोटरसायकल्स पुढील महिन्यात देशात आपली स्ट्रीट ट्रिपल 765 रेंज लॉन्च करणार आहे. ट्रायम्फने आपल्या सोशल मीडिया अकाउंटवरून ही माहिती शेअर केली आहे. कंपनीने 2023 ट्रायम्फ स्ट्रीट ट्रिपल 765 लाइन-अपचा टीझर रिलीज केला आहे. कंपनीने या बाईकसाठी देशभरातील डीलरशिपवर 50,000 रुपयांपासून बुकिंग घेणे सुरू केले आहे. या बाईकची डिलिव्हरी एप्रिल 2023 पासून सुरू होऊ शकते. या बाईकमध्ये ग्राहकांना अनेक आधुनिक फीचर्स मिळणार आहे. कशी असेल ही नवीन बाईक याबद्दल अधिक माहिती जाणून घेऊ...
ट्रायम्फ स्ट्रीट ट्रिपल 765 रेंज कशी आहे?
ट्रायम्फ देशातील एकमेव स्ट्रीट ट्रिपल आर आणि आरएस आणणार आहे. या मॉडेल्समध्ये फीचर्सम्हणून 'माय ट्रायम्फ कनेक्टिव्हिटी सिस्टम'सह 5.0-इंचाचा TFT इन्स्ट्रुमेंट कन्सोल पाहायला मिळेल. ज्यामध्ये नेव्हिगेशन आणि म्युझिकसह इतर अनेक कामे ब्लूटूथ मॉड्यूलद्वारे करता येतात. आर व्हेरियंटला रेन, रोड, स्पोर्ट आणि कस्टम असे चार राइडिंग मोड मिळतील. तर आरएस व्हेरियंटला ट्रॅक मोड देखील मिळेल.
2023 ट्रायम्फ स्ट्रीट ट्रिपल 765 इंजिन
नवीन ट्रायम्फ स्ट्रीट ट्रिपल 765 मध्ये बसवलेले इंजिन 12,000 rpm वर 128 bhp ची पॉवर आणि 9,500 rpm वर 80 Nm टॉर्क जनरेट करण्यास सक्षम आहे. बे-डायरेक्शन क्विकशिफ्टरसह नवीन एक्झॉस्टसह इंजिन 6-स्पीड गिअरबॉक्सशी जोडले जाईल.
डिझाइन
या बाईकलाअँगुलर डिझाइन देण्यात आले आहे. ज्यामध्ये नवीन ट्रायम्फ स्ट्रीट ट्रिपल 765 मध्ये बग-आय एलईडी हेडलॅम्प आणि 15-लिटर इंधन टाकी समोर दिसेल. 2023 ट्रायम्फ स्ट्रीट ट्रिपल आर सिल्व्हर आणि व्हाइट या दोन रंगांच्या पर्यायांमध्ये उपलब्ध असेल. स्ट्रीट ट्रिपल आरएस सिल्व्हर, रेड आणि यलो कलर स्कीममध्ये उपलब्ध असेल.
KTM 890 Duke शी होणार स्पर्धा
Triumph Street Triple 765 भारतीय बाजारपेठेत KTM 890 Duke शी स्पर्धा करेल. जी 115ps/92 Nm आउटपुट जनरेट करण्यास सक्षम असलेल्या 889cc इंजिनद्वारे समर्थित आहे.
Keeway V-Cruise 125 बाईक भारतात लॉन्च
हंगर्स वाहन उत्पादक ब्रँड Keyway ने भारतीय बाजारपेठेत नवीन बाईक लॉन्च केली आहे. Keyway ने V-Cruise 125 नावाने ही नवीन 125cc बाईक लॉन्च केली आहे. V-ट्विन इंजिन असलेली ही 125cc क्रूझर बाईक आहे. Keyway V-Cruise 125 ही चीनी अपस्टार्ट कंपनीची रीबॅज केलेली बेंडा बाईक आहे. नवीन Keyway V-Cruise 125 बाईक भारतात 3.89 लाख रुपयांना लॉन्च करण्यात आली आहे. Benda ची V-Cruise 125 निवडक बाजारपेठांमध्ये Keyway V-Cruise 125 या नावाने लॉन्च करण्यात आली आहे.
महत्त्वाच्या बातम्या
