Upcoming Electric Scooters: नवीन इलेक्ट्रिक स्कूटर खरेदी करण्याचा विचार करताय? मग थोडं थांबा; हे जबरदस्त मॉडेल्स लवकरच होणार लॉन्च
Electric Scooters: देशात इलेक्ट्रिक वाहनांची मागणी मोठ्या प्रमाणात वाढली असून अनेक लोक हे इलेक्ट्रिक स्कूटर खरेदी करत आहेत. तुम्ही जर इलेक्ट्रिक स्कूटर खरेदी करण्याचा विचार करत असाल, तर तुमच्यासाठी महत्वाची बातमी आहे.
Electric Scooters: देशात इलेक्ट्रिक वाहनांची मागणी मोठ्या प्रमाणात वाढली असून अनेक लोक हे इलेक्ट्रिक स्कूटर खरेदी करत आहेत. तुम्ही जर इलेक्ट्रिक स्कूटर खरेदी करण्याचा विचार करत असाल, तर तुमच्यासाठी महत्वाची बातमी आहे. देशात लवकरच काही नवीन इलेक्ट्रिक स्कूटर लॉन्च होणार आहे. जर तुम्ही थोडा काळ थांबलात तर तुम्हाला आणखी आधुनिक फीचर्ससह स्कूटर खरेदी करता येईल. चला जाणून घेऊ कोणते नवीन इलेक्ट्रिक स्कूटर देशात आगामी काळात लॉन्च होणार आहे.
Upcoming Electric Scooters: एलएमएल स्टार
दुचाकी उत्पादक कंपनी लवकरच आपली इलेक्ट्रिक स्कूटर LML Star लॉन्च करू शकते. देशात नुकत्याच झालेल्या ऑटो एक्स्पोमध्ये ही स्कूटर प्रदर्शित करण्यात आली आहे. या स्कूटरची पॉवर रेंज एका चार्जमध्ये 100 पर्यंत असेल आणि याची प्रारंभिक किंमत सुमारे एक लाख रुपये ठेवली जाऊ शकते.
Upcoming Electric Scooters: TVS Creon
टेस्ट दरम्यान TVS ची नवीन इलेक्ट्रिक स्कूटर अनेक वेळा दिसली आहे. कंपनी लवकरच याला बाजारात आणू शकते. याची प्रारंभिक किंमत 1 लाख रुपयांच्यावर ठेवली जाऊ शकते. मिळालेल्या माहितीनुसार, ही स्कूटर अनावरण केलेल्या क्रेऑन इलेक्ट्रिक स्कूटरवर आधारित असू शकते.
Upcoming Electric Scooters: यामाहा निओ इलेक्ट्रिक स्कूटर
यामाहा आपल्या नवीन इलेक्ट्रिक स्कूटरसह या सेगमेंटमध्ये पाऊल ठेवणार आहे. मिळालेल्या माहितीनुसार, कंपनी याला दुसऱ्या सहामाहीत सादर करू शकते. या स्कूटरचा टॉप स्पीड 40 किमी/तास असू शकते. ही स्कूटर एका चार्जवर 60 किलोमीटरची रेंज देण्यास सक्षम असेल. याची किंमत सुमारे 90,000 रुपये ठेवली जाऊ शकते.
Upcoming Electric Scooters: हिरो इलेक्ट्रिक AE-29
Hero लवकरच बाजारात 729Ah बॅटरी पॅक असलेली इलेक्ट्रिक स्कूटर देखील लॉन्च करू शकते. याची रेंज एका चार्जवर 80 किलोमीटरपर्यंत असेल आणि याचा टॉप स्पीड 55 किमी/ताशी असेल. तसेच याची प्रारंभिक किंमत सुमारे 88,000 रुपये ठेवली जाऊ शकते.
Upcoming Electric Scooters: BMW CE 04
BMW ने ही इलेक्ट्रिक स्कूटर एका कार्यक्रमाच्या वेळी सादर केली आहे. ही स्कूटर भारतीय बाजारपेठेला लक्षात घेऊन तयार करण्यात आली आहे. ही स्कूटर वर्षाच्या अखेरीस बाजारात पाहायला मिळेल. 85kWh लिथियम-आयन बॅटरी पॅकसह सुसज्ज ही स्कूटर 130 किमी पर्यंतची रेंज देण्यास सक्षम असेल.
इतर ऑटो सेगमेंट संबंधित बातमी:
महत्त्वाच्या बातम्या
ट्रेंडिंग न्यूज
