Royal Enfield : दमदार फिचर्स घेऊन लवकरच बाजारात येणार Hunter 350; पाहा फर्स्ट लूक

Royal Enfield Hunter 350 First Image : प्रसिद्ध दुचाकी निर्माता कंपनी रॉयल एनफिल्ड हंटर 350 चा लूक रिव्हील करण्यात आला आहे.

Royal Enfield Hunter 350 First Image

Royal Enfield Hunter 350 First Image : प्रसिद्ध दुचाकी निर्माता कंपनी रॉयल एनफिल्डचे (Royal Enfield) एमडी, सिद्धार्थ लाल यांनी हंटर 350 चा लूक रिव्हील केला आहे. 7 ऑगस्टला ही बुलेट भारतीय बाजारपेठेत लॉन्च होणार आहे. रॉयल एनफील्ड हंटर 350 मध्ये 14.87kW म्हणजेच 20.2 hp चे पॉवर आउटपुट असेल. हंटर 350 चा व्हीलबेस 1,370 मिमी आणि लांबी 2055 मिमी देण्यात आली आहे. आणखी काय नवीन फिचर्स आहेत ते जाणून घेऊयात.     

Royal Enfield Hunter 350 चा लूक : 

दाखविण्यात आलेल्या मॉडेलमध्ये ड्युअल-टोन फिनिश आहे. क्लासिक 350 आणि Meteor 350 वर वापरलेले इंजिन सारखेच असले तरी, ब्रँडने रायडर्सच्या नवीन विभागाला लक्ष्य करून डिझाईनच्या दृष्टीने काही बदल केले आहेत.   

Royal Enfield Hunter 350 फिचर्स : 

Royal Enfield Hunter 350 च्या कलर ऑप्शन्सबद्दल बोलायचे झाल्यास एनफील्ड हंटर ड्युअलटोन आणि सिंगल टोन कलर्ससह येईल. यामध्ये एकूण 8 प्रकार येतील. काही कलर त्यांच्या अॅपद्वारे विशिष्ट आहेत तर टॉप-एंड व्हेरियंटला ड्युअल-टोन कलर मिळतील. बाईकवरील लहान आणि उंचावलेला सायलेन्सर आणि मागील चाकाचा उंचावलेला मडगार्ड देखील याला रोडस्टर लूक देतो. डिझाईननुसार पाहिल्यास, हंटर क्लासिक आणि Meteor या दोन्हीपेक्षा लांबी आणि उंचीने लहान असणार आहे. तसेच, 20.2 bhp आणि 27 Nm टॉर्कसह अपेक्षित 5-स्पीड गिअरबॉक्स देखील मिळेल. Royal Enfield Hunter 350 ही वजनाने हलकी असल्यामुळे या बुलेटकडून अधिक चांगल्या कामगिरीची अपेक्षा आहे.    

किंमत? 

आगामी Royal Enfield Hunter 350 बाजारात आल्यानंतर Honda CB 350 RS, TVS Ronin आणि Jawa 42 या बाईकबरोबर स्पर्धा करेल. या बुलेटची किंमत क्लासिक 350 आणि Meteor 350 च्या खाली असण्याची अपेक्षा आहे. येत्या काही दिवसांतच ही बुलेट लॉन्च होणार आहे. त्यामुळे या बुलेट संदर्भात अधिक डिटेल्स मिळण्याची शक्यता नाकारता येत नाही. 

महत्वाच्या बातम्या :