![ABP Premium](https://cdn.abplive.com/imagebank/Premium-ad-Icon.png)
Electric Scooters : लवकरच भारतात लॉन्च होणार 'या' इलेक्ट्रिक स्कूटर्स; जाणून घ्या किंमत आणि खास वैशिष्ट्य
Upcoming Electric Scooters : जर तुम्ही नवीन इलेक्ट्रिक स्कूटर घेण्याचा विचार करत असाल तर आगामी काळात इलेक्ट्रिक स्कूटर्समध्ये काही नवीन मॉडेल बाजारात दाखल होणार आहेत.
![Electric Scooters : लवकरच भारतात लॉन्च होणार 'या' इलेक्ट्रिक स्कूटर्स; जाणून घ्या किंमत आणि खास वैशिष्ट्य new electric scooters are coming soon in the indian market marathi news Electric Scooters : लवकरच भारतात लॉन्च होणार 'या' इलेक्ट्रिक स्कूटर्स; जाणून घ्या किंमत आणि खास वैशिष्ट्य](https://feeds.abplive.com/onecms/images/uploaded-images/2022/12/04/4564eb15752d57c5a871219c4de61a891670134832595358_original.jpg?impolicy=abp_cdn&imwidth=1200&height=675)
Upcoming Electric Scooters : सध्या लोक पारंपरिक वाहनांचा वापर सोडून इलेक्ट्रिक स्कूटरचा वापर करताना दिसत आहेत. याचं कारण असं की या वाहनांना पेट्रोल लागत नाही तसेच या स्कूटर बजेटफ्रेंडली सुद्धा असतात. त्यामुळे ग्राहकांचा या वाहनांकडे ओढा जास्त पाहायला मिळतो. अशा परिस्थितीत, जर तुम्ही नवीन इलेक्ट्रिक स्कूटर (Electric Scooters) घेण्याचा विचार करत असाल तर तुमच्यासाठी ही बातमी आहे. सध्या बाजारात उपलब्ध असणाऱ्या इलेक्ट्रिक स्कूटर्सपैकी तुम्हाला जर कोणती स्कूटर आवडत नसेल तर काळजी करण्याची गरज नाही. कारण, आगामी काळात इलेक्ट्रिक स्कूटर्समध्ये काही नवीन मॉडेल बाजारात दाखल होणार आहेत. यामध्ये कोणत्या स्कूटरचा समावेश असेल ते जाणून घ्या.
हिरो इलेक्ट्रिक AE-29 (Hero Electric AE-29) :
Hero Electric लवकरच नवीन इलेक्ट्रिक स्कूटर AE-29 सादर करू शकते. यात 72.9Ah बॅटरी पॅक मिळेल. याला 80 किलोमीटरपर्यंतची रेंज मिळेल. त्याचा टॉप स्पीड 55 किलोमीटर प्रति तास असेल. त्याची चार्जिंग वेळ फक्त 4 तास असेल.
TVS Creon
TVS मोटर लवकरच आपली नवीन इलेक्ट्रिक स्कूटर भारतात आणणार आहे. जे काही काळापूर्वी चाचणी दरम्यान दिसले आहे. ही स्कूटर सध्याच्या iQube च्या वर येईल. त्याची एक्स-शोरूम किंमत सुमारे 1.2 लाख रुपये असण्याची शक्यता आहे.
होंडा EM-1 (Honda EM-1) :
होंडा मोटर लवकरच आपली बजेट सेगमेंट इलेक्ट्रिक स्कूटर EM1 इलेक्ट्रिक लॉन्च करणार आहे. हे विशेषतः सामान्य ग्राहकांसाठी डिझाइन केलेले आहे. ही स्कूटर स्वॅप करण्यायोग्य बॅटरी आणि जलद चार्जिंग तंत्रज्ञानाने सुसज्ज असेल. त्याची किंमत सुमारे 90,000 रुपये असू शकते.
एलएमएल स्टार इलेक्ट्रिक स्कूटर (LML Electric Scooter) :
LML तिच्या इलेक्ट्रिक ब्रँड अंतर्गत तीन नवीन इलेक्ट्रिक स्कूटर लॉन्च करणार आहे. ज्यांचे बुकिंगही सुरू झाले आहे. या स्कूटरमध्ये 10-इंच अलॉय व्हील्स, डेटाइम रनिंग लाइट्स (डीआरएल) आणि डिजिटल डिस्प्ले सारखी वैशिष्ट्ये असतील. तसेच, तो मॅक्सी लूकमध्ये लॉन्च केला जाईल.
यामाहा निओ (Yamaha Neo) :
यामाहा आपली पहिली इलेक्ट्रिक स्कूटर लवकरच बाजारात आणणार आहे. त्याचे नाव यामाहा निओ असेल. या इलेक्ट्रिक स्कूटरमध्ये ब्रशलेस डीसी हब मोटर उपलब्ध असेल. त्याचा टॉप स्पीड 40 किमी प्रतितास असेल. या स्कूटरची रेंज 60 किमी असेल.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)