Car Insurance Tips : कार विमा दावा फेटाळला जाऊ नये असं वाटतंय, तर मग 'हे' वाचाच!

Car Insurance Tips : विमा कंपन्यांकडून कारचा दावा फेटाळला जातो. मात्र त्यासाठी आपण करत असलेल्या चूका कारणीभूत असतात.

Car Insurance Tips : कार विमा दावा फेटाळला जाऊ नये असं वाटतंय, तर मग 'हे' वाचाच!

Car Insurance Tips : सध्या प्रत्येक व्यक्ती कार किंवा कोणतेही वाहन खरेदी केल्यानंतर प्रथम त्याचा विमा उतरवतो. कार विकत घेतल्यानंतर, तिचा विमा उतरवणे अत्यंत आवश्यक आहे. कोणत्याही प्रकारचा अपघात झाल्यास विम्यामुळे हे नुकसान भरून काढता येते. नवीन कार खरेदी करताना कारचा विमा काढण्याचा पर्याय सध्या उपलब्ध असतो. वाहन विमा हा अतिशय महत्त्वाचा आहे. अपघात अथवा काही कारणास्तव वाहनाचे नुकसान झाल्यानंतरही काहींचा विमा दावा मान्य केला जात नाही.

वाहन विम्याचे अनेक फायदे आहेत. वाहन चोरीला गेल्यानंतरही विम्याची रक्कम मिळते. वाहन विमा पॉलिसी घेतल्यानंतर, चोरी किंवा कोणत्याही प्रकारचा अपघात झाल्यास दावा मिळाला नसल्याचा दावा अनेकजण करतात. वाहन विम्याचा दावा नाकारण्यामागे अनेक कारणे आहेत. काही चुकांमुळे वाहन विमा दावा फेटाळला जातो. या चुका टाळल्यास आणि विमा कंपन्यांच्या नियमांचे पालन केल्यास विमा दावा मान्य केला जाऊ शकतो.   

तुमची कार व्यावसायिक वापरासाठी वापरत असाल आणि तुमचा विमा वैयक्तिक वापराचा असेल तर विमा दावा मान्य होणार नाही. तुम्ही कार व्यावसायिकरित्या वापरत असाल तर तुम्हाला यासाठी वेगळा विमा घ्यावा लागेल. अन्यथा तुमचा विमा नाकारला जाऊ शकतो. या विम्याची किंमत विमा कंपनीनुसार वेगवेगळी असते. अनेकदा लोक कार खरेदी केल्यानंतर त्यात मनासारखे बदल करून घेतात. विमा पॉलिसीचे नूतनीकरण करताना कारमध्ये केलेले बदलांची माहिती संबंधित विमा कंपनीला देणे आवश्यक आहे. अन्यथा कंपनी तुमचा विमा दावा फेटाळू शकते. 

कार विमा पॉलिसी घेतल्यानंतर, तिचा प्रीमियम नियमितपणे भरत राहणे आवश्यक आहे. बहुतांशी विमा कंपन्या ग्राहकांना विमा प्रीमियम भरण्यासाठी ९० दिवसांचा अतिरिक्त वेळ देतात. विमा प्रीमियम रक्कम वेळेवर न भरल्यास कोणत्याही अपघाताच्या बाबतीत तुमचा दावा फेटाळला जातो. त्यामुळे विम्याचा प्रीमियम वेळेवर भरणे आवश्यक आहे. वाहन चालवण्याचा परवान्याशिवाय वाहन चालवणे कायद्यानुसार गुन्हा आहे. तुम्ही परवान्याशिवाय वाहन चालवताना किंवा कोणत्याही प्रकारचा अपघात झाला आणि विम्यासाठी दावा केल्यास तो फेटाळला जाऊ शकतो. 

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha