Astrology: औरंगाबादेत पार पडलं ज्योतिष अधिवेशन; मोदींचा राजयोग, फडणवीसांना पक्षातून विरोध, तर ठाकरेंची...

National Astrology Conference: मुख्यमंत्री एकनाथ शिंदेंपासून (Eknath Shinde) तर पंतप्रधान नरेंद्र मोदी (Narendra Modi)यांचे राजकीय भविष्यवाणी करण्यात आली. 

Aurangabad News

National Astrology Conference in Aurangabad: औरंगाबादमध्ये राष्ट्रीय ज्योतिष वास्तू महाअधिवेशनाचे आयोजन करण्यात आले आहे. या महाअधिवेशनात वास्तुशास्त्र आणि हस्तरेषाशास्त्राचे ज्योतिषी सहभागी झाले होते. या महाअधिवेशनाचे आयोजन ब्राह्मण समाजातर्फे करण्यात आले होते. यावेळी वेदमूर्ती अनंत पांडव यांनी राज्य आणि देशातील महत्वाच्या राजकीय नेत्यांची भविष्य सांगितले. ज्यात मुख्यमंत्री एकनाथ शिंदेंपासून (Eknath Shinde) तर पंतप्रधान नरेंद्र मोदी (Narendra Modi) यांचे राजकीय भविष्यवाणी करण्यात आली. 

पहा कोणाची काय भविष्यवाणी...

पंतप्रधान नरेंद्र मोदी (Narendra Modi):  पंतप्रधान यांना राजयोग आहे. तर त्यांच्या विरोधात अनेक विरोधक तयार होतील, मात्र त्यावर ते मात करणार आहे. तसेच आगामी लोकसभा निवडणूक दहशतवादी आणि राष्ट्रवाद या विषयांवर होणार आहे. सोबतच 2024 च्या लोकसभा निवडणुकीत भाजपला 418 जागा मिळणार आहे. पंतप्रधान मोदी 2028 मध्ये त्यांच्यावरील जबाबदारी दुसऱ्याला देतील. 

राहुल गांधी (Rahul Gandhi) : राहुल यांना देखील राजयोग आहे. मात्र त्यांना पंतप्रधान पदासाठी अंतर्गत विरोधाचा सामना करावा लागणार आहे. राहुल गांधी पंतप्रधान पदापासून दूर राहतील, कारण त्यांच्या कर्म स्थानातील गुरु तसेच षष्टमस्थानातील रवी मंगळ हे ग्रह त्यांना उच्च पदापासून दूर ठेवतील.

योगी आदित्यनाथ (Yogi Adityanath): याचवेळी उत्तर प्रदेशचे मुख्यमंत्री योगी आदित्यनाथ यांची राजकीय भविष्यवाणी करण्यात आली. ज्यात योगी आदित्यनाथ यांच्या कुंडलीत उच्च राजयोग आहे. तर ते पुन्हा मुख्यमंत्री होतील. तसेच संन्यास राजयोग आहे. 

अरविंद केजरीवाल (Arvind Kejriwal): यावेळी दिल्लीचे मुख्यमंत्री अरविंद केजरीवाल यांची देखील राजकीय भविष्यवाणी सांगण्यात आली. अरविंद केजरीवाल यांच्या कुंडलीत राजयोग आहे. तसेच 2026 पर्यंत ते मुख्यमंत्री असतील. 

राज्यातील राजकीय नेत्यांची भविष्यवाणी... 

उद्धव ठाकरे (Uddhav Thackeray): माजी मुख्यमंत्री उद्धव ठाकरे यांची भविष्यवाणी सांगतांना ठाकरे यांच्या कुंडलीनुसार सहकाऱ्यांसोबत मतभेद होतील. त्यामुळे त्यांना मानसिक त्रास होईल. उद्धव ठाकरे यांना जानेवारीपासून चांगले दिवस येणार आहे. 

मुख्यमंत्री एकनाथ शिंदे (Eknath Shinde): मुख्यमंत्री शिंदे यांच्या कुंडलीनुसार सध्याचा काळ भाग्योदयाचा आहे. तसेच राजयोग आहे. मात्र ते मुख्यमंत्री होतील की नाही हे पुढे कळेल. 

उपमुख्यमंत्री देवेंद्र फडणवीस (Devendra Fadnavis): फडणवीस यांच्या कुंडलीनुसार पक्षांतर्गत त्यांना भरपूर विरोध होणार आहेत. यांच्या कुंडलीतील अष्टमस्थानातील गुरु महाराजांचे भ्रमण चालू असल्या कारणाने त्यांना पक्षांतर्गत व इतर स्थानातून भरपूर विरोध होण्याची दाट शक्यता निर्माण होत आहे. तर फडणवीस यांना अनेक संकटांचा सामना करून बुधादित्य नावाच्या राज योगामुळे ते पुन्हा एकदा उच्चपद प्राप्त करतील.