Mumbai: गोरेगाव फिल्म सिटीमध्ये 'ज्युनिअर शाहरुख खान'वर हल्ला; आरे पोलीस ठाण्यात तक्रार दाखल
राजू राहिकवर (Raju Rahikwar) याच्यावर हल्ला करण्यात आला आहे. या हल्ल्यात राजू राहिकवर हा जखमी झाल्याची माहिती आहे.
Mumbai: मुंबईतील (Mumbai) गोरेगाव (Goregaon) फिल्मसिटीमध्ये (Filmcity) ज्युनिअर कलाकार (Junior Artist) म्हणून काम करणाऱ्या ज्युनियर शाहरुख खान (Shah Rukh Khan) उर्फ राजू राहिकवर (Raju Rahikwar) याच्यावर हल्ला करण्यात आला आहे. या हल्ल्यात राजू राहिकवर हा जखमी झाला आहे. या प्रकरणी आरे पोलीस ठाण्यात तक्रार दाखल करण्यात आली आहे.
गोरेगाव (Goregaon) फिल्मसिटीमध्ये (Filmcity) असणाऱ्या बॉलिवूड पार्कमध्ये गेल्या अनेक वर्षांपासून पर्यटकांचे मनोरंजन करण्याचे काम ज्युनियर शाहरुख खान उर्फ राजू राहिकवर करत आहे. मात्र बॉलिवूड पार्कचे व्यवस्थापन पाहणाऱ्या दोन भावांच्या भांडणात मध्यस्थी करण्यासाठी गेलेल्या राजू राहिकवर यावर रॉडने हल्ला करण्यात आला आहे. या हल्ल्यात राजू राहिकवर जखमी झाला आहे. यानंतर राजू रहिकवार उर्फ ज्युनिअर शाहरुख खान याने आरे पोलीस ठाण्यात तक्रार दाखल केली आहे. सध्या पोलीस या प्रकरणाचा तपास करत आहेत.
ज्युनिअर शाहरुख खान अशी ओळख असणारा राजू राहिकवर हा सोशल मीडियावर सक्रिय असतो. राजू हा शाहरुख खानच्या गाण्यावरील व्हिडीओ सोशल मीडियावर शेअर करत असतो. तसेच शाहरुखसारख्या लूकमधील फोटो देखील राजू सोशल मीडियावर शेअर करतो. राजूला इन्स्टाग्रामवर 10 हजारपेक्षा जास्त नेटकरी फॉलो करतात. तसेच त्याचे युट्यूब चॅनल देखील आहे. त्याच्या युट्यूब चॅनलला 6 हजारपेक्षा जास्त नेटकऱ्यांनी सबस्काईब केलं आहे. शाहरुखच्या पठाण या चित्रपटामधील गाण्यावरील व्हिडीओ देखील राजूनं सोशल मीडियावर शेअर केले आहेत. त्याच्या सोशल मीडियावरील पोस्टला नेटकऱ्यांची पसंती मिळते.
View this post on Instagram
शाहरुखसारखा लूक करुन राजू हा वेगवेगळ्या कार्यक्रमांमध्ये हजेरी लावतो. त्या कार्यक्रमामधील फोटो आणि व्हिडीओ तो सोशल मीडियावर शेअर करतो.
वाचा इतर महत्वाच्या बातम्या:
Before You Go
Umesh Tagunde Maharaj Pune Vastav 291 : महिला पाय धुवून पाणी पितात, पुण्याच्या बाबाचं वास्तव
महत्त्वाच्या बातम्या
