गरजूंसाठी मोफत अभ्यासिकेचा स्तुत्य उपक्रम, ‘शहीद सुभेदार एन. के. खोब्रागडे वाचनालया’चा  4था वर्धापन दिन संपन्न!

शहीद सुभेदार एन. के. खोब्रागडे वाचनालय व अभ्यासिका केंद्रामार्फत अमरावती जिल्ह्यातील रिद्धपुर या गावामध्ये मोफत अभ्यासिका उपलब्ध करून दिली गेली आहे.

Shaheed Subhedar N. K. Khobragade Library

Amravati  : शहीद सुभेदार एन. के. खोब्रागडे वाचनालय, अभ्यासिकेचा 4था वर्धापनदिन रिद्धपुर येथे साजरा करण्यात आला होता. यानिमित्ताने पीएसआय रोशन ओकटे, नयना अमोल साखरकर आणि पोलीस शिपाई पदी नियुक्त मुजिब शेख व रिता गव्हांदे यांचा यावेळी सत्कार सोहळा यावेळी पार पडला. या सोहळ्याला करिअर व्हिजन अकादमीचे संचालक नितीन डेहा, धिरज थोरात, आकाश जावरकर व जिल्हा परिषदचे उपाध्यक्ष दत्ताभाऊ ढोमणे देखील उपस्थित होते.

या खास प्रसंगी उपस्थित सर्व लोकांना या दोन्ही पोलीस उपनिरीक्षकांनी मार्गदर्शन केले आणि शिक्षणाचे महत्व, वाचनालयाची व अभ्यासिकेची गरज आणि आता युवकांसमोर असलेली आव्हाने, अभ्यासाची गरज या सर्वांचे महत्व यावेळी त्यांनी पटवून दिले. भाषेचा किंवा अपयशाचा न्यूनगंड त्यागून फक्त सकारात्मतेने अभ्यास करून निश्चितच यश प्राप्त होते हे विविधांगी उदाहरणाच्या माध्यमातून पटवून दिले.

यावेळी त्यांनी खोब्रागडे वाचनालय व अभ्यासिका केंद्र हे सर्व सुविधा मोफत उपलब्ध करून दिल्याबद्दल वाचनालय समितीचे अभिनंदन व कृतज्ञता व्यक्त केली. पुढे दत्ताभाऊ ढोमणे यांनी वाचनालयास लागणाऱ्या कोणत्याही साहित्याची उपलब्धता त्यांच्यातर्फे करण्यात येईल, असे आश्वासन देऊन विद्यार्थाना कृतांत केले.

गरजूंसाठी मोफत अभ्यासिका

शहीद सुभेदार एन. के. खोब्रागडे वाचनालय व अभ्यासिका केंद्रामार्फत अमरावती जिल्ह्यातील रिद्धपुर या गावामध्ये विद्यार्थ्यांच्या सोयीसाठी, गरीब-दुर्बल आणि वंचित ज्यांना खरोखर अभ्यासाची ओढ आहे, परंतु परिस्थितीमुळे व वातावरणामुळे ते करू शकत नाही, त्या सर्वांसाठी ही अभ्यासिका मोफत उपलब्ध करून दिली आहे. इतकेच नाही तर, सर्व स्पर्धा परीक्षेचा अभ्यासही याठिकाणी मोफतच घेतला जातो आणि पुस्तकेसुद्धा मोफत उपलब्ध करून दिली जातात.

भविष्यात आणखी पदे नक्की मिळवू!

या समारंभात पीएसआय रोशन ओकटे आणि पीएसआय नयना अमोल साखरकर यांनी विद्यार्थ्यांना नेहमी मार्गदर्शन करण्याचे आव्हान केले. यावेळी वाचनालयाने फक्त 2-3 पद पाहिलीत. परंतु, येत्या डिसेंबरपर्यंत या वाचनालयातून कमीत कमी 5 पदे येथील विद्यार्थी मिळवतील, असा विश्वास मान्यवरांनी व्यक्त केला.

महत्वाच्या बातम्या :