![ABP Premium](https://cdn.abplive.com/imagebank/Premium-ad-Icon.png)
Nagpur Crime : प्रवासातील ओळख पडली महागात, तरुणीवर दोघांचा अत्याचार
काटोल ते नागपूर प्रवासादरम्यान तरुणीची ओळख अली सोबत झाली. त्याने त्याच्या मित्रासोबत तरुणीवर तीन महिन्यात अनेकवेळा बलात्कार केला. त्यांच्या त्रासाला कंटाळून अखेर तरुणीने पोलिसांत तक्रार दाखल केली.
![Nagpur Crime : प्रवासातील ओळख पडली महागात, तरुणीवर दोघांचा अत्याचार a girl was raped for three months by two people Nagpur Crime : प्रवासातील ओळख पडली महागात, तरुणीवर दोघांचा अत्याचार](https://feeds.abplive.com/onecms/images/uploaded-images/2022/06/27/1a7d4e102523d954325bc5ff2b3f34a3_original.jpg?impolicy=abp_cdn&imwidth=1200&height=675)
नागपूरः प्रवासादरम्यान झालेल्या ओळखीवर विश्वास ठेवणे एका 23 वर्षीय तरुणीला महागात पडले आहे. औषधाच्या दुकानात काम करणाऱ्या तरुणीला आणखी उच्चपदाच्या नोकरीची गरज होती. याचा फायदा घेत आरोपीने तिच्यावर अत्याचार केला. नंतर आरोपीच्या मित्रानेही प्रकरण निवळण्याच्या बहाण्याने घरी बोलावून तिच्यावर अत्याचार केला. वारंवार होणाऱ्या या छळाला कंटाळून पीडितेने पोलिस ठाण्यात तक्रार दाखल केली. पोलिसांनी दोन्ही आरोपींवर बलात्काराचा गुन्हा नोंदवून एकाला अटक केली आहे.
औषधाच्या दुकानात काम करणाऱ्या एका 23 वर्षीय तरुणीला नोकरीचे आमिष दाखवून एकाने तिच्यावर अत्याचार केला. कमर अली कारंजावाला (वय 45)रा. हुडको अपार्टमेंट असे अटकेतील आरोपीचे नाव आहे. तर आसिफ शेख रा. यशोधरानगर असे दुसऱ्या आरोपीचे नाव आहे. ही घटना यशोधरानगर पोलिस ठाण्याच्या हद्दीत उघडकीस आली.
प्राप्त माहितीनुसार, पीडित मुलगी ही नागपुरातील एका औषधाच्या दुकानात काम करते. 15 एप्रिल रोजी तरुणी काटोल ते नागपूर असा प्रवास करीत असताना तिची कमर अली सोबत ओळख झाली. दोघांनी एकमेकांना मोबाईल नंबर दिले. त्यानंतर दोघांचा नेहमी संपर्क होत गेला. पीडित तरुणीला आणखी उच्चपदाच्या नोकरीची गरज होती. ही बाब तिने कमर अलीला बोलून दाखविली. या संधीचा फायदा घेत कमर अलीने घेतला.
नोकरी लाऊन देण्याच्या बहाण्याने आमिष दाखविले. नंतर बोलण्यात थापा मारून जाळ्यात ओढले. तरुणी जाळ्यात अडकल्याची खात्री पडताच त्याने घरी कुणी नसताना नोकरीसाठी लागणारे कागदपत्र घरी घेऊन येण्यास सांगितले. ती कमर अलीच्या घरी आली. त्याने तिच्यावर लैंगिक अत्याचार केला. नंतर ही बाब कुणाला सांगितल्यास ठार मारण्याची धमकी दिली. त्यानंतर जवळपास 26 जूनपर्यंत तो मिळेल तेव्हा पीडितेवर अत्याचार करू लागला. त्याने या दरम्यान तिला मारहाणही केली. या भीतीपोटी पीडित सर्व प्रकार सहन करत होती.
मित्रानेही केला अत्याचार
पीडित मुलीचे लैंगिक शोषण करीत असल्याची माहिती कमरने आपला मित्र आसिफला सांगितली. आसिफनेही कमरच्या पावलावर पाऊल टाकत पीडितेला कमरचे प्रकरण पूर्णपणे निवळण्याची ग्वाही दिली. दरम्यान 26 जून रोजी आसिफच्या घरी कुणी नव्हते. त्याने मुलीला प्रकरण निवळण्यासाठी घरी बोलाविले. ती घरी येताच त्यानेही तिच्यावर लैंगिक अत्याचार केला. दोघांकडून वारंवार होत असलेल्या अत्याचाराने त्रासलेल्या पीडित तरुणीने शेवटी पोलिस ठाणे गाठून तक्रार दिली. पोलिसांनी दोघांवरही बलात्काराचा गुन्हा नोंदवून कमर अलीला अटक केली.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)