'रईस' सिनेमातून महिरा खानचा पत्ता कट?

दरम्यान, 'द इंडियन मोशन पिक्चर्स प्रोड्यूसर'ने भारत-पाकिस्तानमधील तणावाचे वातावरण निवळेपर्यंत पाकिस्तानी कलाकारांना बॉलिवूडमध्ये काम करण्यास बंदी घातली होती. यानंतर बॉलिवूडमधून वेगवेगळ्या प्रतिक्रिया आल्या. सलमान खान, करण जोहर, हंसल मेहता आणि अनुराग कश्यप यांनी पाकिस्तानी कलाकारांवर बंदी घालणे चुकीचे असल्याचे म्हटले होतं. तर रणदीप हुड्डा, सोनाली बेंद्रे आणि नाना पाटेकर आदींनी पाकिस्तानी कलाकारांच्या बंदीचे समर्थन केलं होतं.

मनसेने याप्रकरणी ताठर भूमिका घेत, पाकिस्तानी कलाकारांना अल्टिमेटम देऊन बॉलिवूडमध्ये पाकिस्तानी कलाकारांना बंदी घालण्याची मागणी केली होती. याशिवाय फवाद खानचा 'ए दिल है मुश्किल' आणि माहिरा खानचा 'रईस' हे चित्रपट रिलीज होऊ देणार नाही, अशी धमकीही मनसेने दिली होती.

दरम्यान यावरुन अद्याप अधिकृत स्पष्टीकरण आले नाही.

'डीएनए'च्या वृत्तानुसार, निर्मात्याला सिनेमाच्या प्रदर्शनानंतर विरोध होऊ नये, यासाठी माहिरा खानला रिप्लेस करण्यात असल्याचे सांगण्यात येत आहे.

उरी हल्ल्यानंतर पाकिस्तानी कलाकार फवाद खान आणि माहिरा खान यांच्यावर चोहोबाजूंनी टीकेची झोड उठली होती.

शाहरुखचा 'रईस' हा सिनेमा जानेवारीत प्रदर्शित होत आहे.

शाहरुखच्या 'दिलवाले' या सिनेमाच्या प्रदर्शनावेळीही असहिष्णुतेच्या मुद्द्यावरुन मोठा वाद निर्माण झाला होता. याचा सर्वाधिक फटका चित्रपट निर्मात्याला बसला. विशेष म्हणजे, 'रईस' चित्रपटाच्या शूटिंगवेळीही गुजरातमध्ये शाहरुखला कडाडून विरोध झाला. त्यामुळे शाहरुख खान आणि सिनेमा निर्माता कोणत्याही प्रकारचा धोका पत्करायला तयार नाहीत. यातूनच त्यांनी हा निर्णय घेतल्याचं कळतं.

या सिनेमातून पाकिस्तानी कलाकार माहिरा खान बॉलिवूडमध्ये पदार्पण करणार होती. या सिनेमाचे शूटिंगही जवळपास पूर्ण होत आले होते. मात्र याच दरम्यान माहिरा खानच्या रिप्लेसमेंटच्या बातमीने चाहत्यांमध्ये निराशेचे वातावरण आहे.

'डीएनए'ने दिलेल्या वृत्तानुसार, निर्माता रितेश सिधवानींसाठी हा सर्वात कठीण निर्णय होता. उरी हल्ल्यानंतर या सिनेमातील मुख्य अभिनेत्रीला रिप्लेस करण्यासाठी दबाव वाढत होता. वाढत्या विरोधामुळे पाकिस्तानी कलाकारांसोबत काम करणे अडचणीचे झाले होते. त्यामुळे अनेकांनी या सिनेमाचे शूटिंग देशाबाहेर करण्याचा सल्ला दिला. मात्र ते शक्य नसल्याने माहिरा खानला या सिनेमातून हटवण्यात आले आहे.

उरी हल्ल्यानंतर पाकिस्तानविरोधात देशवासियांमध्ये संतप्त प्रतिक्रिया उमटल्या. फवाद खानपासून ते माहिरा खानपर्यंत सर्वच पाकिस्तानी कलाकारांना बॉलिवूडमध्ये काम देऊ, नये अशी मागणी झाली. त्यातच आता सुपरस्टार शाहरुख खानचा अपकमिंग 'रईस' या सिनेमातून त्याची सहकलाकार माहिरा खानलाही रिप्लेस करण्यात येणार असल्याचं कळतं.