Women Safety : महिलांनो..कॅब बुक केलीय? थांबा...आधी 'या' सेफ्टी टिप्स जाणून घ्या, एकट्याने प्रवास करण्याचा येईल आत्मविश्वास

Women Safety : कॅब बुक करण्यापूर्वी आणि कारमध्ये बसण्यापूर्वी महिलांनी काही सुरक्षा टिप्स लक्षात ठेवल्या पाहिजेत. आज आम्ही तुम्हाला अशाच काही टिप्स सांगणार आहोत.

Women Safety lifestyle marathi news

Source : google

Women Safety : आजकाल महिलांही पुरुषांच्या खांद्याला खांदा लावून स्वाभिमानाने नोकरी करताना दिसत आहेत. बऱ्याच वेळेस महिलांना नोकरी किंवा इतर कामानिमित्त घराबाहेर राहावे लागते. मग यायला उशीर झाला की त्या टॅक्सी किंवा कॅब बुक करतात. ऑफिसला जायचं असेल किंवा कुठेतरी प्रवास करायचा असेल, तर लवकर आणि आरामात पोहोचण्यासाठी महिला कॅबची मदत घेतात. अनेक वेळा महिलांना काही कामासाठी एकट्याने जाण्यासाठी वैयक्तिक बुकिंग करावे लागते. कॅब-टॅक्सी ऑनलाइन बुकिंग करणाऱ्या कंपन्या त्यांच्याकडून अनेक प्रकारच्या सुरक्षिततेच्या टिप्स देत असल्या, तरी दररोज काही ना काही घटनांची उदाहरणं पाहता महिलांच्या मनात कुठेतरी असुरक्षिततेची भावना निर्माण होते. अशा परिस्थितीत स्वतःचे संरक्षण करणे ही महिलांची प्राथमिक जबाबदारी आहे. आज आम्ही तुम्हाला कॅब बुक करताना सुरक्षित प्रवासासाठी महिलांनी कोणत्या गोष्टी लक्षात ठेवल्या पाहिजेत याबद्दल सांगणार आहोत.

कॅबमध्ये बसण्यापूर्वी 'या' गोष्टी लक्षात ठेवा

ड्रायव्हरकडून फोटो आयडी प्रूफ मागा

कॅब आल्यानंतर, त्यात चढण्यापूर्वी, तुम्ही ड्रायव्हरचा ड्रायव्हिंग लायसन्स, कंपनी आयडी किंवा इतर कोणताही आयडी पुरावा तपासला पाहिजे. संधी साधून, तुम्ही फोटो आयडीचा फोटो घेऊ शकता आणि तो तुमच्या कुटुंबीयांसह किंवा मित्रांसह शेअर करू शकता.

 

नंबर प्लेटचा फोटो घ्या

कॅबमध्ये चढण्यापूर्वी कारचा फोटो घ्या आणि तो तुमच्या मित्रांना पाठवा. तसेच, वाहनाच्या नंबर प्लेटचा फोटो घ्या. तसेच, तुमच्या मित्रांशी फोनवर बोला आणि त्यांना सांगा की तुम्ही सर्व तपशील शेअर केले आहेत, जेणेकरून ड्रायव्हरलाही याची जाणीव होईल आणि ते काही चुकीचे करण्याचा विचार करणार नाही.

 

बुकिंगमध्ये तपशीलांचा स्क्रीनशॉट

जेव्हा तुम्ही कॅब बुक करता तेव्हा तुमच्या फोनच्या स्क्रीनवर वाहनाचा रंग आणि क्रमांक, ड्रायव्हरचे नाव आणि त्याचा संपर्क क्रमांक इ. तुम्ही या गोष्टींचे स्क्रीनशॉट घ्या आणि ते तुमच्या कुटुंबियांसोबत आणि जवळच्या मित्रांसोबत शेअर करा, जेणेकरून तुम्ही कोणत्या कॅबमध्ये आहात आणि ड्रायव्हर कोण आहे हे सर्वांना कळेल.

 

स्पीड डायल लिस्ट तयार ठेवा.

स्पीड डायल लिस्टमध्ये कुटुंबातील सदस्य आणि जवळच्या मित्रांचे फोन नंबर ठेवा. आवश्यक असल्यास, आपण काही क्षणात त्यांच्याशी संपर्क साधू शकता.

 

तुमचा मोबाईल नेहमी चार्ज ठेवा

कॅबमध्ये चढण्यापूर्वी किंवा कुठेही जाण्यापूर्वी तुमचा मोबाइल चार्ज करण्याची खात्री करा. तुम्हाला हवे असल्यास, बॅटरी बॅकअपसाठी तुम्ही तुमच्यासोबत पॉवर बँक देखील ठेवू शकता. कॉल आणि डेटा पॅक आहे की नाही हे देखील लक्षात ठेवा.

तुमच्या फोनचा GPS चालू ठेवा

तुम्ही तुमच्या ठिकाणी पोहोचेपर्यंत तुमच्या मोबाईलमध्ये GPS चालू ठेवा. याच्या मदतीने तुम्ही चुकीच्या हेतूचे बळी होण्याचे टाळू शकता. अनेक कॅब चालक शॉर्टकट घेण्याचा सल्ला देतात.

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )