Health Tips : रोग प्रतिकारशक्ती वाढवण्याकरता प्या ऊसाचा रस , काय आहेत फायदे घ्या जाणून
ऊसाचा रस शरीरातील रक्ताची कमतरता पूर्ण करते आणि याचे अनेक फायदे देखील आहेत. चला तर मग जाणून घेऊया ऊसाच्या रसाचे फायदे.
Sugarcane Juice Benefits : ऊसाचा (Sugarcane) रस हे आरोग्यदायी पेय मानले जाते. सगळ्या ऋतूत ऊसाचा रस पिणे अत्यंत फायदेशीर मानले जाते. तुमची डिहायड्रेशनची समस्या देखील ऊसाच्या रसामुळे कमी होण्यात मदत होते. याशिवाय ऊसाचा रस आपल्याला अनेक आरोग्यदायी फायदे देतो. ऊसाच्या रसामध्ये कार्बोहायड्रेट, प्रथिने, जीवनसत्त्वे, फॉस्फरस, पोटॅशियम आणि कॅल्शियम यांसारखे पोषक घटक मुबलक प्रमाणात असतात. पोषक तत्वांनी युक्त असा हा ऊसाचा रस तुमच्या आरोग्यासाठी खूप फायदेशीर आहे. जाणून घेऊया ऊसाच्या रसाचे फायदे.
एनर्जी बूस्टर म्हणूव काम करते
जर तुम्हाला तुमचे शरीर हायड्रेट ठेवायचे असेल, तर ऊसाचा रस प्यायल्याने तुम्हाला झटपट ऊर्जा मिळू शकते. हे पेय खूप कमी वेळात तुमचा थकवा दूर करते. हे प्यायल्याने तुम्ही ताजे आणि उत्साही राहता. ऊसाचा रस शरीराला हायड्रेट करून थकवा कमी करण्यास मदत करतो. या रसामध्ये कार्बोहायड्रेट्स आणि प्रथिने भरपूर प्रमाणात असतात.
कावीळ मध्ये ऊसाचा रस ठरतो उपयुक्त
आयुर्वेदानुसार काविळीवर ऊस हा एक उत्तम उपाय आहे. त्यामुळे तुमचे लिव्हर निरोगी राहते. ऊसाच्या रसामध्ये विविध अँटिऑक्सिडंट असतात, जे लिव्हरला संसर्ग होण्यापासून वाचवतात.
पचन सुधारते
ऊसाचा रस पचनाच्या समस्यांवर टॉनिक म्हणून काम करतो. यामध्ये पोटॅशियमचे प्रमाण जास्त असते, जे पोटातील पीएच पातळी नियंत्रणात ठेवण्याचे काम करते. ऊसामध्ये भरपूर प्रमाणात फायबर असते, जे तुमची पचनसंस्था स्वच्छ करते. यामुळे तुम्हाला बद्धकोष्ठतेच्या समस्येपासून आराम मिळतो.
गर्भवती महिलांसाठी फायदेशीर
गरोदर महिलांसाठी ऊसाचा रस खूप फायदेशीर आहे. जर तुम्ही आई होणार असाल तर तुमच्या आहारात याचा समावेश जरूर करा. यामध्ये फॉलिक अॅसिड किंवा व्हिटॅमिन-बी9 असते, जे आरोग्यासाठी फायदेशीर असते. याशिवाय, संशोधनानुसार, ऊसाचा रस स्त्रियांमध्ये ओव्हुलेशनच्या समस्या कमी करतो, ज्यामुळे गर्भधारणेची शक्यता वाढते.
अशक्तपणा कमी होण्यात मदत होते
ऊस आणि त्याचा रस अशक्तपणाचा त्रास असलेल्या लोकांसाठी अधिक फायदेशीर आहे. त्यात भरपूर लोह असते, ज्यामुळे शरीरातील हिमोग्लोबिनची पातळी वाढते. ज्यांना अॅनिमियाची समस्या आहे त्यांनी ऊसाचा रस जरूर प्यावा. यामुळे शरीरातील रक्ताची कमतरता दूर होते.
हाडे मजबूत होतात
ऊसाचा रस प्यायल्याने हाडे मजबूत होतात. यात कॅल्शियम आणि फॉस्फरस सारखे पोषक घटक असतात जे हाडांना मजबूत करतात. त्यामुळे रोज ऊसाचा रस प्यायल्याने हाडांच्या दुखण्यापासूनही आराम मिळतो.
इतर महत्वाच्या बातम्या
Traffic Challan: कारसोबत भरपूर फोटो क्लिक करा, व्हिडीओ बनवा; पण 'ही' चूक केल्यास बसेल खिशाला फटका
Check out below Health Tools-
Calculate Your Body Mass Index ( BMI )
महत्त्वाच्या बातम्या
ट्रेंडिंग न्यूज
