Influenza : सप्टेंबर-नोव्हेंबर महिन्यात लहान मुलांना 'इन्फ्लुएंझा'चा धोका! 'या' गंभीर आजारापासून संरक्षण कसं कराल?
Influenza In Children : 'इन्फ्लुएंझा' हा एक प्रकारचा फ्लू आहे. याचा त्रास वृद्धांना आणि लहानमुलांना अधिक होता. यामध्ये श्वसनमार्गावर परिणाम होतो.
मुंबई : हवामान बदलामुळे (Change in Weather) व्हायरल फ्लू (Viral Flu) म्हणजेच 'इन्फ्लुएंझा' (Influenza) च्या रुग्णांमध्ये वाढ होते. इन्फ्लुएंझामध्ये विशेषतः लहान मुलांच्या (Influenza In Children) श्वसनमार्गावर परिणाम होतो. इन्फ्लूएंझाची लक्षणे सौम्य ते गंभीर असू शकतात. काहीवेळा त्याची लक्षणे इतकी गंभीर असू शकतात की, मुलांना रुग्णालयात दाखल करावं लागू शकतं आणि मृत्यू होण्याचा धोका देखील असतो. लहान मुलांमध्ये इन्फ्लूएन्झाच्या लक्षणांमध्ये ताप, थंडी वाजून येणे, खोकला, नाक वाहणे किंवा नाक बंद होणे यांचा समावेश होतो.
इन्फ्लूएंझाची कारणं काय?
इन्फ्लूएंझाचा उद्रेक बहुतेकदा हवामान बदलामुळे होतो. त्यामुळे अनेक लोक याकडे दुर्लक्ष करतात. पण, लहान मुलांना याची अधिक समस्या उद्भवू शकते. हवामान बदलामुळे मुलं आजारी पडत असल्याच त्याकडे दुर्लक्ष करू नका. कारण ते इन्फ्लूएंझा फ्लूचं लक्षण असू शकतं. पावसाळा आणि हिवाळ्यात तापमानात वारंवार चढ-उतार दिसून येतो. यामुळे व्हायरल फ्लूचे विषाणू झपाट्याने पसरतात. त्यामुळे सप्टेंबर ते नोव्हेंबर या महिन्यांला भारतात 'फ्लू सीझन' म्हटलं जातं. कारण, या काळात व्हायरल फ्लू अधिक वेगाने पसरतो. या ऋतूत मुलांना फ्लूपासून वाचवण्यासाठी योग्य काळजी घ्या.
इन्फ्लूएंझा म्हणजे काय?
इन्फ्लूएंझा व्हायरल फ्लू अत्यंत धोकादायक आहे, कारण यामुळे श्वसन मार्गावर परिणाम होऊन श्वास घेण्यास अडचण येते. इन्फ्लूएंझा व्हायरल फ्लूमुळे पाच वर्षांखालील मुलांना रुग्णालयात दाखल होण्याची शक्यताही अनेक पटींनी वाढते. गंभीर प्रकरणांमध्येही मुले बरं होण्यासाठी 8 ते 10 दिवस लागू शकतात.
इन्फ्लूएंझा व्हायरल फ्लूची लक्षणे
इन्फ्लूएंझा हा व्हायरल फ्लू असून लक्षणे कोरोना प्रमाणेच आहेत. ताप, खोकला आणि वाहणारं नाक तसेच अंगदुखी, मळमळ इन्फ्लूएंझाची काही प्रमुख लक्षणे आहेत. यासोबतच उलट्या आणि पोटदुखी किंवा जुलाब यासारखी लक्षणेही दिसून येतात.
जागतिक आरोग्य संघटनेनं काय म्हटलंय?
जागतिक आरोग्य संघटना आणि युनिसेफने जारी केलेल्या नवीन आकडेवारीनुसार, 2022 मध्ये जगभरातील लहान मुलांचं 2022 मधील नियमित लसीकरण झालेलं नाही.
इन्फ्लूएंझापासून लहान मुलांचा बचाव कसा कराल?
- सर्व प्रथम, मुलांना इन्फ्लूएंझा लस देणं आवश्यक आहे. व्हायरल फ्लूपासून संरक्षणासाठीचं हे पहिलं पाऊल आहे.
- मुलांच्या स्वच्छतेची विशेष काळजी घ्या. अस्वच्छतेमुळे व्हायरल फ्लूचा प्रसार वेगाने होतो.
महत्त्वाच्या इतर बातम्या :
Nipah Virus : कोरोनाप्रमाणे निपाह व्हायरस संसर्गजन्य? तज्ज्ञांनी या विषाणूबाबत काय म्हटलं?
Check out below Health Tools-
Calculate Your Body Mass Index ( BMI )
महत्त्वाच्या बातम्या
