Health Tips : जास्त किवी खाल्ल्याने होऊ शकतं 'हे' नुकसान

Health Tips : आजारपणात डॉक्टर नेहमी सल्ला देतात की किवी खाल्ल्याने प्लेटलेट्स खूप वेगाने वाढतात आणि पचनक्रियाही चांगली राहते, पण जास्त किवी खाल्ल्याने नुकसानही होऊ शकतं.

Kiwi

Health Tips : किवी (Kiwi) ज्याला सुपरफूड म्हटले जाते, ते आरोग्यासाठी अनेक फायद्यांनी परिपूर्ण आहे. जरी प्रत्येक फळामध्ये काही आवश्यक खनिजे, जीवनसत्त्वे, लोह, कॅल्शियमसारखे पोषक घटक असतात. पण प्लेटलेट्स वाढवण्यासोबतच किवी रोगप्रतिकारशक्ती आणि पचनसंस्थाही चांगली ठेवते. पण जर तुम्ही ते फायदेशीर मानून गरजेपेक्षा जास्त खात असाल तर त्याचे नुकसानही खूप आहे. जास्त कीवी खाण्याने काय नुकसान होऊ शकतं ते जाणून घ्या. 

जळजळ - किवी जास्त खाल्ल्याने शरीरात सूज येण्याचा धोका असतो. किवीच्या ऍलर्जीमुळे शरीरात सूज येऊ शकते. अशी परिस्थिती उद्भवते जेव्हा शरीरातील ऍन्टीबॉडीज किवीवर जास्त प्रतिक्रिया देतात. अशा परिस्थितीत, जर तुम्हाला अशा प्रकारची समस्या दिसत असेल, तर लगेच किवी खाणे बंद करा आणि डॉक्टरांचा सल्ला घ्या.

ऍलर्जी - जास्त किवी खाल्ल्याने काही लोकांना मळमळ किंवा उलट्या होऊ शकतात. अनेकवेळा असे दिसून येते की अॅलर्जीमुळे एखादी गोष्ट गिळताना त्रास होतो.

स्वादुपिंडात सूज येणे - जास्त किवी खाल्ल्याने देखील तीव्र स्वादुपिंडाचा दाह होण्याची समस्या उद्भवू शकते. या समस्येमध्ये स्वादुपिंडात सूज येऊ शकते. त्यामुळे पोटदुखीचा त्रासही होतो.

गर्भधारणेची गुंतागुंत - किवीमध्ये फॉलिक अॅसिड मुबलक प्रमाणात आढळते. डॉक्टर महिलांना गर्भधारणेदरम्यान फॉलिक अॅसिड घेण्याचा सल्ला देतात. मात्र, ते जास्त प्रमाणात घेतल्याने मुलांच्या मेंदूच्या विकासावर परिणाम होतो. याच्या अतिसेवनामुळे न जन्मलेल्या मुलामध्ये दमा आणि ऑटिझमसारखे आजारही होऊ शकतात. अशा परिस्थितीत, महिलांना गर्भधारणेदरम्यान मर्यादित प्रमाणात किवी घेण्याचा सल्ला दिला जातो.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.

महत्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha