Health Tips : तुमच्या आहारात या 5 ब्रेन बूस्टिंग फळांचा समावेश करा; वाचा आश्चर्यकारक फायदे
Health Tips : शरीराप्रमाणेच मेंदू देखील 24 तास काम करतो आणि मेंदूलाही सतत ऊर्जेची गरज असते.
Health Tips : आपला मेंदू हा आपल्या शरीराचा सर्वात महत्वाचा भाग आहे. मेंदू आपल्या शरीरातील जवळजवळ सर्व कार्य नियंत्रित करतो. त्यामुळे मेंदूला निरोगी आणि उत्साही ठेवणं फार गरजेचं आहे. आपण सर्वजण शरीराला ऊर्जावान ठेवण्याचा प्रयत्न करतो. पण, अनेक वेळा मेंदूच्या ऊर्जेची गरजच लक्षात घेत नाही. शरीराप्रमाणेच मेंदू देखील 24 तास काम करतो आणि मेंदूलाही सतत ऊर्जेची गरज असते. त्यामुळे मेंदूला ऊर्जा पुरवणाऱ्या काही फळांचा (Food)आहारात समावेश करणं गरजेचं आहे. असे केल्याने आपण आपल्या मेंदूची क्षमता सुधारू शकतो आणि शारीरिक आणि मानसिकदृष्ट्या निरोगी राहू शकतो.
पीच
पीचमध्ये अनेक पोषक घटक आढळतात जे मेंदूच्या आरोग्यासाठी खूप फायदेशीर असतात. पीचमध्ये व्हिटॅमिन बी 6, व्हिटॅमिन सी आणि फ्लेव्होनॉइड्स, कॅरोटीनोइड्स इत्यादी अँटीऑक्सिडंट्स आढळतात. हे सर्व पोषक तत्व मेंदूला निरोगी ठेवण्यास मदत करतात. व्हिटॅमिन बी 6 न्यूरोट्रांसमीटरच्या निर्मितीमध्ये मदत करते. जे मूड आणि स्मरणशक्ती नियंत्रित करते. अँटिऑक्सिडंट्स मेंदूच्या पेशींचे संरक्षण करतात. अशा प्रकारे पीच मेंदूचे आरोग्य आणि कार्य सुधारण्यास मदत करते.
ब्लूबेरी
ब्लूबेरीमध्ये अँथोसायनिन नावाचे पोषक तत्व असते ज्यामुळे त्याला निळा रंग येतो आणि अनेक आरोग्यदायी फायदे मिळतात. ही गोड आणि चविष्ट फळे हाडे मजबूत करण्यास, मानसिक आरोग्य चांगले ठेवण्यास आणि रक्तदाब स्थिर ठेवण्यास मदत करतात. याशिवाय ब्लूबेरीमध्ये असलेले अँटिऑक्सिडंट गुणधर्म मेंदूची क्षमता वाढवण्यास मदत करतात. मेंदूला ऊर्जा देण्यासाठी आणि मेंदूची शक्ती वाढवण्याचा हा एक चांगला मार्ग आहे.
डाळिंब
डाळिंबात अनेक पोषक घटक आढळतात जे स्मरणशक्ती मजबूत करण्यास मदत करतात. डाळिंब खाल्ल्याने रक्ताची पातळी तर वाढतेच पण स्मरणशक्तीही सुधारते. डाळिंबात आढळणारे पॉलीफेनॉल नावाचे संयुगे मेंदूच्या पेशींचे संरक्षण करतात आणि न्यूरोडीजनरेटिव्ह रोग टाळण्यास मदत करतात. यामुळे मेंदूची क्षमता वाढते आणि स्मरणशक्ती मजबूत होते. त्यामुळे स्मरणशक्ती वाढवण्यासाठी डाळिंबाचे सेवन फायदेशीर ठरते.
स्ट्रॉबेरी
स्ट्रॉबेरीमध्ये अनेक पोषक घटक असतात जे मेंदूच्या आरोग्यासाठी फायदेशीर असतात. स्ट्रॉबेरीमध्ये अँटिऑक्सिडंट्स आणि फ्लेव्होनॉइड्स सारखी संयुगे आढळतात ज्यामुळे मेंदूच्या पेशी मजबूत होतात. हे मेंदूची शक्ती वाढवण्यास मदत करतात. मुलांसाठी स्ट्रॉबेरी फायदेशीर ठरू शकते कारण ते त्यांच्या मेंदूच्या विकासास मदत करते.
संत्री
संत्र्यामध्ये व्हिटॅमिन सी मुबलक प्रमाणात आढळते. संत्र्यात व्हिटॅमिन सीची गरज भागवण्यासाठी पुरेसे व्हिटॅमिन सी असते. व्हिटॅमिन सी मेंदूच्या आरोग्यासाठी खूप फायदेशीर आहे. मेंदूला व्हिटॅमिन सी पुरेशा प्रमाणात मिळावे यासाठी दररोज किमान एक संत्री खाणं आवश्यक आहे.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
