Ekadashi 2023: 'या' दिवसापासून लग्नसराईला सुरूवात! देवउठनी एकादशी कधी आहे? जाणून घ्या तारीख, मुहूर्त
Ekadashi 2023: लग्नसराईची तयारी कधीपासून सुरू होणार? जाणून घ्या देवउठनी एकादशीची तिथी, तुळशी विवाहाचा शुभ मुहूर्त
Ekadashi 2023 : चातुर्मास देवशयनी एकादशीपासून सुरू होतो आणि देवउठनी एकादशीला संपतो. चातुर्मासात सर्व शुभ विवाह, मुंडण, शुभ कार्य विधी यावर बंदी आहे. देवउठनी एकादशीपासून सर्व शुभ कार्ये सुरू होतात.
कोणत्या दिवशी लग्नसराई सुरू होणार?
धार्मिक मान्यतेनुसार, हिंदू धर्मात चातुर्मासात कोणतेही शुभ आणि मंगल कार्य केले जात नाही. चातुर्मास संपल्यानंतरच लोक नवीन गुंतवणूक, वाहने, मालमत्ता, सोने-चांदी इत्यादी खरेदी करतात. यामुळेच लोक देवउठनी एकादशीची आतुरतेने वाट पाहतात. या वर्षी देवउठनी एकादशीची तारीख, खरेदीसाठी शुभ मुहूर्त, कोणत्या दिवशी लग्नसराई सुरू होणार हे जाणून घ्या.
देवउठनी एकादशी 2023 कधी आहे?
देवउठनी एकादशी 23 नोव्हेंबर 2023 रोजी आहे. ही एकादशी कार्तिक महिन्याच्या शुक्ल पक्षात येते. धार्मिक मान्यतेनुसार, या दिवशी भगवान श्री हरी विष्णू 5 महिन्यांनी निद्रावस्थेतून जागे होतील. देव उठल्यानंतर सर्व शुभ कार्याला सुरूवात होतील. या दिवशी रात्री शालिग्राम जी आणि तुळशी मातेचा विवाह होतो. हा दिवस विवाहासाठी अत्यंत शुभ मानला जातो.
हिंदू धर्मात एकादशी व्रताचे विशेष महत्त्व
हिंदू धर्मात एकादशी व्रताचे विशेष महत्त्व मानले जाते. वर्षातून येणाऱ्या 24 एकादशींपैकी देव उठनी एकादशी ही सर्वश्रेष्ठ मानली जाते. कारण या दिवशी भगवान विष्णू चार महिन्यांच्या विश्रांतीनंतर विश्वाचे व्यवस्थापन हाती घेतात.
कार्तिक शुक्ल एकादशी प्रारंभ तारीख - 22 नोव्हेंबर 2023, रात्री 11.03 वा.
कार्तिक शुक्ल एकादशी तिथी समाप्त - 23 नोव्हेंबर 2023, रात्री 09.01 वा.
नोव्हेंबर 2023 लग्नाचे मुहूर्त: 24, 27, 28 आणि 29 नोव्हेंबर हे लग्नासाठी शुभ मुहूर्त आहेत.
डिसेंबर 2023 लग्नाचे मुहूर्त: 5, 6, 7, 8, 9, 11 आणि 15 डिसेंबर हे लग्नासाठी शुभ मुहूर्त आहेत.
पूजेची वेळ - सकाळी 06.50 ते 08.09
रात्रीची वेळ - 05.25 सायंकाळी - 08.46
उपवासाची वेळ - सकाळी 06.51 ते 08.57 (24 नोव्हेंबर 2023)
तुळशी विवाहाचे महत्त्व
तुळशीला विष्णुप्रिया असेही म्हणतात, म्हणूनच देव निद्रावस्थेतून जागे झाल्यावर पहिली प्रार्थना हरिवल्लभ तुळशीकडून ऐकतात. तुळशीविवाहाचा साधा अर्थ म्हणजे तुळशीद्वारे देवाचे आवाहन करणे. ज्या जोडप्यांना मुलगी नाही, त्यांनी आयुष्यात एकदा तुळशीशी विवाह करून कन्यादानाचे पुण्य प्राप्त करावे, असे शास्त्रात सांगितले आहे.
5 महिन्यांच्या चातुर्मासामुळे विवाहांना ब्रेक
यंदा अधिक महिना होता. म्हणजेच हिंदू दिनदर्शिकेनुसार हा अधिकामास 2023 मध्ये श्रावण महिन्यात होता, त्यामुळे चातुर्मास 4 महिन्यांऐवजी 5 महिन्यांचा आहे. यामुळे देवशयनी एकादशी ते प्रबोधिनी एकादशी दरम्यानचा कालावधी वाढला आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
महत्त्वाच्या बातम्या :
Navratri 2023 : नवरात्रीचे नऊ दिवस 9 रंगाचे कपडे परिधान करा, देवी दुर्गा होईल प्रसन्न! जाणून घ्या महत्त्व
महत्त्वाच्या बातम्या
ट्रेंडिंग न्यूज
