Recruitment:करन्सी नोट प्रेस, नाशिकमध्ये 534 जागांसाठी भरती, ऑनलाईन अर्ज कधीपासून भरता येणार? पगार किती मिळणार?
Recruitment : सरकारी नोकरीसाठी प्रयत्न करणाऱ्यांसाठी महत्त्वाची अपडेट आहे. भारत सरकारच्या मालकीच्या करन्सी नोट प्रेस नाशिकमध्ये विविध पदं मिळून एकूण 534 जागांवर भरती प्रक्रिया राबवली जाणार आहे.
मुंबई : केंद्र सरकार किंवा महाराष्ट्र सरकारच्या विभागांमध्ये, बँकांमध्ये किंवा विविध संस्थांमध्ये नोकरीसाठी तयारी करणाऱ्यांसाठी महत्त्वाची अपडेट आहे. भारत सरकारच्या मालकचीच्या सिक्यूरिटी प्रिंटिंग अँड मिटिंग कॉर्पोरेशन ऑफ इंडिया लिमिटेडचा भाग असलेल्या करन्सी नोट प्रेस नाशिकच्या सरकारी प्रेसमध्ये 534 जागा भरल्या जाणार आहेत. या जागांसाठी अर्ज मागवण्यात आले आहेत. 20 एप्रिलपासून अर्ज दाखल करता येतील.
कोणत्या प्रेसमध्ये किती जागांसाठी भरती?
करन्सी नोट प्रेस, नाशिकच्या (महाराष्ट्र) करन्सी नोट प्रेस, नाशिक (CNPN), बँक नोट प्रेस, देवास (BNPD), इंडिया सिक्युरिटी प्रेस, नाशिक (ISPN) आणि सिक्युरिटी प्रिंटिंग प्रेस, हैदराबाद (SPPH) मध्ये भरती प्रक्रिया राबवली जाणार आहे. इंडिया सिक्युरिटी प्रेस, नाशिकमध्ये 279 जागा, करन्सी नोट प्रेस नाशिकमध्ये 124 जागा, सिक्युरिटी प्रिंटिंग प्रेस, हैदराबाद (तेलंगणा) मध्ये 69 जागा आणि बँक नोट प्रेस, देवास मध्यप्रदेशमध्ये 62 जागा भरल्या जाणार आहेत.
ऑनलाईन अर्ज कुठं सादर करायचा?
करन्सी नोट प्रेस, नाशिकच्या https://cnpnashik.spmcil.com या वेबसाईटवरील करिअर पेजवर अर्ज दाखल करता येईल. ऑनलाइन अर्ज दाखल करण्यास 20 एप्रिलपासून सुरुवात होईल, तर अर्ज दाखल करण्याची अंतिम तारीख 19 मे 2026 आहे.
कोणत्या पदांसाठी भरती?
सुरक्षा अधिकारी,वेलफेअर ऑफिसर, सुपरवायझर (टेक्निकल कंट्रोल), सुपरवायझर (टेक्निकल ऑपरेशन), सुपरवायझर (माहिती तंत्रज्ञान), सुपरवायझर टेक्निकल ऑपरेशन मेकॅनिकल, सुपरवायझर टेक्निकल ऑपरेशन, सुपरवायझर टेक्निकल ऑपरेशन इलेक्ट्रिकल, सुपरवायझर टेक्निकल ऑपरेशन इलेक्ट्रॉनिक्स, आर्टिस्ट ग्राफिक डिझाईन, ज्यूनिअर ऑफिस असिस्टंटंट यासह इतर मिळून एकूण 21 पदांच्या करन्सी नोट प्रेसमध्ये 124 जागा भरल्या जातील.
परीक्षा शुल्क
खुला प्रवर्ग, ओबीसी आणि ईडब्ल्यूएस प्रवर्गासाठी 1000 रुपये परीक्षा शुल्क असेल. तर, एससी, एसटी आणि दिव्यांग उमेदवारांसाठी 200 रुपये परीक्षा शुल्क असेल.
पहिल्या टप्प्यात लेखी परीक्षा जी ऑनलाईन पद्धतीनं होईल. ज्या पदांसाठी टायपिंग आवश्यक असेल त्यांची टायपिगं टेस्ट घेतली जाईल. लेखी परीक्षेसाठी चुकीच्या उत्तरासाठी गुण वजा केले जाणार नाहीत. अर्ज करणाऱ्या उमेदवारांनी पहिल्या ऑनलाइन लेखी परीक्षेत किमान गुण मिळवणं आवश्यक आहे. खुल्या आणि इडब्ल्यूएस प्रवर्गासाठी 55 टक्के, ओबीसी उमेदवारांनी 50 आणि एससी एसटी प्रवर्गातील उमेदवारांनी 45 टक्के गुण मिळवणं आवश्यक आहे. निवड झालेल्या उमेदवारांना 67 हजारांपासून पुढे पगार मिळेल.
महत्त्वाच्या बातम्या
