Zol Zaal : रसिकांना मिळणार हास्याची नवी मेजवानी, 'झोलझाल' चित्रपटाची धमाकेदार गाणी रिलीज!
Zol Zaal : ‘झोलझाल’ हा चित्रपट प्रेक्षकांना तुफान हसवण्यासाठी येत्या 1 जुलैला चित्रपटगृहांत येण्यास सज्ज झाला आहे, तर चित्रपटातील गाणी प्रेक्षकांना थिरकवायला लावण्यास आजपासून सज्ज होत आहेत.
Zol Zaal : 'झोलझाल' (Zol Zaal) हा चित्रपट 1 जुलैला संपूर्ण महाराष्ट्रात प्रदर्शित होणार आहे. हा मल्टीस्टारर चित्रपट असणार आहे. नुकतेच या चित्रपटाचे पोस्टर प्रेक्षकांच्या भेटीला आले होते. आता चित्रपटाची गाणी आणि टीझर देखील रिलीज झाला आहे. 'युक्ती इंटरनॅशनल प्रॉडक्शन' अंतर्गत अमोल लक्ष्मण कागणे आणि लक्ष्मण एकनाथ कागणे प्रस्तुत 'रोलींगडाईस' असोसिएशन सोबत 'झोलझाल' हा चित्रपट हास्याची मेजवानी घेऊन येत्या 1 जुलैला प्रेक्षकांच्या भेटीस येत आहे.
या चित्रपटातील गाण्यांचा म्युझिक लाँच सोहळा आणि टीझर अनावरण सोहळा नुकताच संपन्न झाला असून, मल्टीस्टारर अशा या चित्रपटात हास्याचे विविध रंग विविध कलाकारांच्या अभिनयातून मोठ्या पडद्यावर झळकणार आहेत. चित्रपटातील धडाकेबाज गाणी प्रेक्षकांना थिरकायला लावणार का? हे पाहणे रंजक ठरणार आहे. तर, हास्यमय टीझरच्या उत्सुकतेलाही आता पूर्णविराम मिळाला आहे.
‘झोलझाल’ हा चित्रपट प्रेक्षकांना तुफान हसवण्यासाठी येत्या 1 जुलैला चित्रपटगृहांत येण्यास सज्ज झाला आहे, तर चित्रपटातील गाणी प्रेक्षकांना थिरकवायला लावण्यास आजपासून सज्ज होत आहेत.
दिग्गजांनी गायली गाणी
चित्रपटाचा कणा म्हणून चित्रपटाच्या संगीताकडे पाहिलं जातं. ‘झोलझाल’ या चित्रपटाच्या संगीताची जबाबदारी प्रफुल्ल-स्वप्नील आणि ललित रामचंद्र यांनी सांभाळली. तर, चित्रपटातील गाण्याचे बोल मंदार चोळकर, बाबा चव्हाण, वरूण लिखाते यांनी शब्दबद्ध केले आहेत. सिनेसृष्टीतील सुप्रसिद्ध गायकांनी चित्रपटातील गाण्यांना चारचांद लावले आहेत. गायक अवधुत गुप्ते, वैशाली सामंत, स्वप्नील बांदोडकर, आदर्श शिंदे, कविता राम, प्रवीण कुवर, जय अत्रे, जुईली जोगळेकर, प्रतिभा सिंग बाघेल या गायकांनी त्याच्या स्वमधुर आणि दमदार आवाजात चित्रपटातील गाणी स्वरबद्ध केली आहेत.
पाहा टीझर :
कलाकारांची मोठी फौज घेऊन येणार हास्याची मेजवानी
या चित्रपटातील गाण्यांना खरा साज चढलाय तो कलाकारांमुळे. या मल्टिस्टारर चित्रपाटात अभिनेते मंगेश देसाई, मनोज जोशी, अजिंक्य देव, कुशल बद्रिके, भारत गणेशपुरे, अमोल कागणे, ऋतुराज फडके, सयाजी शिंदे, उदय नेने, उदय टिकेकर, अंकुर वाळवे, अभिनेत्री प्रीतम कागणे, इशा अग्रवाल, अलिशा फरेर, सुप्रिया कर्णिक, प्रियांका खोलगडे, साईशा पाठक हे कलाकार महत्त्वपूर्ण भूमिकेत दिसणार आहेत.
दिग्दर्शक मानस कुमार दास यांनी हा चित्रपट दिग्दर्शित केला असून चित्रपटाची निर्मिती निर्माता गोपाळ अग्रवाल, आनंद गुप्ता, संजना जी अग्रवाल यांनी केली असून सहनिर्माते म्हणून रश्मी अग्रवाल आणि विनय अग्रवाल यांनी बाजू सांभाळली.
हेही वाचा :
महत्त्वाच्या बातम्या
