एक्स्प्लोर

Kitchen Kallakar : 'किचन कल्लाकार' या मंचावर विराजस कुलकर्णी आणि शिवानी रांगोळे लावणार हजेरी

Kitchen Kallakar : 'किचन कल्लाकार' हा छोट्या पडद्यावरचा कार्यक्रम प्रेक्षकांच्या पसंतीस उतरत आहे.

By : एबीपी माझा वेब टीम | Edited By: प्रिया मोहिते | Updated at : 27 Apr 2022 06:43 PM (IST)

Kitchen Kallakar

Kitchen Kallakar : 'किचन कल्लाकार' (Kitchen Kallakar) या कार्यक्रमाला प्रेक्षकांची पसंती मिळत आहे. किचन आणि कलाकार हे समीकरण जुळलेलं नसताना पाककलेच्या कसोटीला उतरलेल्या कलाकारांची उडणारी तारांबळ बघताना प्रेक्षकांना खूप मजा येत आहे. 'किचन कल्लाकार'च्या आगामी भागात अभिनेता विराजस कुलकर्णी (Virajas kulkarni) आणि अभिनेत्री शिवानी रांगोळे (Shivani Rangole)धमाल किस्से ऐकवताना दिसणार आहेत.

किचन कल्लाकार हा कार्यक्रम सध्या प्रेक्षकांचा आवडता कार्यक्रम ठरतोय. या कार्यक्रमात अनेक कलाकार येऊन पाककृती सादर करतात. आगामी एपिसोडमध्ये प्रेक्षकांना विराजस आणि शिवानी यांच्यातली धमाल केमिस्ट्री पाहायला मिळणार आहे. तसेच, त्यांची लव्हस्टोरी जाणून घ्यायला मिळणार आहे. विराजस कुलकर्णी आणि शिवानी रांगोळेे लवकरच लग्न करणार आहेत. त्यामुळे हा एपिसोड आणखी खास ठरणार आहे.