Soorarai Pottru Remake : ‘सुरराई पोटरू’ रिमेकच्या चित्रीकरणाला सुरुवात, अक्षय कुमारने शेअर केला खास व्हिडीओ

Soorarai Pottru Remake : अक्षय कुमारने त्याच्या आगामी चित्रपटाच्या शूटिंगची सुरूवात झाल्याचे जाहीर केले आहे. या रीमेकचे दिग्दर्शन सुधा कोंगारा करणार आहेत.

Soorarai Pottru

Soorarai Pottru Remake : तामिळ ब्लॉकबस्टर Soorarai Pottru बऱ्याच काळापासून चर्चेत आहे. नुकतीच या चित्रपटाच्या चित्रीकरणाला सुरुवात झाली आहे. बॉलिवूड अभिनेता अक्षय कुमार (Akshay Kumar) याने याची एक छोटीशी झलक शेअर केली आहे. या चित्रपटाची मुहूर्त पूजा पार पडली आहे. या चित्रपटाच्या तामिळ व्हर्जनमध्ये झळकलेला अभिनेता सूर्या (Suriya) देखील या मुहूर्त पूजेत सामील झाला होता. या चित्रपटात अक्षय कुमारसोबत अभिनेत्री राधिका मदन (Radhika Madan) हिच्यासोबत रोमान्स करताना दिसणार आहे.

अक्षय कुमारने त्याच्या आगामी चित्रपटाच्या शूटिंगची सुरूवात झाल्याचे जाहीर केले आहे. या रीमेकचे दिग्दर्शन सुधा कोंगारा करणार आहेत. सुधा यांनीच सूर्या-स्टारर मूळ चित्रपटाची निर्मिती देखील केली होती आणि नोव्हेंबर 2020 मध्ये त्याचा OTT वर प्रीमियर झाला होता.

शुटिंग लोकेशनचा पहिला व्हिडीओ ट्विटरवर शेअर करताना अक्षयने लिहिले की, ‘नारळ फोडून आणि मनापासून एक छोटीशी प्रार्थना करून, आम्ही आमच्या शीर्षक नसलेल्या चित्रपटाच्या शूटिंगला सुरुवात करत आहोत.’

पाहा पोस्ट :

अक्षयचा ‘बच्चन पांडे’ ओटीटीवर रिलीज होणार!

अक्षय कुमारचा 'बच्चन पांडे' हा चित्रपट 18 मार्चला सिनेमागृहात प्रदर्शित झाला होता. आता हा चित्रपट अॅमेझॉन प्राइम व्हिडीओवर प्रदर्शित होणार असल्याने अक्षय कुमारचे चाहते या चित्रपटाची प्रतीक्षा करत आहेत. अॅमेझॉन प्राइम व्हिडीओने सोशल मीडियावर बच्चन पांडेचे पोस्टर शेअर करत यासंदर्भात माहिती दिली आहे.

अक्षय कुमार हा शेवट ‘बच्चन पांडे’ या चित्रपटात झळकला होता. 'बच्चन पांडे' हा चित्रपट भारतासह जगभरातील 240 देशांमध्ये स्ट्रीम होणार आहे. हा चित्रपट ओटीटीवर पाहण्यासाठी प्रेक्षक उत्सुक आहेत. या चित्रपटात अक्षय कुमार, क्रिती सेनन आणि जॅकलिन फर्नांडिस मुख्य भूमिकेत आहेत.

हेही वाचा :