Marathi actress : 'लग्न करताना जात बदलण्याची सोय...', मराठी अभिनेत्रीच्या पोस्टने वेधलं लक्ष
Marathi actress : अभिनेत्री वीणा जामकरची पोस्ट सध्या बरीच चर्चेत आली आहे.
Marathi actress : राज्यात सध्या निवडणुकांची रणधुमाळी सुरु आहे. त्याच पार्श्वभूमीवर अनेकजण सोशल मीडियाच्या माध्यातून व्यक्त होत असल्याचं पाहायला मिळतंय. नुकतच अभिनेत्री वीणा जामकर (Veena Jamkar) हिची सोशल मिडिया पोस्ट चर्चेत आली आहे. राज्यात जात आणि धर्म यांवर आधारित मुद्दे अगदी लोकसभेपासूनच पटलावर आणले जात असल्याचं चित्र होतं. यावरच भाष्य करणारी वीणाची पोस्ट आहे.
वीणा जामकरने तिच्या फेसबुकवरुन ही पोस्ट शेअर केली आहे. वीणा तिच्या सोशल मीडियावर बरीच सक्रिय असते. वीणाच्या या पोस्टवर अनेकांनी कमेंट्स करत तिचा मुद्दा पटला असल्याचंही म्हटलंय. वीणाने ही पोस्ट करत म्हटलं की, लग्न करताना जर धर्म बदलण्याची सोय आहे, तर जात बदलण्याची पण असूच शकते ना..? एक विचार...
वीणाच्या पोस्टवर कमेंट्सचा पाऊस
वीणाच्या या पोस्टवर विविध विचारांच्या कमेंट्स आल्याचं पाहायला मिळतंय. एकाने कमेंट करत यावर म्हटलं की, आरक्षणासाठी लोक मागासवर्गीय सोबत नाते जोडायला तयार होतील. विचार सुधारतील का नाही हे माहीत नाही. यावर वीणानेही उत्तर दिलं आहे. तिने म्हटलं की, लोक प्रेमाने मागासवर्गीयाबरोबर नाते जोडतात... हे ही सत्य आहे. माझी आई! तसेच एकाने म्हटलं की, कधीच जात नाही ती जात आणखी एका युजरने कमेंट करत म्हटलं की, विचार चांगला आहे...
वीणा जामकरच्या प्रवसाविषयी...
अभिनेत्री वीणा जामकर हिने रंगभूमीवरुन तिच्या अभिनयाच्या प्रवासाला सुरुवात केली. नाटक, एकांकिका, दीर्घांकिका आणि चित्रपटांमधून प्रेक्षकांच्या भेटीस आली आहे. गाभ्रीचा पाऊस,जन्म,पलतडचो मुनिस (कोकणी),लालबाग परळ,वळू,विहीर,रमाई या सिनेमातून वीणा प्रेक्षकांच्या भेटीस आली आहे. एक रिकामी बाजू,खेळ मांडियेला,चार दिवस प्रेमाचे,जंगल में मंगल या नाटकांमधून वीणे महत्त्वाच्या भूमिका साकारल्या आहेत. त्याचप्रमाणे नुकतीच ती सोनी मराठीवरील छोट्या बयोची मोठ्ठी स्वप्न या मालिकेत महत्त्वाच्या भूमिकेत होती.
View this post on Instagram
ही बातमी वाचा :
Sameer Paranjpe : मतदानाच्या दिवशी अभिनेत्याचा वाढदिवस, दिग्दर्शकाच्या 'राजकीय' शुभेच्छा चर्चेत
महत्त्वाच्या बातम्या
