Tuzyat Jeev Rangla Actress in Star Pravah Serial: 'तुझ्यात जीव रंगला' मालिकेतल्या ठसकेबाज खलनायिकेची स्टार प्रवाहच्या मालिकेत एंट्री; Video करत चाहत्यांना म्हणाली ...
Marathi Serial: मालिकेत ती कोणती भूमिका साकारणार याकडे प्रेक्षकांचे लक्ष लागून आहे. याविषयी तिने व्हिडिओ करत प्रेक्षकांना तिच्या मालिकेतील एंट्रीविषयी सांगितलं.
Tuzyat Jeev Rangla Actress in Star Pravah Serial: ' तुझ्यात जीव रंगला ' ही मालिका प्रेक्षकांच्या चांगलीच लक्षात राहिलेली. या मालिकेतील राणादा, अंजलीबाई, गोदाक्का, चंदा आणि सगळ्यात महत्त्वाची 'वहिनीसाहेब ' अशी सगळीच पात्र प्रचंड लोकप्रिय ठरली. 2016 ला झी मराठीवर आलेल्या कोल्हापूरच्या पार्श्वभूमीवर रंगलेल्या या मालिकेतील ठसकेबाज खलनायिका साकारणारी अभिनेत्री धनश्री काडगावकर आता पुन्हा एकदा मालिकेमध्ये आपला दरारा दाखवायला येणार आहे. कोल्हापुरी ठसक्यात प्रेक्षकांच्या मनावर राज्य करणारी अभिनेत्री धनश्री काडगावकर आता स्टार प्रवाहवरच्या ' घरोघरी मातीच्या चुली ' मालिकेत एका नव्या भूमिकेत येणार आहे. या संदर्भात स्टार प्रवाह वाहिनीने सोशल मीडियावर धनश्रीचा एक व्हिडिओ ही शेअर केलाय.
'तुझ्यात जीव रंगला'तील खलनायिका स्टार प्रवाहच्या मालिकेत
'तुझ्यात जीव रंगला' या मालिकेत धनश्री काडगावकरने साकारलेली वहिनीसाहेब ही भूमिका विशेष गाजली . राणादा आणि अंजली पाठक या दोन पात्रांवर आधारलेल्या या मालिकेत राणादाला बैल अन् अंजली बाईंना मास्तरीण म्हणत कटकारस्थान करणाऱ्या वहिनी साहेबांच्या धनश्रीच्या भूमिकेने खूप कमी कालावधीत प्रेक्षकांचं लक्ष खेचलं . आता स्टार प्रवाहच्या 'घरोघरी मातीच्या चुली ' मालिकेत ती कोणती भूमिका साकारणार याकडे प्रेक्षकांचे लक्ष लागून आहे. याविषयी तिने व्हिडिओ करत प्रेक्षकांना तिच्या मालिकेतील एंट्रीविषयी सांगितलं.
काय म्हणाली धनश्री काडगावकर ?
धनश्री म्हणाली ' घरोघरी मातीच्या चुली या मालिकेत माझी नुकतीच एन्ट्री झाली आहे. हॅलो नमस्कार मी धनश्री आडगावकर घरोघरी मातीच्या चुली या सिरीयल मध्ये नुकतेच माझी एन्ट्री झालेली आहे. शर्वरी नावाचं पात्र मी साकारणार आहे. टीम खरोखर खूप छान आहे. खरं तर हे सगळेच सुरुवातीपासून जेल झालेले आहेत. गेला दीड दोन वर्षांपासून ही मालिका सुरू आहे.माझी नवीन एन्ट्री होत आहे .कारण असं वाटत नाही मला की मी या ग्रुप मध्ये नवीन आहे. अनेक जण ओळखीचे आहेत.त्यांनीही खूप छान सामावून घेतलंय. त्यांचेही खूप आभार.
View this post on Instagram
'शर्वरी नावाचं पात्र हे मुळातच खूप इंटरेस्टिंग आहे.आता हे पात्र काय ट्विस्ट आणि टर्न घेऊन येणार हे जाणून घेण्यासाठी तुम्हाला सिरीयल पहावी लागणार आहे.जवळजवळ एक दीड वर्षांनंतर पुन्हा स्क्रीनवर येतेय. पुन्हा एकदा सिरीयल करत आहे. माझ्यासाठी यामुळे एक वेगळी उत्सुकता आहे. स्टार प्रवाह वरती मला पात्र साकारण्याची संधी मिळते याचा खूपच आनंद आहे. मलाही जेवढी उत्सुकता आहे तेवढीच तुम्हालाही असेल अशी आशा आहे. आनंदाने, प्रेमाने तुम्ही माझा स्वीकार कराल अशी मी इच्छा व्यक्त करते.माझ्या पात्राला आम्हा सगळ्यांना खूप खूप प्रेम द्या ' असं ती म्हणाली.
महत्त्वाच्या बातम्या
