Vijay Thalapathy: तृषा कृष्णन तिरुपती चरणी लीन, तामिळनाडू विधानसभेत थलपति विजयच्या विजयासाठी घातलं साकडं?

Trisha Krishnan Visits Tirupati Temple: एकीकडे थलापती विजय यांच्या पक्षाचा रिझल्ट, दुसरीकडे रुमर्ड गर्लफ्रेंड तृषा व्यंकटेश्वर स्वामींच्या चरणी लीन.

Trisha Krishnan Visits Tirupati Temple on Birthday

Source : canva

Trisha Krishnan Visits Tirupati Temple on Birthday: आज 4 मे. साऊथ सुपरस्टार थलापती विजय (Vijay Thalapathy) यांच्यासाठी अत्यंत महत्त्वाचं दिवस.  विजय यांनी आपला राजकीय पक्ष TVK (तमिलगा वेट्ट्री कजगम) कडून  तामिळनाडू विधानसभा निवडणूक लढवली आहे.  23 एप्रिल रोजी 5 राज्यात मतदान प्रक्रिया पार पडली होती. विधानसभा निवडणुकीच्या (Vidhansabha) मतदानाचा निकाल आज जाहीर होणार आहे. त्यामुळे प्रत्येक राज्याच्या निकालाकडे आज सर्वांचेच लक्ष आहे. तामिळनाडूमधील कोणत्या उमेदवाराचं पारडं मतदाराच्या मतांनी जड होणार, हे पाहणं महत्त्वाचं ठरेल. दरम्यान, तामिळनाडूमध्ये सर्वात चर्चेत राहणारे थलापती विजय यांच्या पक्षाला किती मतं मिळतायेत? याकडे सर्वांचेच लक्ष आहे. थलापती विजय आपल्या पर्सनल लाइफमुळे चर्चेत होते.  

अलिकडेच थलापती विजय  आणि त्यांची रुमर्ड गर्लफ्रेंड तृषा कृष्णन यांची प्रचंड चर्चा झाली होती.  आता या अभिनेत्रीचा एक व्हिडीओ समोर आला आहे. अभिनेत्रीचा आज वाढदिवस. तृषा आज मंदिरात स्पॉट झाली. पण तिच्या मंदिराला भेट देण्याचे कारण केवळ तिचा वाढदिवस  आहे की, टीव्हीके पक्ष?  असा प्रश्न उपस्थित होत आहे. दरम्यान, तिनं स्वत: पोस्ट शेअर करत मंदिरात जाण्यामागे हिंट दिली आहे. 

साऊथ सिनेसृष्टीतील दिग्गज कलाकारांमध्ये अभिनेत्री तृषा कृष्णन या नावाचाही उल्लेख होतो.  आज 4 मे, अभिनेत्री आपला 42 वा वाढदिवस साजरा करत आहे.   थलापती विजय यांच्या घटस्फोटाच्या बातम्या समोर आल्यापासून, त्यांचं  नाव अभिनेत्री  तृषा कृष्णनशी (Trisha Krishnan) जोडलं जात आहे. खरंतर सिनेइंडस्ट्रीत दोघांनीही एकत्र काम केलं आहे. तृषा बऱ्याचदा विजयसाठी खास पोस्ट लिहिते. दोघेही एकत्र अनेकदा एकत्र स्पॉट झाले आहेत.  

तामिळनाडू विधानसभा निवडणुकीच्या निकालापूर्वी तृषा कृष्णन पोहोचली तिरुपती मंदिरात  (Trisha Krishnan Tirupati temple visit on birthday reason)

 

#WATCH | Andhra Pradesh: Actor Trisha Krishnan had the darshan of Lord Sri Venkateswara Swamy at Tirumala Tirupathi Devasthanam earlier this morning. pic.twitter.com/mhiaHMOu5l

— ANI (@ANI) May 4, 2026

खरंतर तृषा कृष्णनने रात्री उशिरा तिच्या इन्स्टाग्रामवर एक व्हिडीओ शेअर केला होता. लोकेशनच्या फलक बोर्डवर तिरुपती दिसत आहे.  दरम्यान, अभिनेत्रीचा आणखी एक व्हिडीओ सोशल मीडियात व्हायरल होत आहे.  या व्हिडीओत अभिनेत्री व्यंकटेश्वर स्वामी यांचं दर्शन घेत असल्याचं दिसून येत आहे. खरंतर अभिनेत्रीचा आज वाढदिवस आहे.  वाढदिवसानिमित्त अभिनेत्री दर्शन घेण्यासाठी गेली असावी, असं काहींचं म्हणणं आहे.  पण आज तामिळनाडूतील विधानसभा निवडणुकांचं निकालही आहे.  निकालापूर्वी अभिनेत्रीने दिलेली मंदिराला भेट सध्या चर्चेचा विषय ठरत आहे. 

व्होटिंगच्या दिवशी अभिनेत्रीने इन्स्टाग्रामवर एक फोटो शेअर केला होता.  या फोटोच्या बॅकग्राऊंडमध्ये विजय थलापतीच्या चित्रपटातील गाणं वाजत होतं.  खरंतर अभिनेत्री देखील त्या चित्रपटाचा भाग होती.  परंतु, गाणं ऐकल्यानंतर अनेकांच्या भुवया उंचावल्या होत्या.