राडा अन् रक्ताचा सडा; TOXIC चित्रपटाचा भयावह टीझर रिलीज; रायाच्या क्लिन शेव्ह लूकवर चाहते फिदा
Toxic teaser Out: 'टॉक्सिक: अ फेअरीटेल फॉर ग्रोन अप्स'चा धमाकेदार टीझर आउट. प्रेक्षक चित्रपट पाहण्यास उत्सुक.
Toxic A Fairy Tale for Grown-Ups 2026 teaser out: भारतीय चित्रपट प्रेमींची अखेर प्रतीक्षा संपली. बहुप्रतिक्षित 'टॉक्सिक: अ फेअरीटेल फॉर ग्रोन अप्स'चा धमाकेदार टीझर रिलीज झाला आहे. या टीझरने इंटरनेटवर धुमाकूळ घातला आहे. फिल्ममेकर्सने या चित्रपटात भव्य आणि क्रूर जगाची झलक दाखवली आहे. अभिनेता यशचा एक वेगळाच अवतार पाहायला मिळतो. सुरुवातीला यशचा रांगडा गडी असा अवतार दिसतो. नंतर टीझरच्या शेवटी यशचा क्लिन शेव्ह लूक पाहायला मिळतो. हा नवा लूक पाहून चाहते सरप्राईज होतात. हा टीझर सध्या सोशल मीडियात व्हायरल होत आहे.
टीझरच्या सुरुवातीला, यश वाइन ग्लास धरलेला दिसत आहे. 'इस बार जंग अलग हैं', हा डायलॉग ऐकायला मिळतो. यशचा रॉकी आणि रांगडा अवतार पाहून चाहते थक्क होतात. या चित्रपटातील डायलॉग्स लक्षवेधी ठरत आहे. या टीझरमध्ये जबरदस्त अॅक्शन सीन्स दाखवण्यात आले आहे, त्यामुळे हा चित्रपट अॅक्शन पॅक फिल्म असणार, एवढं मात्र नक्की. टीझरच्या शेवटी यशचा क्लिन शेव्ह लूक अवतार दिसतो.
अॅनिमल चित्रपटात दाखवण्यात आलेला हिंसाचार, त्याहून अधिक हिंसा या चित्रपटात दाखवण्यात आला आहे. या चित्रपटात केवळ रक्ताचा सडा दिसतो आहे. अॅक्शन चित्रपटांची आवड असणाऱ्या प्रेक्षकांसाठी हा सिनेमा म्हणजे पर्वणीच ठरेल.
टॉक्सिक चित्रपटात अनेक अभिनेत्रींना कास्ट करण्यात आले आहे. तरीही टीझरमधून एकाही महिला कलाकाराची झलक दाखवण्यात आलेली नाही. मीडिया रिपोर्ट्सनुसार, या चित्रपटात कियारा अडवाणी, हुमा कुरेशी, नयनतारा, तारा सुतारिया, रुक्मिणी वसंत अशा दिग्गज महिला कलाकारांचा समावेश आहे.
टीझर प्रदर्शित होताच, नेटकऱ्यांनी कौतुकाचा वर्षाव केला आहे. 'हा चित्रपट हॉलिवूडला पण तोड देईल', असं एकानं म्हटलं आहे. 'क्लिन शेव्हमध्ये यशला पाहणं शॉकिंग होतं, पण त्यातही तो सुंदर दिसत आहे', असं एका युजरने म्हटले आहे. या चित्रपटाचे दिग्दर्शन गीतू मोहनदास यांनी केले असून, हा सिनेमा 600 कोटी बजेटमध्ये तयार करण्यात आला आहे. बहुप्रतिक्षित हा चित्रपट 19 मार्च 2026 रोजी सिनेमागृहात प्रेक्षकांच्या भेटीला येणार आहे. याच दिवशी धुरंधरचा सिक्वेल देखील प्रदर्शित होणार आहे. त्यामुळे एकाच दिवशी दोन चित्रपटांची बॉक्स ऑफिसवर टक्कर पाहायला मिळेल.
महत्त्वाच्या इतर बातम्या:
'50 हजाराचं सीरम तर 75 हजाराचं..', निक्की तांबोळीच्या मेकअपचा थाट पाहिलात का? लंडनहून येतात प्रॉडक्ट
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
