Tom Parker Passes Away : ब्रेन ट्यूमरशी झुंज ठरली अयशस्वी,  'द वाँटेड' फेम गायक टॉम पार्करचे निधन

Tom Parker : 33 वर्षीय गायकाचे 30 मार्च रोजी ब्रेन ट्यूमरमुळे निधन झाले. दोन वर्षांपूर्वीच त्याला ब्रेन ट्युमर झाल्याचे समोर आले होते.

Tom Parker (Photo : Instagram)

Tom Parker Passes Away : 'द वॉन्टेड' या ब्रिटीश बँडचा गायक टॉम पार्कर (Tom Parker) याची ब्रेन ट्यूमरशी झुंज अयशस्वी ठरली. 33 वर्षीय गायकाचे 30 मार्च रोजी ब्रेन ट्यूमरमुळे निधन झाले. दोन वर्षांपूर्वीच त्याला ब्रेन ट्युमर झाल्याचे समोर आले होते. टॉमच्या मृत्यूची दुःखद बातमी त्याची पत्नी केल्सी हिने इंस्टाग्रामवर शेअर केली आहे.

केल्सी यांनी आपल्या पोस्टमध्ये लिहिले की, ‘टॉमने आपल्या कुटुंबीयांच्या उपस्थितीत या जगाचा निरोप घेतला. आम्ही खूप दु:खी आहोत, टॉम आमच्या जगाचा केंद्रबिंदू होता आणि आम्ही सर्वजण त्याच्याशिवाय आमच्या आयुष्याची कल्पना करू शकत नाही तुमच्या सर्वांच्या प्रेमासाठी आणि पाठिंब्याबद्दल आम्ही कृतज्ञ आहोत आणि टॉमचं जिथेही असेत, त्याचं त्यांच्या मुलांकडे सतत लक्ष असेल. संपूर्ण वेळ टॉमची काळजी घेण्यात आम्हाला मदत करणाऱ्या प्रत्येकाचे आभार. तो शेवटपर्यंत लढला

आणि मला त्याचा सदैव अभिमान असेल.’ 

टॉम आणि केल्सी यांनी 2018 मध्ये लग्न केले होते. दोघांना एक मुलगी आणि मुलगा आहे. टॉमची मुलगी ऑरेलियाचा जन्म 2019 मध्ये झाला होता, तर मुलगा थॉमसचा जन्म 2021 मध्ये झाला होता. केल्सीने इन्स्टाग्रामवर दोन फोटो शेअर केले आहेत. एकामध्ये टॉमचा ब्लॅक अँड व्हाईट फोटो आहे, तर दुसऱ्यामध्ये संपूर्ण कुटुंब एकत्र दिसत आहे.

2020 मध्ये गायक टॉम पार्करला ब्रेन ट्यूमर असल्याचे निदान झाले आणि त्याच वर्षी ऑक्टोबरमध्ये त्याने ही बातमी सर्वांसोबत शेअर केली होती. तो म्हणाला की, मला त्या वेळी माहित होते की, जे होतंय ते काहीतरी चुकीचं आहे. परंतु, असं होईल हे कधीच वाटलं नव्हतं.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha