The 50 Winner: 'द 50'चा विजेता ठरला 'आपला माणूस'; शिव ठाकरेनं थाटात उंचावली ट्रॉफी, जिंकला सर्वात मोठा रिअॅलिटी शो?
The 50 Winner: 'आपला माणूस' मराठमोळ्या शिव ठाकरेनं 'द 50' शोची ट्रॉफी उंचावली आहे. अद्याप विजेत्याबाबत अधिकृत घोषणा झालेली नसली तरीसुद्धा सोशल मीडियावर शिव ठाकरेच विजेता असल्याचा दावा केला जात आहे.
The 50 Winner: भारतीय रिअॅलिटी टीव्ही शो (Reality TV Shows) नेहमीच लक्ष वेधून घेण्यात यशस्वी होतात. अलिकडेच चर्चेत आलेला शो म्हणजे 'द 50' (The 50 Show). या शोमध्ये टेलिव्हिजन, फिटनेस आणि डिजिटल एन्टरटेन्मेंट इंडस्ट्रीतील अनेक प्रमुख सेलिब्रिटी या शोमध्ये सहभागी झालेले. पन्नास स्पर्धक, त्यांना दिलेले टास्क आणि त्यांच्यासमोर उभी केलेली आव्हानं यामुळे हा शो भलताच चर्चेत होता. या शोनं प्रेक्षकांना शेवटपर्यंत खिळवून ठेवलं. अशातच 'द 50' शो कोण जिंकेल? याबाबत प्रेक्षकांची उत्सुकता शिगेला पोहोचलेली. अशातच आता शोचा ग्रँ फिनाले पार पडला असून 'आपला माणूस' मराठमोळ्या शिव ठाकरेनं 'द 50' शोची ट्रॉफी उंचावली आहे. अद्याप विजेत्याबाबत अधिकृत घोषणा झालेली नसली तरीसुद्धा सोशल मीडियावर शिव ठाकरेच (Shiv Thackeray) विजेता असल्याचा दावा केला जात आहे.
'द खबरी'च्या सुत्रांनी दिलेल्या माहितीनुसार, 'द 50'चा विजेता शिव ठाकरे असल्याचा खुलासा झाला आहे. या संपूर्ण सीझनमध्ये शिव ठाकरेला त्याच्या दमदार कामगिरीसाठी ओळखलं गेलंय. इंडिया फोरम्सच्या मते, अंतिम फेरीत शिव ठाकरेनं (Shiv Thakare) केवळ शोच्या निर्मात्यांनाच नव्हे तर त्याच्या सहकारी स्पर्धकांनाही इम्प्रेस केलंय.
View this post on Instagram
यापूर्वीही शिव ठाकरेची रिअॅलिटी शोमध्ये दमदार कामगिरी
महाराष्ट्राचा मराठमोळा शिव ठाकरे अनेकांच्या गळ्यातील ताईत आहे. 'द 50' शोच्या सुरुवातीपासूनच, शिव ठाकरेनं अनेकांचं लक्ष वेधून घेतलेलं. काहींनी त्यांच्या कामाचं कौतुक केलं, तर काहींनी त्यांच्या खेळाचं कौतुक केलं. सुत्रांच्या माहितीनुसार, जर शिव ठाकरे खरोखरच 'द 50'चा विजेता झाला असेल, तर त्याच्या चाहत्यांसाठी आनंदाची बातमी आहे. ज्यांना माहिती नाही त्यांच्यासाठी, शिव 'बिग बॉस मराठी 2'चा विजेता, 'बिग बॉस 16'चा उपविजेता, 'रोडीज 15'चा उपविजेता, 'खतरों के खिलाडी 13'चा फायनलिस्ट आणि 'झलक दिखला जा'चा उपविजेता आहे.
'द 50'चा पहिली, दुसरा रनरअप कोण?
इंडिया फोरम्सच्या सुत्रांनी 'द 50'च्या विजेत्याचा खुलासा केला. त्यासोबतच शोच्या पहिल्या आणि दुसऱ्या रनरअपबाबतही खुलासा केला आहे. सुत्रांच्या माहितीनुसार, 'द 50'चा पहिला रनरअप डिजिटल स्टार फैजू ठरलाय. फैजू हा सर्वात स्ट्रॉंग स्पर्धकांपैकी एक होता आणि शो जिंकण्याचा एक मजबूत दावेदार होता. 'द 50'मध्ये असताना त्यानं अनेक टास्क जिंकले आणि शोमध्ये मजबूत संबंध निर्माण केले. अनेकांना त्याचा खेळ खूपच मनोरंजक वाटला.
मीडिया रिपोर्टनुसार, फिटनेस फ्रिक कृष्णा श्रॉफ 'द 50' मध्ये दुसरी उपविजेती ठरली आहे. 'द 50' मध्ये तिनं तिच्या अद्वितीय कौशल्यांचं प्रदर्शन केल्यानंतर शोमधील बरेच लोक तिचे चाहते बनले. शोच्या आव्हानात्मक परिस्थितीत तिच्या कठोर परिश्रमाचं फळ तिच्यासोबतच्या स्पर्धकांना मिळालं. एकूणच, तिचा प्रवास चांगलाच गाजला.
महत्त्वाच्या इतर बातम्या :
Before You Go
Mann Suddha Tujha Season 3 : युरेका...युरेका | मन सुद्ध तुझं | Episode 3 | ABP Majha
महत्त्वाच्या बातम्या
