Zee Marathi : 'तुम्हा रसिकांच्या झालेल्या गैरसोयीबद्दल आम्ही क्षमस्व आहोत!'; झी-मराठीची पोस्ट चर्चेत

झी-मराठीनं त्यांच्या सोशल मीडिया अकाऊंटवरुन एक पोस्ट शेअर केली आहे.

Mazhi Tuzhi Reshimgath

Zee Marathi : झी-मराठी (Zee Marathi) या वाहिनीवरील मालिकांना प्रेक्षकांची नेहमी पसंती मिळते. या वाहिनीवरील माझी तुझी रेशीमगाठ (Mazhi Tuzhi Reshimgath) या मालिकेला प्रेक्षकांची पसंती मिळाली आहे. या मालिकेतील नेहा आणि यशच्या  लग्न सोहळ्याचा विशेष भाग प्रेक्षकांच्या भेटीस आला. या भागामध्ये काही झालेल्या काही तांत्रिक अडचणींमुळे आता झी-मराठीनं सोशल मीडियावर एक पोस्ट शेअर करुन या मालिकेच्या विशेष भाग पुन्हा प्रदर्शित करणार असल्याची माहिती प्रेक्षकांना दिली आहे.  

झी-मराठीनं सोशल मीडियावर शेअर केलेल्या पोस्टमध्ये लिहिलं, 'काही तांत्रिक अडचणींमुळे माझी तुझी रेशीमगाठ मालिकेच्या आजच्या विवाह विशेष भागात व्यत्यय आला. त्याबद्दल क्षमस्व. पण तुम्हा रसिकांसाठी हाच आनंद सोहळा आम्ही आज (13 जून) रोजी सकाळी 10 वाजता आणि दुपारी 4 वाजता पुन्हा एकदा दाखवणार आहोत. त्यामुळे पाहायला विसरु नका  नेहा आणि यशच्या लग्नाचा आनंद सोहळा ' या पोस्टला, 'तांत्रिक अडचणी उद्भवल्यामुळे तुम्हा रसिकांच्या झालेल्या गैरसोयीबद्दल आम्ही क्षमस्व आहोत!', असं कॅप्शन देखील देण्यात आलं आहे. त्यामुळे आता नेहा आणि यशचा विवाह सोहळा पुन्हा पाहण्यासाठी प्रेक्षक उत्सुक आहेत.  

 

 

 

 

 

View this post on Instagram

 

 

 

 

 

 

 

 

 

 

 

A post shared by ZeeMarathi (@zeemarathiofficial)

नेहा आणि यशच्या लग्नसोहळ्याचे फोटो आणि व्हिडीओ सोशल मीडियावर व्हायरल झाले होते. मालिकेतील यश आणि नेहाच्या जोडीला प्रेक्षकांची चांगलीच पसंती मिळत आहे. या मालिकेमधील नेहा ही भूमिका अभिनेत्री प्रार्थना बेहेरे ही साकारते तर यश ही भूमिका अभिनेता श्रेयस तळपदे हा साकारतो. 

संबंधित बातम्या: