TMKOC : ‘तारक मेहता...’मध्ये ‘जेठालाल’ बदलणार? जाणून घ्या नेमकं सत्य काय...

TMKOC Update : आता सोशल मीडियावर अशी एक पोस्ट आली आहे, ज्यामध्ये तारक मेहता म्हणजेच ' जेठालाल'चे (Jethalal) पात्र साकारणारा अभिनेता बदलणार असल्याचे म्हणण्यात आले आहे.

दिलीप जोशी

Jethalal Replacement : 'तारक मेहता का उल्टा चष्मा' (TMKOC) हा प्रेक्षकांचा आवडता टीव्ही शो आहे. टीआरपीच्या शर्यतीतही या शोने टॉप 10मध्ये आपले स्थान कायम राखले आहे. या शोचे बहुतेक कलाकार गेल्या 14 वर्षांपासून या मालिकेशी संबंधित आहेत. पण, या शोमधील असे अनेक कलाकारही होते, ज्यांनी हा शो सोडला किंवा गेल्या काही वर्षांत त्यांची जागा इतरांनी घेतली.

आता सोशल मीडियावर अशी एक पोस्ट आली आहे, ज्यामध्ये तारक मेहता म्हणजेच 'जेठालाल'चे (Jethalal) पात्र साकारणारा अभिनेता बदलणार असल्याचे म्हणण्यात आले आहे. या शोचे अतिशय लोकप्रिय पात्र ‘जेठालाल’ साकारणारे दिलीप जोशी (Dilip Joshi) मालिकेतून बाहेर पडणार की काय, या विचाराने प्रेक्षकांना देखील धक्का बसला होता.

सोशल मीडियावरील पोस्ट चर्चेत

या शोबद्दलच्या एका इन्स्टापेजने एक पोस्ट केली आहे. या पोस्टमध्ये निर्माते असितकुमार मोदी सोशल मीडिया कंटेंट क्रिएटर सौरभ घाडगेला ‘जेठलाल’च्या भूमिकेत घेणार असल्याचे म्हणण्यात आले आहे. टीव्ही जगतातील सर्वात जास्त काळ चालणारा शो ‘तारक मेहता’बद्दल केलेल्या या पोस्टमध्ये सौरभ घाडगे ‘जेठालाल’च्या पात्राला मागे टाकू शकतो, असे म्हटले होते. वास्तविक, पोस्ट सेन्सिबल टाईम्स नावाच्या एका इन्स्टा पेजवरून समोर आली होती, ज्यामध्ये मोठ्या अक्षरात ब्रेकिंग न्यूज असे लिहिले होते.

पाहा पोस्ट :

युट्युबरने सांगितले सत्य

यासोबतच ‘तारक मेहता..’ शोचे पोस्टर एका बाजूला, तर सौरभ घाडगेचा फोटो दुसऱ्या बाजूला होता. त्यात लिहिले होते की, तारक मेहतामध्ये जेठाऐवजी सौरभला घेण्याचा विचार निर्माते करत आहेत. अशा परिस्थितीत ही पोस्ट सोशल मीडियावर खूप व्हायरल होऊ लागली. त्यानंतर ही बातमी यूट्यूबर सौरभपर्यंत पोहोचली. मात्र, सौरव घाडगे याने या वृत्ताचे स्पष्ट खंडन केले. शिवाय ही केवळ एक गंमत असल्याचे त्याने म्हटले आहे.

‘तारक मेहता का उल्टा चष्मा’ हा हिंदी टीव्ही इंडस्ट्रीचा सर्वात जास्त काळ चालणारा शो आहे. गेल्या 14 वर्षांपासून हा शो प्रेक्षकांचे मनोरंजन करत आहे. अशा परिस्थितीत या शोचे नाव गिनीज वर्ल्ड रेकॉर्डमध्येही नोंदवले गेले आहे. दिलीप जोशी व्यतिरिक्त अमित भट्ट, शैलेश लोढा, मुनमुन दत्ता आणि इतर अनेक कलाकार या शोमध्ये मुख्य भूमिकेत आहेत.

इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha