(Source: ECI / CVoter)
Marathi Celebrity: कुणाचं आहे कॅफे तर कुणाचं आहे रेस्टॉरंट; 'या' मराठी कलाकारांची हॉटेल व्यवसायात भरारी
Marathi Celebrity: कोण-कोणते सेलिब्रिटी हे हॉटेल व्यवसायात काम करत आहेत? याबाबत माहिती घेऊयात...
Marathi Celebrity: अनेक मराठी सेलिब्रिटी हे सध्या अभिनयक्षेत्रात करत करण्यासोबतच स्वत:चा व्यवसाय देखील करत आहेत. काही सेलिब्रिटींनी हॉटेल व्यवसायात एन्ट्री केली. कोण कोणते सेलिब्रिटी हे हॉटेल व्यवसायात काम करत आहेत? याबाबत माहिती घेऊयात...
हार्दिक जोशी
हार्दिक जोशीनं गेल्या वर्षी एक खास पोस्ट शेअर करुन त्याच्या कोल्हापूर बदाम थंडाई या थंडाई ब्रँडची माहिती सोशल मीडियाच्या माध्यमातून चाहत्यांना दिली होती. हार्दिकनं त्याच्या बदाम थंडाई या व्यवसायाच्या मुख्य शाखेचे काही फोटो सोशल मीडियावर शेअर केले होते. या फोटोला त्यानं कॅप्शन दिलं, 'कोल्हापूर येथे नव्याने सुरू केलेल्या माझ्या बदाम थंडाई या व्यवसायाच्या मुख्य शाखेला भेट दिली या वेळी ,माझ्या तुझ्यात जीव रंगला या सिरियल मधील सहकार्यांनी पण हजेरी लावली. महाराष्ट्रातील हे पहिल शॉप असेल जिथे थंडाई व लस्सी, बदाम शेक , काजू शेक चे वेगवेगळे प्रकार तुम्हाला मिळतील व महाराष्ट्रा मध्ये यांच्या लवकरच आणखी काही शाखा आम्ही उघडणार आहोत. कोल्हापूरात असाल तर खासबाग खाऊ गल्लीत नक्की भेट द्या आणि आपले आशीर्वाद असेच कायम माझ्या पाठीशी असुद्या धन्यवाद"
View this post on Instagram
अनघा भगरे
अभिनेत्री अनघा भगरेनं देखील हॉटेल व्यवसायात एन्ट्री केली आहे. तिनं सोशल मीडियाच्या माध्यमातून तिच्या वदनी कवळ या रेस्टॉरंटची माहिती चाहत्यांना दिली. तिनं पोस्टमध्ये लिहिलं,"गेले काही दिवस एकच प्रश्न विचारला जातोए , “आता पुढे काय?” तर यापुढे पुणेकरांच्या ह्रदयात थोडी जागा निर्माण करायचं ठरवलंय! मी आणि माझा भाऊ घेऊन येतोए “वदनी कवळ” परिपूर्ण थाळीचा आस्वाद. शुद्ध, सात्विक आणि रुचकर जेवण.
In the heart of Pune, Deccan. लवकरच येतय तुमच्या भेटीला. खूप धाडस करुन हे पाऊल उचलते आहे. अभिनेत्री म्हणून खूप प्रेम मिळालं आता उद्योजिका म्हणून तुमच्या सहकार्याची, प्रेमाची आणि आशिर्वादाची गरज आहे."
View this post on Instagram
निरंजन कुलकर्णी
अभिनेता निरंजन कुलकर्णीचं स्वत:चं कॅफे आहे.निरंजनने ठाण्यात स्वत:चं कॅफे सुरू केलं आहे. त्याच्या कॅफेचे नाव 'बडिज सँडविच' असं आहे. निरंजन हा त्याच्या कॅफेचे फोटो आणि व्हिडीओ सोशल मीडियावर शेअर करत असतो.
View this post on Instagram
सत्या मांजरेकर
अभिनेते महेश मांजरेकर यांचा मुलगा सत्या मांजरेकरचं 'सुका सुखी' नावाचं हॉटेल आहे. त्याच्या या हॉटेलमध्ये नॉन व्हेज आणि व्हेज पदार्थ खवय्यांना मिळतील. सत्या मांजरेकर देखील त्याच्या 'सुका सुखी' या हॉटेलचे फोटो सोशल मीडियावर शेअर केले आहेत. 'सुका सुखी' या हॉटेलला अनेक सेलिब्रिटींनी भेट दिली आहे. या हॉटेलमध्ये मिळणाऱ्या चविष्ट पदार्थांचे कौतुक अनेक सेलिब्रिटींनी केले आहे.
View this post on Instagram
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
