Vanita Kharat: वनिता खरातनं लग्नात घेतला खास उखाणा; म्हणाली, '...तूच माझा माहाराष्ट्र, तूच माझी हास्यजत्रा'
नुकताच वनिता खरातच्या (Vanita Kharat) विवाह सोहळ्यातील एक व्हिडीओ सोशल मीडियावर (Social Media) व्हायरल झाला आहे. या व्हिडीओमध्ये वनिता ही उखाणा घेताना दिसत आहे.
Vanita Kharat: अभिनेत्री वनिता खरातनं (Vanita Kharat) सुमित लोंढेसोबत (Sumit Londhe) लग्नगाठ बांधली आहे. वनिताच्या लग्नसोहळ्याचे तसेच हळद आणि मेहंदी समारंभाचे फोटो सोशल मीडियावर (Social Media) व्हायरल झाले आहेत. या फोटोमधील वनिता आणि सुमितच्या लूकला नेटकऱ्यांची पसंती मिळाली. नुकताच वनिताच्या विवाह सोहळ्यातील एक व्हिडीओ सोशल मीडियावर व्हायरल झाला आहे. या व्हिडीओमध्ये वनिता उखाणा घेताना दिसत आहे.
वनिताचा उखाणा
'कबिर सिंहच्या नादात पुष्पा देशभर पळाली. वनिताची प्रित सुमितलाच मिळाली.' असा उखाणा वनितानं लग्नात घेतला. तसेच तिनं आणखी एक भन्नाट उखाणा घेतला. या उखाण्याचा व्हिडीओ देखील सोशल मीडियावर व्हायरल होत आहे. या उखाण्यामध्ये वनितानं तिच्या महाराष्ट्राची हास्यजत्रा (Maharashtrachi Hasyajatra) या कार्यक्रमाचा उल्लेख केला आहे. "टेंशन रिलीज करायला शोधले मी फंडे सतरा, सुमित, तूच माझा माहाराष्ट्र, तूच माझी हास्यजत्रा" असा उखाणा तिनं घेतला.
सुमितचा उखाणा
सुमितनं देखील लग्नात खास उखाणा घेतला. "तू दिसतेस खूप सुंदर साडीवर, इथून पुढे तुला फिरवणार माझ्या गाडीवर", असा उखाणा सुमितनं लग्नात घेतला.
पाहा व्हिडीओ:
View this post on Instagram
वनितानं तिच्या प्री-वेडिंग फोटोशूटचे तसेच हळदीचे फोटो देखील सोशल मीडियावर शेअर केले होते. वनिताच्या सोशल मीडियावरील फोटोंना नेटकऱ्यांची पसंती मिळते.
वनिताचे चित्रपट
वनिताचा पती सुमित लोंढे हा एक उत्कृष्ट फोटोग्राफर आहे. तसेच तो व्हिडीओ क्रिएटर असण्यासोबत ब्लॉगरदेखील आहे. तर वनिता ही विविध कार्यक्रम आणि चित्रपटांमधून प्रेक्षकांच्या भेटीस येत आहे. वनिताचा सरला एक कोटी हा चित्रपट 20 जानेवारी या दिवशी प्रेक्षकांच्या भेटीस आला. या चित्रपटात तिनं गुड्डी ही भूमिका साकारली आहे. या चित्रपटात वनितासोबतच ईशा केसकर, ओंकार भोजने, छाया कदम, कमलाकर सातपुते यांनी देखील प्रमुख भूमिका साकारली आहे. तसेच तिनं कबिर सिंह या चित्रपटामध्ये देखील काम केलं आहे. महाराष्ट्राची हास्यजत्रा या कार्यक्रमामुळे वनिताला विशेष लोकप्रियता मिळाली. वनिताच्या विनोदी शैलीला प्रेक्षकांची नेहमी पसंती मिळते.
महत्त्वाच्या इतर बातम्या :
महत्त्वाच्या बातम्या
